عملت اية لعربيتك النهاردة

[fahd_628]

السلام عليكم

انا لقيت فكرة حلوة فى منتدى اجنبى تانى و حبيت اشاركها معاكم و نحاول نفيد بعض بيها بالمرة

ياريت لو حد يقدر يحط صور للى هوة عملة فى عربيتة و اتكلف كام و شوية معلومات كدة و طبعا لازم يقول نوع و موديل العربية

انا حبتدى بنفسى

العربية E36 316i موديل 1995 بموتور M43b16 مانيوال

اول ما جبت العربية بعدها ب 2000 كم قمت مغير الزيت بزيت Mobil XHP انا كنت عاوز شيل بس مش مشكلة المرة دية موبيل المهم و كنت عاوز فيلتر و كنت لسة جديد و سألت على فيلتر فى مكان معين لقيت MEYLE و الصراحة النوع دة معجبنيش خالص و حاسس ان ال Quality بتاعتة رديئة مع انة المفروض المانى قمت طالع على التوكيل و جبت فيلتر زيت ب 80 جنية :( علشان كنت لسة جديد و مش عارف بقى الحاجات الى موجودة فى السوق بس دلوقتى عرفت و لقيت نوع Knecht الى هوة Mahle المانى ب 40 جنية

المهم دية صورة الفيلتر من التوكيل


Uploaded with ImageShack.us


من كام يوم اشتريت طقم فوجات ZKW بمساعدة اخى عمرو Thebuccaneer حالتهم ممتازة الحمد لله ب 300 جنية


Uploaded with ImageShack.us

و بالمرة النهاردة جبت Motor flush علشان ينضفلى الموتور من جوة دة برضة موتور بقالة كتيير شغال جبت نوع Cyclo من بنزينة توتال ب 30 جنية او 25 مش فاكر و دة كان الكبير كان فية الصغير ابرو ب 15 او حاجة كدة انا مش عارف لية جبت الكبير

هحطة ان شاء الله قبل تغييرة الزيت الى جاية


Uploaded with ImageShack.us

و بعدين قمت جايب طقم بوجيهات ماركة BERU فرنساوى ال 4 ب 75 جنية 2 شمعة مش عارف دول مظبوطين ولا لأ

انا قلبت الدنيا على BOSCH F 7 LDCR او NGK BKR 6 EK الى هما الأوريجينال بتوعها ملقيتش


Uploaded with ImageShack.us

و اخيرا جبت فيلتر بنزين ماركة Knecht او Mahle المانى شكلة محترم ب 130 جنية


Uploaded with ImageShack.us

الى جاى بقى ان شاء الله

تيل امامى و خلفى
طنابير امامى
فبرة طوربيدو ( تم طلبها من التوكيل و حتوصل بعد 45 يوم ان شاء الله )
سيلات الزجاج الخلفى ( Vent ) تم طلبهم برضة من التوكيل
انوار عدادات التابلوة برضة تم طلبهم من التوكيل

فية حاجات بسيطة انا بحب اجيبها كدة و بفرح اوى لما اعملها و فية ناس ممكن تقول اية الحاجات التافهة دية بس انا بالنسبالى دية حاجات كبيرة مثلا يعنى لمض الطابلوة عندى شغالين و كل حاجة بس عمرهم من عمر العربية و بقى عندى عند RPM 4 و 3 النور خافت شوية طبعا اللمبة كتر خيرها

فبرة الطوربيدو انا بحب تبقى العربية بحالة ممتازة و الفبرة متكونش متاكلة

السيلات شكلها وحش و دة موضوع شائع فى الكوبية

البوجيهات و فلتر البنزين علشان عندى تقطيعة بسيطة اوى ساعات بتظهر كدة كل فين و فين

الفوجات مصفرين و شكلهم وحش

بس كدة :)

و عاوزين نتابع بقى مع بعض كل ما نعمل حاجة فى العربية نشاركها مع بعض علشان الكل يستفاد

و عاوزين برضة لو حد عندة القدرة انة يعمل الحاجات بنفسة زى برة ما بيعملو DIY او Do It Yourself انك تعمل الحاجات البسيطة بنفسك

