اريد شراء 316 ما ريكم (1997-2000) ما نصيحتكم

[bedooracle]

السلام عليكم و رمضان كريم
اريد شراء 316 او 318 من سنة 1997 الى 2000 و مع حوالى 90000 ما نصائحكم حيث انى جديد فى عالم الماكينة الالمانية

[BMW5260]

حضرتك بتتكلم في موديلين اللي هما e36 من سنة 91 إلى 98 ,و e46 من سنة 99 إلى 2006 تقريباً حدد أولاً لأن في فرق في أسعار قطع الغيار بين المودلين تصل للضعف على ما أعتقد

[bedooracle]

شكرا على الرد اولا ايهم الاغلى و هلى الضعف فى مقابل والا ؟

و ايهم افضل و متوفر له قطع غيار
فى على كونتكت و احدة 316 1998 بى 85000 ماشية 145 الف كيلو
و فى واحدة 316 1997 بى 85000 ماشية 108 الف كيلو
ولا ادور فى موديل سنة معينة تنصحنى بيه؟

[bedooracle]

كمان مثلا فى واحد منزل على كونتكت بي إم دبليو
318 2002 95000 ج م



1900 سى سى | 115000كم


اللون اسود كراسي جلد كهرباء الطار ه مالتي فاكشن تيب ترونيك الفتيس الجديد

[BMW5260]

الأغلي في قطع الغيار هي مافوق 98 والمودلين قطع غيارهم متوفرة بس لو هاتجيب موديل e46 هات بعد 2001 علشان الفتيس الجديد أفضل وديه ها تبقي أغلى من المبلغ اللي معاك .

[bedooracle]

شكرا و تسلم على الرد و الاهتمام

[Mik_t4]

انا من رئيي انك تجيب 318i 1997 او 98 لانها افضل من الي قبلها او عموما هات من بداية 96 عشان الموتور الجديد
والعربية دي ممكن تلاقي منها حالة متوسطة او نضيفة ب 75 وطالع وفي ب 55 بس اكيد متبهدلة
علفكرة شكلها احلي من المودل الي بعدها في رئيي وتنفع تتظبط وشبابية موت
غير انها تقفيل بلادها

[Mik_t4]

.....

[bedooracle]

تسلموا على الردود والاهتمام ان شاء الله هشوف اتنين النهاردة واحدة 316 1600 وواحدة 316 1800 و الاتنين صحابهم طالبين 85 الف كتير بس خلينا نشوف حالتهم ايه
عندى سؤال هو فى فرق بين 316 و 316i و لو فى الواحد يعرفه ازاى؟
شكرا مقدما

[fahd_628]

تسلموا على الردود والاهتمام ان شاء الله هشوف اتنين النهاردة واحدة 316 1600 وواحدة 316 1800 و الاتنين صحابهم طالبين 85 الف كتير بس خلينا نشوف حالتهم ايه
عندى سؤال هو فى فرق بين 316 و 316i و لو فى الواحد يعرفه ازاى؟
شكرا مقدما

مفيش فرق كلهم 316i

و BMW بتدى للمحركات البنزين i و بتدى d للمحركات الديزل

[BMW5260]

معلش حضرتك متأكد من المعلومة ديه لأن اللي أعرفه أن في كود بدون i وكود تاني بـ i ممكن أعرف السبب للعلم فقط

[ahmedfoud]

انا بأكدلك المعلومه كل العربيات ال316 الي في مصر i و دا معناه انها بنزين مش جاز ... عمرك شفت دبانه جاز في مصر
و لو حد قالك في فئه ( اي ) و فئه تانيه ( مش اي ) دي اشتغالات

[TheBuccaneer]

السلام عليكم و رمضان كريم
اريد شراء 316 او 318 من سنة 1997 الى 2000 و مع حوالى 90000 ما نصائحكم حيث انى جديد فى عالم الماكينة الالمانية

