محتاج مساعدتكم يا رجاله ضرورى بخصوص شراء 316 موديل 97

[mdogs1979]

[justify]السلام عليكم و رحمه الله و بركاته
كل عام و انتم بخير

محتاج مساعدتكم و رئيكم يا رجاله ضرورى بخصوص شراء 316 موديل 96- 97- 98

بصراحه انا محتار جدا جدا فى الموضوع ده انا بدور على عربيه فى حدود 70 الف

لاحظت ان فى ناس عارضه عربياتهم يمكن اكتر من سنه و بيجددو الاعلان كل فتره
معنى ده انهم مش عارفين يبيعوها - معرفش طبعا ايه السبب

هل عربياتهم هى اللى فيها مشكله ؟
و لا دى طبيعه 316 مش بتتباع بسهوله و محدش عاوزها ؟

طيب ما انا لما بقارناها ب لانسر موديل 2007 و فول اوبشن اوتومتيك و فتحه سقف
بلاقى ان عليها اقبال فى البيع و الشراء كبير بس انا مش متخفذ ليها

لاكن انا نفسى طبعا فى ال 316 بس خايف اجيب عربيه و لو حبيت اغيرها
بعد سناتين او تلاته معرفش ابيعها خالص و دا مبلغ بردو مش قليل بالنسبالى

تانى حاجه مفيش حد يدلنى على عربيه 316 e36 موديل 96- 97- 98
و تكون اوتومتيك فبريكه و حالتها كويسه مش محتاجه مصاريف

[/justify]

....

[DReaMaKeR]

السلام عليكم
بص يا باشا... المشكلة في السوق في الغالب
انا فضلت معلق اعلان على عربيتي حوالي 10 شهور
وناس قليلة اتفرجت عليها... ومعظم إلي بيجي لأما تاجر عاوز يخلص وجاهز ب 45
لأما مايعرفشي يعني ايه بي ام اصلا وجاي علشان اشرحلوا
المهم في الأخر بعتها لشاب فاهم يعني ايه بي ام
واعتقد ده بالضبط إلي انت هتشوفوا وإنت بتبيع عربيتك
إلا لو ربنا رزقك بدبانة بسعر لقطة حتى لمه هتيجي تبيع مش هتحس بالخسارة قوي

بس نصيحة تجيب حاجه نظيفة وخليك في 4 سليندر 316i or 318i or 318is
بالنسبة ل 96 : 98 سعرهم دلوقتي في اوخر الخمسينات لحد اواخر الستينات ده لو حاجه لقطه قوي قوي معتقدشي انها تجيب ابدا70
وربنا يوفقك

[mdogs1979]

بس نصيحة تجيب حاجه نظيفة وخليك في 4 سليندر 316i or 318i or 318is
بالنسبة ل 96 : 98 سعرهم دلوقتي في اوخر الخمسينات لحد اواخر الستينات ده لو حاجه لقطه قوي قوي معتقدشي انها تجيب ابدا70
وربنا يوفقك

ازاى يا باشا الاسعار دى الناس عارضه على كونتكت كار موديل 98 ب 85.000 الف هو طبعا مبالغ فيه بس مفيش حاجه معروضه فى الخمسينات دى خالص ,, مفيش غير موديلات 91 و 92

يا ريت تقلي لو فى قدامك واحده نضيفه ,, و بالنسبه للمقارنه ب الانسر 2007 ايه رئيك

[speed4speed]

ازاى يا باشا الاسعار دى الناس عارضه على كونتكت كار موديل 98 ب 85.000 الف هو طبعا مبالغ فيه بس مفيش حاجه معروضه فى الخمسينات دى خالص ,, مفيش غير موديلات 91 و 92

سيب اللى يكتب يكتب
طيب فى واحده مو 89 325 معدله البيما بيقول 90 الف ( عادى جدا )
العربيه من 95 الى 97 بيتكلمم فى الستينات لو حالتها حلوه

يا ريت تقلي لو فى قدامك واحده نضيفه ,, و بالنسبه للمقارنه ب الانسر 2007 ايه رئيك

لا تجوز المقارنه بينهم ( دى وضع و التانيه وضع و الفرق سنين و حجات كتير )
بالطريقه دى حندخل على الراحه النفسيه واحد يقلك بى ام و التانى لانسر
و لو مفكر انك تجيب لانسر (اكشن او سوبر اكشن ) ب 70 الف اكيد مش حتلاقيها تنفع تتركب