يعنى مثلا انا ان شاء الله ناوى اغير فلتر البنزين بنفسى و طبعا غيار الزيت عملتة بنفسى و الفبرة حركبها انا و السيلات برضة و لو حد عاوز صور حبقى اصور العملية ان شاء الله

الفوجات تقريبا حخلى الكهربائى الى بتعامل معاة يركبها علشان الى قبلى كان مركب زينون و طبعا الله يخرب بيت الزينون لازم يقطع طرف السلك فا مش حتبقى Plug & Play :( غير كدة كنت حعملها بنفسى طبعا

انا الحمد لله عندى مكان اعمل فية الحاجات دية و عدة

و لو حتعمل الحاجات دية بنفسك لازم يكون عندك عدة دية اهم حاجة و مكان طبعا و خد برضة بصة على السيرفيس مانيوال من بنتلى حتلاقى فية كل الى انت عاوزة

و على فكرة انا عملت فرش سقف العربية بنفسى و الحمد لله النتائج ممتازة و راضى عنها جدا جدا

بس الصراحة انا عملتة بمساعدة والدى يعنى معملتوش لوحدى 100 % يعنى كنت انا و هوة بنشتغل فية

و دية صورة قبل


Uploaded with ImageShack.us


Uploaded with ImageShack.us

و دية بعد


Uploaded with ImageShack.us


Uploaded with ImageShack.us


Uploaded with ImageShack.us

طبعا انا الى نزلت اخترت الخامة و درجة اللون و الكولا و جبت انواع ممتازة الحمد لله و الموضوع اتكلف 200 جنية تقريبا

انا عملت الموضوع دة بالأستعانة بمواضيع فى منتديات اخرى فى الخارج مش لوحدى يعنى

معلش طولت عليكم

و ارجو المشاركة

[Bmipmact]

متابع حشارك إن شاء الله كمان كام يوم كدة

[hero200451]

جميله الفكره دى يا فهد احنا عايزين نتقابل فى اقرب فرصه شباب البى ام دبليو احنا عملنها قبل كده و اكيد ان شاء الله هيكون فى افكار اكبر من كده

[BMW5260]

الفكرة ديه جامدة والمفروض الناس كلها تشارك في الموضوع ده

[fahd_628]

اية يا جماعة فين المشاركات !!!!!!

النهاردة نزلت ركبت طقم الفوجات بدال القديم الى عندى و دية النتيجة الحمد لله جميلة جدا جدا جدا


Uploaded with ImageShack.us

[Eslam.Elrefaey]

موضوع جامد وان شاء الله تقلبها ام

[sheko_2000eg]

موضوع مميز فعلاً

[fahd_628]

النهاردة انا نضفت الفوانيس بنفسى و غيرت الفيلتر برضة بنفسى الموضوع سهل جدا

الفوانيس بجد بجد بجد رجعت جديدة تماااااااااااااما !

فرق شاسع جدا و الأضائة اتحسنت كتيير

بس لازم و انت بتنضفهم تشيل الوش و بعدين فى الوش تشيل العدسات الى ملزوقة بسيليكون رمادى كدة لازم تشيلهم و اغسل الفوانيس كويس جدا جدا جدا و بعدين بفوطة او منديل نشفهم و سيبهم فى الشمس و بعدين الزق العدسات تانى بسيليكون و ركب الفانوس و عيييييييش

النهاردة او بكرة ان شاء الله هحطلكم الصور قبل و بعد

تغيير الفيلتر بتاع البنزين مخدش 10 دقائق

تنظيف الفوانيس اخد بتاع 3-4 ساعات كدة بس بصراحة يستاهلووووووووووووووو يستاهلووووووووووووو الوقت دة

لو حد عندة E36 و الفوانيس الأمامية Bosch زى عندى لازم يفكهم و ينظفهم !!! لااااااااااازم

[pepsi007]

والله برافو عليك برنس

[fahd_628]

الصور قبل و بعد تنظيف الفوانيس

مش حقولكم غير بصو

قبل كانت منغبشة ازاى و النور كان بيبقى مشتت و مش حلو


Uploaded with ImageShack.us

و بعد انا مش مصدق الصورة دية :) اول شكل العربية من قدام اختلف تماما و الضوء بقى زىىىىىىىىىىىىى الفل و بقى مركز على الأرض فقط