حضرتك مبلغ 90000 جنيه بالنسبه للأفضل حضرتك معك e36 1997 - 1998 و ال e46 1999 تمام. ال 2 جيدين لكن شكل ال e46 اكثر انسيابيه من ال e36 تمام و إمكانيات فارقه بسيطه مثلا خاصية ال asc و عدد الأيرباج دون الخوض فى تفاصيل كثيره. بالنسبه للأستاذ bmw520 و لحضرتك الفتيس الأستيبترونيك (الفتيس الجديد) بيبدأ من نهايات 2000 تمام يعنى ال 2001 كلها بها الفتيس الأستيبترونيك تمام. عالعموم أسعار ال e46 1999 بتبدأ من 90000 جنيه - 95000 جنيه. ال e46 2000 بتبدأ من 95000 - 100000 جنيه. ال e46 2001 بتبدأ من 100000 - 105000 جنيه تمام هذه الأسعار ليست ملزمه لكن معظم السيارات هتجدها فى هذه الحدود من الأسعار فى بعض الأحيان تجد عدد يكاد يكون معدوم من وقت لأخر من ال e46 1999 بينزل سعرها كحد أقصى فى النزول إلى 85000 جنيه تمام. و إن شاء الله ربنا يسهل و تجد سياره ممتازه بلا مصروف و بالمناسبه أسعار قطع غيار ال e46 اغلى طبعا من ال e36

[bedooracle]

شكرا TheBuccaneer على الرد و شكرا للزملاء الافاضل :
- انا شوفت واحدة e36 عاملة 108 الف كيلو حلتها نظيفة جدا جدا بس صاحبها متمسك بى 83 الف ما ررايكم
- هل العداد الديجتال ممكن يتغير او يتلعب فيه؟
-

و بالمناسبه أسعار قطع غيار ال e46 اغلى طبعا من ال e36

فرق كبير؟ مثال ؟
شكرا

[TheBuccaneer]

شكرا TheBuccaneer على الرد و شكرا للزملاء الافاضل :
- انا شوفت واحدة e36 عاملة 108 الف كيلو حلتها نظيفة جدا جدا بس صاحبها متمسك بى 83 الف ما ررايكم
- هل العداد الديجتال ممكن يتغير او يتلعب فيه؟
-
فرق كبير؟ مثال ؟
شكرا

العداد مش الموضوع إنه يتغير قراءته لكن ممكن تغير العداد بالكامل بواحد ثانى يكون أقل لكن إذا كانت السياره نظيفه اعتقد إن العداد لم يتغير لأن حالة السياره جيده و بالتالى لن يضطر صاحبها إلى تغيير العداد و حتى إن كان مغيره أهم شىء هو حالة السياره

بالنسبه للموديل الثانى اللى هو ال E46 "اللى حضرتك شاهدتها إسمها E36" فال 316 منها كلها مانيوال و لم تنزل بفتيس أتوماتيك أو حتى استيبترونيك على حد علمى ما لم تكن طلب خاص. لأن شركة بى إم دبليو كانت بتعطى ميزه لموديل ال 318 فى هذا الشكل فى إنها تنزل بالفتيس الأتوماتيك أو الفتيس الأستيبترونيك "و بأختصار شديد هو فتيس اتوماتيك أيضا لكن به مميزات و إمكانيات أضافيه عن الفتيس الأتوماتيك العادى" بالنسبه لل E46 فهتجد بصعوبه بالغه موديل مثلا 2000 و يكون 316 لأن المنتشر بمصر هنا فى أعوام 1999 - 2001 هى فئة ال 318 لكن مع بداية 2002 هتجد فئة ال 316 و ال 318 و طبعا سعر ال 2 فارق جامد يعنى ممكن ب 12000 - 125000 جنيه تشترى 316 موديل 2005 لكن نفس المبلغ يعيطك إمكانية شراء 318 موديل 2002 "هاى لاين - بإختصار شديد مزوده بفتحة سقف" أو 2003 "بيز لاين - بدون فتحة سقف"

أسعار قطع الغيار طبعا فارق كبير بين ال E36 و ال E46 على سبيل المثال علبة دركسيون استيراد لل e36 ب 1000 جنيه إنما لل E46 فب 1800 جنيه أيضا هتجد اختلافات فى أسعار العفشه هتكون اغلى فى ال E46 أسعار الفوانيس الأماميه على سبيل المثال ال E36 زوج الفوانيس الأماميه + زوج فوانيس الأشاره الأمامى استيراد حاله نظيفه ب 600 جنيه و هو نفس سعر الفوانيس الخلفيه "موديل 1997 و اللى بيكون فيها فانوس الأشاره أبيض" و إن كنت هتشترى فوانيس خلفيه موديل أقل من 1997 "فوانيس الأشاره فيها لونها برتقالى" هتجدها أرخص حوالى 350 - 400 جنيه تقريبا.

و مثل ما ذكرت لك سابقا أنت امامك نوعين من السيارات إما E36 316 - 318 - 320 - 325 و 328 موديلات 1997 - 1998 و إما E46 318 1999 لأنها فى حدود المبلغ الذى معك

E46 1999 - 2001


E36