ماهى اسباب نقص الزيت؟

[Batman372]

مكتوب في كتالوج كمان , غريبة ديه , معلومة مهمة جدا فعلا , طيب هل الكلام ده بيحصل لو اخدت ال 2500 كم على فترة كبيرة مثلا مش مرة واحدا ولا عامة لازم ازود الزيت كل شوية ؟

لا يحصل لو كم كبير و لكن على فتره كبيره - غالبا بيحصل لو كم كتير فى فتره قصيره .
لازم تزود الزيت فقط لما الرسال تطلع فى idrive - و عامه مواتير ال 6 سلندر تاخد 7 لتر.
انا عن نفسى الموضوع ده اتكرر مرتيين فقط خلال 3 سنوات و افتكر المرتين فى اول سنه - منهم مره لما رحت من اسكندريه / شرم حوالى 1500 كم - و مره تانيه كنت فى الصيف رايح جى على الساحل لمده شهرين.
لكنى رحت مره الجونه حولى 1350 كم و مفيش اى حاجه حصلت !! هو موضوع طبيعى و غير مقلق او مزعج ...
تحياتى ....

[Batman372]

طيب ياخوننا انا عربيتى 316 وهى موديل 95 وبيحصل معايا الموضوع ده
انا كنت راكب فيات قبلها بونتو و 127 واتعلمت اعرف الموتور الخفيف من شويه علامات
اولا المكنه تاكل زيت
ثانيا تدخن ابيض
ثالثا تجرى اوى وهى فاضيه وتبقى تقيله مع الحمل وفى مرحلة متقدمه تبقى ضعيفه قدام الهوا
رابعا العربيه ما تطلعش على التالت ولا الرابع من الثبات وتكركر وتقف وكمان تكركر فى مطالع الكبارى وخصوصا لو محمله او مشغل تكييف
انا بقى ماعنديش اى حاجه من الحاجات دى الا نقصان الزيت واما سالت عن مداخل ومخارج المكنه قالولى ان ممكن يكون اويل سيل الزيت بينشع بس مش لدرجة كيلو فى مسافة 2000 كيلو متر
اول ما جبت العربيه حطيت زيت مصر للبترول ال 10000 كيلو وماقعدش وطار زى الهوا
دلوقتى بستعمل شل الاصفر وبردو بتاكل زيت بس مش زى زيت مصر للبترول
بفكر احط التعاون الاصفر وعن تجربه قبل كده هو زيت فعلا كويس واتقل من الشيل والموبيل واعتقد انه هايقعد وهايظبط الكلام
حد عنده تفسير تانى
الموتور بتاعى m43 الجديد كاتينه جنزير

حضرتك موضوعك ده مختلف تماما .
احنا بنتكلم على مواتير الفئه الخامسه e60 من اول مو 2005 - و اكيد مش مفوته او بها عيب !!
ايضا مذكور بوضوح و منوه عنه فى الكتالوج الخاص بالسياره و تفسيره عندهم ان جزء من الزيت يتبخر و ذلك لطبيعه تصميم هذه المواتير مثل مواتير السباق فورمولا.
تحياتى ...

[Batman372]

انا عارف طبعا ان اول سبب واخطرهم ان الموتور يكون مفوت وبياكل زيت زى مابيقولوا...
مع استبعاد السبب ده...ايه عى الاسباب الاخرى؟

ايه اللى ممكن يكون بيسرب زيت؟
انا العربيه عندى الزيت نقص فيها بمعدل لتر كامل بعد 2000 كيلو سواقه, ياترى ممكن السبب يكون ايه؟
انا على العموم رايح لمنصور يوم السبت يكشف عليها بس حابب اكون رايح على نور

والف شكر ليكوا

يا حبيبى مش مفوت و لا حاجه !!!!!! انا صادفت الموضوع ده و كل الى اعرفهم برده حصلهم !!!
كل ده بيحصل طبيعى لهذه المواتير و لو تقرا الكتالوج حتلاقى انه مذكور بوضوح
ايضا لو عيب مش حيطلع لك رسال تقولك pls add 1 litre - و كان حيطلع لك رساله تحذير malfunction engine !! pls stop the car & contact nearest dealer
نصيحه : روح البفاريه الى فى القطاميه و اسأل عن اقدم مهندس خبره افتكر اسمه م. صالح او صلاح و اى حد بيفهم و اعرف منهم كل حاجه - على فكره اى كشف و وضعها على الجهاز هو خدمه مجانيه طبعا - لا تدفع اى شىء - و اطمئن - تحياتى ...

[BMW5260]

يعني الكلام ده في المواتير الستة سلندر كلها ؟؟؟

[Batman372]

يعني الكلام ده في المواتير الستة سلندر كلها ؟؟؟

المواتير السته سلندر للشكل e60 ابتدأ من سنه 2005.

[m000dy]

حضرتك موضوعك ده مختلف تماما .
احنا بنتكلم على مواتير الفئه الخامسه e60 من اول مو 2005 - و اكيد مش مفوته او بها عيب !!
ايضا مذكور بوضوح و منوه عنه فى الكتالوج الخاص بالسياره و تفسيره عندهم ان جزء من الزيت يتبخر و ذلك لطبيعه تصميم هذه المواتير مثل مواتير السباق فورمولا.
تحياتى ...

ياخوننا لو حد عنده تفسير للموتور بتاعى ياريت يقوللى
شكرا