Uploaded with ImageShack.us

[RA2OF]

ألسلام عليكم
انا بقي لما اشتريت العربية كان فيها شغل كتير هي 318 موديل 1987 و جايبها من فترة و بعمل ال فيها علي مذاجي
هي عليها موتور m50b20 كانوا السوستين ال ورا مقسوسين :ٍ قمت طبعا مغيرهم

جبتلها سوستين خلفي apex


بعد كده عملت ضفيرة كهرباء العربية من الاول خالص علشان مكنتش عجباني و كانت بتعمل قفلة ساعات ..

و غيرت طرمبة مياه و ثرومستات و تييل و مستر فرامل عمومي و جبت زيت كاسترول و زينون و بكرة ان شاء الله هغير جلب مقاصات و لسه شغل تاني بعدين

المهم انا بروق العربية حتة حتة علشان ان شاء الله مخليش فيها حاجة علشان انا اختها و فيها شغل كتير
نيجي بقي لل انا عملته بنفسي اصلي بحب الشغل ده

ركبت فلترين هواء
1- simota carbon
2- hks mashroum
طبعا جبت مسورة متفرعة اتنين .. هتسألني منين هقلك من اي حد بتاع سباكة و رشتها اسود و جبت ماسورة سوستة و ماسور ستانلس والكوعة الجلد بتاعت الفلاتر
و طلعت فلتر من الفانوس و التاني جوا !!! العادي ان ناس كتير بطلع قلتر kn او simota من فانوس ال e30 بس انا عملت الجديد بفضل الله .. طلعت من الفانوس ال فلتر ال hks mashroum
انا تعبت علشان اعمله بس الحمدلله
و فكيت الفوانيس كلها و غسلتها من جوا . طبعا كل ده بنفسي

انا هصورلكوا الفلتر من جوا و التفريعة ان شاء الله ..

نيجي مع صورة العربية



طبعا العربية عالية من ورا شوية صغنانين عن قدام و ده بسبب ال سوست ال apex و ده احسن علشان الدفع الخلفي لما بتتحرك العربية و بتجري بتوطة من ورا

و الصورة ديه مبينة الفلتر الماشروم



طبعا لسة في شغل كتير هعمله بمشيئة الله
زي الفرش و هجيب اكسدام m و هغير اللون طبعا ده غير شغل في العفشة طنابير و كده و التكييف
و ربنا يكرم واحدة واحدة ان شاء الله :)

[RA2OF]

معلش يا رجالة انا جبت ال عملته من اول ما اشتريت العربية .. و مل ما اعمل حاجة هكتبها في يومها ان شاء الله

[magyver]

بجد موضوووووووووع جمييييييييييييييل جداا
يارؤؤف جبت طرمبة المية بكاااااااااااام والترموستااات واخباار الحراارة معاك اية ويااريت صورة للمكنة

[RA2OF]

بجد موضوووووووووع جمييييييييييييييل جداا
يارؤؤف جبت طرمبة المية بكاااااااااااام والترموستااات واخباار الحراارة معاك اية ويااريت صورة للمكنة

ءبس يا باشا انا واخد الطرمبة استيراد عاملة 250 جنيه بس نضيفة و بتاعات ال 25 مش ال 20 هي هي نفس الشكل و الحجم بس كا متاريل امتن .
و الثرموستات انا واخدم من الميكانيكي ب 50 جنيه اكمينوا صاحبي .. بس انا سألت
و هو يعمل 100 او 120 من الحرفيين ..
بص هي الحرارة كانت كويسة لحد ما الثرموستات باظ ف العربية بقت بتسخن للأخر .. لحد ما غيرته و الحمد لله الحرارة اتعدلت ..

المكنة بقي ال هي بتاعت 20 اسود موديل 1991 ..
و هبقي اصورها ان شاء الله

[magyver]

امممممممممممم اصل انا جايب الترمووستاات بتاعت المرسيدس
هيااا بالظبط بتاعت البي ام بنفس الرقم
انت بتتعامل مع مين في المميكانيكا