سوال بسيط هل ممكن؟

[Mik_t4]

هل ممكن تعديل عربية موديل سبعينات مثلا او اول تمانينات ونخلي شكلها موديل 88 مثلا؟
يعني نصين ويتركب الصاج وكدا علي الشاسية
او النصين يتلحمو ويتاخد رقم الشاسية بتاع ال قديمة ويتركب علي موديل 88 ولا مينفعش؟
يعني هل دي

ممكن تتحول ل دي؟

[hanyhosney]

غالبا لا بس لو موديل 82 ممكن تشدها يبقي شكلها مش بطال

[Mik_t4]

هي عربية واحد اعرفة 4 باب موديل السبعينات او شكل الشارك مش متاكد وعملت حادثة جامدة كان علي مطب وجت عربية نقل خبطاة من ورا لزقتة في الاتوبيس الي قدامة فا باظت من ورا ومن قدام
وهو بيفكر يبيعها وبصراحة مفصولالة بسعر خرافي جدا فا انا حبيت اعرف هل لو اخدتها حتي كا ورق ورقم شاسية ممكن يتركب علي واحدة موديل الشكل الي بعدها الي هي e30???
بجد اتمني حد يقول اة اة اة اة

[Mik_t4]

ولو ممكن بردو يتغير البودي كامل بتاع ال e30 علي الشاسية بتاع الشارك؟؟؟؟؟ولا اية

[Ghost2]

ممكن مفيش مشاكل .. بس هتجيب عربية نفس اللون ... وهتثبت الموتور في الترخيص .. وتتعدل وبتعدي عادي مفيش مشاكل

[Mik_t4]

يعني اجيب عربية نصين واركب عليها الرقم ولا اركب النصين علي الشاسية بتاع القديمة؟؟؟
ولو جبت عربية مكانتش نفس اللون مينفعش؟

[Mik_t4]

بس هو الكلام دا اكيد ولا بعد ما العربية تتعمل وتتظبط ويتصرف عليها متترخصش بعد كدا
انا معرفش اي حاجة عن المرور يا جماعة لان مكنش عندي عربيات قبل كدا

[Ghost2]

يا باشا انت اللي يلزمك في المرور .. رقم شاسيه و رقم موتور .. وانت هتثبت الموتور في المرور .. يبقى مفيش اي مشاكل مادام انت مش عامل حاجه مخالفة .. وتقبل تحياتي . في ناس مركبين عربيات e36 كتير كده

[Mik_t4]

طيب مش بيبق متسجل عندهم رقم الشاسية وموديل العربية؟
ولا الرقم بس والموديل مش بيبق موجود؟

[Mik_t4]

ولو مفيش مشكلة في المرور
هل هتكون التكلفة كبيرة او قريبة من سعر العربية الموديل الي هيتحدثلة القديم؟

[Ghost2]

بص يا سيدي .. عشان اوفر عليك الاسئلة الكتير
انت هتشوف عربية عاملة حادثة وتكون مفيشهاش الا الشاسيه بس اللي سليم .. وبعد كده هتشتري عربية كاملة نصين استيراد .. وهتركب دي على الشاسيه ومعاك الافراج بتاع الموتور وهتثيته في المرور وكده تبقى القصة انتهت
اما عن موضوع العربية القديمة .. فا هو بيكون عنده رقم الشاسيه والموديل ورقم الموتور ..بس هو قدامه عربية نفس اللون .. يعني ميقدرش يتكلم ..هو يعني معاه صورة للعربية ... يعني مش هيتكلم في حاجه ..بس انا رأيي شرا العبد ولا تربيته .. اشتري عربية جاهزة احسن ... هتتبهدل في التسقيط ... خصوصا ان شكلها اول عربية ليك .. بلاش احسن وخليك في الحاجة النضيفة .. عشان تحب العربية

[Mik_t4]

اه هي هتكون اول عربية
المشكلة اني بحب الموعربية دي جدا
وكل الي بيتكلم في سيعرها بيقول من 40 ل 55 ودا كتير بجد ومش معايا خالص لان اصلا انا لسة في الكلية
فا عشان كدا بدور علي اي طريقة رخيصة اجيبها بيها لان ال 50 والارقام دي عالية اوي
ومعلش انا كتير الاسئلة بس اما تكون اول مرة في حاجة بتبق قلقان ومش فاهم فيها حاجة
وكل سنة وانت طيب

[Ghost2]

وانت طيب .. انا بس قلقان انك تجيب عربيك وترجع تقول يا ريتني .. لو الرينج مش مساعدك في الفلوس .. شوف عربية جولف 2 كويسة .. هتلاقي سعرها معقول .. ولو انت مصمم على e30 يبقى ربنا معاك بس خد بالك .. انت هتركب عربية نصين .. وساعة البيع مش هتبقى حلوة

[Mik_t4]

يا باشا الي معاهم الجولف بيستهبلو اوي اوي اوي في سعرها
يعني بردو يقولك من 35 وطالع
علي اية معرفش
انا بحب ال e30 جدا
هو انا ممكن الاقي منها في حدود كام؟
يعني لو معايا 30 او 35 ممكن الاقي حاجة حلوة ومش متبهدلة؟

[hanyhosney]

مايك يا صديقي
حتي ال 30 ولا 35 مش هيكفو الفيلم ال انت بتكلم فيه
اولا العربيه الشارك دي متجبش 5000 جنيه
بعد ال انت بتقوله
لو جبت العربيه النصين اكيد هيعملو من اكتر من 30 الف غير لحامهم غير تمن الموتور وتسقيطه فهتلاقي الدنيا وسعت
طبعا انا خنقتك
انا عندي اقتراح تاني اظرف
نفس العربيه ال انت بتكلم فيها
وهنحاول نجيب قطمه بتاعت قدام ورفرفين وكبوت و4 ابواب اكصدامين ورا وقدام
وممكن شنطه
دول تمنهم اقل بكتير من حق النصين
بس الحوار دا عايز متخصصين
ومحترفين
طبعا القطمه دي هتقطع وهتغيره وتلحمه عشان تغير شكل الشارك
او في اقتراح تاني
انا شفت واحد سمكري في المعادي عندنا شادد شارك ومسقط فيها مكنه 2500
بس شدتني
يعني ممكن تشد الشارك
وتبقي حلوه اوي
بس متدخلش نفسك في حوارات تضيع ال وراك وال قدامك
يا معلم