[DReaMaKeR]

سيب اللى يكتب يكتب
طيب فى واحده مو 89 325 معدله البيما بيقول 90 الف ( عادى جدا )
العربيه من 95 الى 97 بيتكلمم فى الستينات لو حالتها حلوه

لا تجوز المقارنه بينهم ( دى وضع و التانيه وضع و الفرق سنين و حجات كتير )
بالطريقه دى حندخل على الراحه النفسيه واحد يقلك بى ام و التانى لانسر
و لو مفكر انك تجيب لانسر (اكشن او سوبر اكشن ) ب 70 الف اكيد مش حتلاقيها تنفع تتركب

كلامك مضبوط speed4speed

انا مثلا مش بعلرف اسوق لانسر.. ومش عاوز اقول اني كنت مسافر ومعايا civic 2009 نزلت وبدلت مع واحد 318i 2001 علشان مش عارف اسوقها "حاسس اني راكب عرسة لو تفهم قصدي"

ال بي ام كلوا خلفي إلا الفئة الأولى بس هي الأمامي..
فطبعا فيه فرق كبير جدا في السواقة
ده طبعا بخلاف ركوبة الألماني وعزم الماتور وقوة التحمل

وبعدين لو ركبت 316 عادية وشديت مع لانسر 115 حصان اكيد هيطلع منك

لو هتجيب 316 مش هتلاقي الجري إلي انت متخيله.. بس الفرق في الركوبة
عاوز جري وركوبة و مش تصرف كتير دور على 318is

[fahd_628]

كلامك مضبوط speed4speed

انا مثلا مش بعلرف اسوق لانسر.. ومش عاوز اقول اني كنت مسافر ومعايا civic 2009 نزلت وبدلت مع واحد 318i 2001 علشان مش عارف اسوقها "حاسس اني راكب عرسة لو تفهم قصدي"

ال بي ام كلوا خلفي إلا الفئة الأولى بس هي الأمامي..
فطبعا فيه فرق كبير جدا في السواقة
ده طبعا بخلاف ركوبة الألماني وعزم الماتور وقوة التحمل

وبعدين لو ركبت 316 عادية وشديت مع لانسر 115 حصان اكيد هيطلع منك

لو هتجيب 316 مش هتلاقي الجري إلي انت متخيله.. بس الفرق في الركوبة
عاوز جري وركوبة و مش تصرف كتير دور على 318is

الفئة الأولى دفع خلفى برضة !!!

[DReaMaKeR]

ألف شكر يا فادي لتصحيح المعلومة
انا اول مره اعرف ان الفئة الأولي خلفي بجد :s

اسف جدا على المعلومة الخطأ دي

[BMW5260]

بس حتة السعر آخر الستينات ده صعب قوي هو ممكن السعر يوصل لغاية 75 لأني أنا كمان بدور على نفس الموديل ونفس المواصفات

[BMW5260]

ساعدونا ياناس

[DReaMaKeR]

ياباشا السعر في اوخر السيتنيات زي ما قلنالك
بمعني ان لو العربية فبريكا قوي وحالتها ماحصلتش هتعمل 70 مقفولة مش 71
غير كده ما تدفعشي مليم احمر.. لإنك هتخسر جامد اصلا لمه تيجي تبيع
ومش تقول ادفع علشان اخلص.. إلا لو هتنسى المبلغ إلي هاتدفعوا زياده و مش تزعل عليه بقى :)

وللأسف من حلاوة العربية اصحبها بيبعوها غناوة.. "دي لو حلتها حلوة طبعا" بس برضوا دور و إنزال السوق بالذات الجمعه دي والجمعة |إلي بعد العيد
بس اكشف عليها كويس قوي علشان البلد غرقانه نصاص
وربنا معاك

[mdogs1979]

ايه يا جماعه محدش قدامه عربيه نضيفه e36

[DReaMaKeR]

صعب موووووت
في الغالب هتجبها وتزبطلها الفرش إلي جوه

[mdogs1979]

صعب موووووت
في الغالب هتجبها وتزبطلها الفرش إلي جوه

يا رب تيجى على الفرش بسيطه

لو حد قدامه عربيه كويسه يقول يا جماعه

[TheBuccaneer]

ياباشا السعر في اوخر السيتنيات زي ما قلنالك
بمعني ان لو العربية فبريكا قوي وحالتها ماحصلتش هتعمل 70 مقفولة مش 71
غير كده ما تدفعشي مليم احمر.. لإنك هتخسر جامد اصلا لمه تيجي تبيع
ومش تقول ادفع علشان اخلص.. إلا لو هتنسى المبلغ إلي هاتدفعوا زياده و مش تزعل عليه بقى :)

وللأسف من حلاوة العربية اصحبها بيبعوها غناوة.. "دي لو حلتها حلوة طبعا" بس برضوا دور و إنزال السوق بالذات الجمعه دي والجمعة |إلي بعد العيد
بس اكشف عليها كويس قوي علشان البلد غرقانه نصاص
وربنا معاك

السلام عليكم
بص يا باشا... المشكلة في السوق في الغالب
انا فضلت معلق اعلان على عربيتي حوالي 10 شهور
وناس قليلة اتفرجت عليها... ومعظم إلي بيجي لأما تاجر عاوز يخلص وجاهز ب 45
لأما مايعرفشي يعني ايه بي ام اصلا وجاي علشان اشرحلوا
المهم في الأخر بعتها لشاب فاهم يعني ايه بي ام
واعتقد ده بالضبط إلي انت هتشوفوا وإنت بتبيع عربيتك
إلا لو ربنا رزقك بدبانة بسعر لقطة حتى لمه هتيجي تبيع مش هتحس بالخسارة قوي

بس نصيحة تجيب حاجه نظيفة وخليك في 4 سليندر 316i or 318i or 318is
بالنسبة ل 96 : 98 سعرهم دلوقتي في اوخر الخمسينات لحد اواخر الستينات ده لو حاجه لقطه قوي قوي معتقدشي انها تجيب ابدا70
وربنا يوفقك

السلام عليكم. مع احترامى لكل منكم بشكل كبير لكن اختلف معكم فى نقطة الأسعار ال e36 عمرها ما نزلت لحدود الخمسينات إلا إذا كانت موديل 1991 - 1992 و اكيد حاله ليست جيده و هتحتاج مصروف كبير عليها و ال e36 فى العادى بتبدأ من 60000 - 65000 جنيه إلى 80000 - 85000 جنيه كسعر أقصى للسياره فى موديلات 1997 و 1998 بحالة الفابريكه و لا تحتاج مصروف. إنما سعر الخمسينات فى ال e36 هذا قليل جدا و 90% من المعروض بهذا السعر محتاج مصروف تمام. أنت بال 70000 جنيه تقدر تشترى موديل 1996 - 1997 لكن ليست بحالة الفابريكة يعنى هتجدها رش من الخارج خصوصا موديل 1997 لكن سعر 70000 جنيه ممكن تجد به موديل 1996 بحالة الفابريكه و إن شاء الله إن وجدت أمامى سياره موديل 1996 - 1997 بحاله جيده و سعرها مناسب هرسل لك تمام :) و احترامى للأعضاء و اراءهم و لكل رأيه و وجهة نظره فى الأسعار لكن انا بالأمانه لم يصادفى إن وجدت e36 بمبلغ فى حدود الخمسينات إلا و كانت محتاجه مصروف و بتكون محصوره فى موديل 1991 أو 1992 فقط إنما فى العادى فسعرال e36 يبدأ من 60000 - 65000 جنيه.

[fahd_628]

يا جماعة كل واحد و عارف عربيتة انا رأى كدة

يعنى الى معاة عربية و عارف انها مش تمام حيطلب 60 - 65 لكن الى معاة عربية تماااااااااام جدا حيطلب 75 - 80 و ممكن 85 كمان

بس لما تبص على عربية معروضة ب 60 و عربية معروضة ب 80 حتعرف الفرق

و خلى بالك تلاقى واحدة زى الفل ب 60 بس نصين ولا مغيرة نص ولا حاجة