باركولي الاول ---- و بعدين ساعدوني :)

[gomgoma22]

ع العموم يا باشا انت اكيد ادري مني
انا معلوماتي برضو جايبها من المنتدي و الاعضاء
و كلنا بنستفيد من بعض :)

و فعلا ده الموتور بتاعي
شكرا ع الافاده

[dado_256]

مبرووووك ربنا يباركلك فيها ويكفيك شرها

[ahmedesmat1987]

Mik_t4 شكرا ليك و ربنا يوفقك يا رب وتجيب احلي منها :)

E30power شكرا يا باشا ع الصوره و تابلوه فعلا جميل ماشاء الله ربنا يبارك
بس في حاجه غريبه !![gdwl] انا عندي دراع كمان زياده تحت دراع المساحات و مش عارف بتاع ايه[/gdwl] !!!

دا احتمال يكون cross control مثبت السرعه زى التويوتا الشيب الجديد الكروس بردو بيكون دراع تحت دراع المساحات ....

[samehelrewesh]

أولا الف مبروووك ع العربية وربنا يديك خيرها ويكفيك شرها
ثانيا بقى

1- العربيه متسقطه اوي قدام و ورا و محطوطلها جنط 16 عريض --- ف لما بلف الفرده اللي قدام بتحك ف الرفرف وبرضه ورا لما باخد مطب الرفرف بينزل يحك ف الكوتش الخلفي \ دلوني اعليها ازاي وفين و هتتكلف كام
ركب السوست بتاعتها الاصلية ورجع العربية على طبيعتها من غير ولا عليات ولا اى حاجة وسيب العربية على وضعها ولو العجل حك معاك تانى يبقى الكوتش عريض زيادة عن اللزوم وفى الحالة دى تركب صدادات ع المساعد ( من غييييييييير عليات ) عشان العربية متعومش معاك

2- اهم حاجه بقي اللي معقداني ف عيشتي و هتكرهني ف البي ام بعد الشر يعني ---- السحب,
الموتور صوته لوحده وهي متموره عالي و حلو وشديد " ال ار بي ا مش شغال " بس الفتيس بقي
اول ما بديله غيار العربيه بحسها 800 سي سي مش 2000 !!!!! انا كان معايا كريستاله 1300 قبلها
والله العظيم حاسسها اقوي منها وبالمناسبه يا جماعه الموتور صاحبه لسه مغيره من 6 شهور
بس مش عارف ليه تقيل اوي كده ف السحب ؟!! و الكيك داون برضو تعبااااااااااان
انا بجد بعد ما فرحت بالعربيه حسيت ان الفيتيس و الموتور هيقفلوني منها
\ارجوكو دلوني و قولوولي اعمل فيها ايه و العيب ده من ايه ؟ واعملها عند مين ؟؟؟

3- حاجه كمان هي ان الفيتيس غياراته سايحه علي بعض يعني مفيش الكليك اللي بين كل غيار و التاني "اوتوماتك" \ دي بقي اعمل فيها ايه ؟؟
بص ياباشا اول حاجة بس لازم تبقى فاهمها ان ال بى ام فشلت فى حجتين الاوتوماتيك والتكييف بس طبعا مش فشلت بمعنى انها بوظط الدنيا لا الفكرة بس كلها ان الاوتوماتيك فى البى ام بطئ شوية فى اوله انما بعد كدة ملهاش حل اللى انت بتتكلم فيه دا انت معاك ماتور ما شاااااااء الله عليها جميلة انا شخصيا بعشقها لانها ماكنة حامية جدااا بس اللى انت بتقوله دا غااااااااااالبا عندك مشكلة فى الفتيس خلى حد يكشفلك عليه وشوف ايه الحكاية لانك كمان بتقول ان الكيك داون بتاعه تعبان ودا مش منطقى خااالص مع المكنة دى
وبردة متنساش انك مشترى عربية مستعملة ولازم تعمل سيرفيس المتور سيور وفلاتر بوجيهات زيووت الكلام دا كله عشان انت متعرفش صاحبها القديمكان مركبهم من امتى ولا استعمالة ازاى
ونصيحة خليك مع منصور جسر السويس هو غالى شوية بس استاذ وفاهم شغله اوى
-انت كشفت ع المتور وانت بتجبها وعرفت هو كام ف المية ؟؟؟؟


4- الهاند بريك تقريبا ملهوش واير --- او سايب \ لأسوأ الظروف الواير تمنه كام ؟ و منين
5- العربيه عايزه شبكه امامي بطقم الفوانيس الاربعه لأن اللي فيها متبهدل\دلوني بكام و منين والفوانيس العاديه بكام و العدسه و الرينجات بكام ؟؟

انزل الحرفيين هتلاقى كل الكلام دا ( العمدة - زهير - بسام - المتحدة - وفى ناس تانية بس دول اشهرهم )

6- صالون العربيه عايز يتشد برضو و شوية زراير عايزه تتغير و فرش الابواب و كده يعني -- عايزه شدة
سروجي بس يكون معلم \ ياريت برضو تدلوني علي حد و التكلفه بالتقريب كام ؟
فرش حسب امكانياتك ( حربى - احمد على) الحرفيين وعندك الجندى دا فى احمد سعيد )
بس حربى بصراحة توب التوب فى الموضوع دا وبالذات البى ام ولو رحتله هتشووووف العربيات دى عنده شكلها ايه بس هو غالى اوووووووى
فى حاجة تانية انك تشترى طقم صالون كامل وتريح نفسك (انا كنت سأل عند العمدة من حوالى سنة كان عامل 1850 كرسيين وكنبه وفرش بيبان
وكان فى فرش ال e36 كان ب 2350

7- التابلوه في زراير كتير اوي مش شغاله ولا اعرف اصلا بتاعة ايه و عداد ال ار بي ام مش شغال
وفي لمض كتير علطول شغاله ---- يعني باختصار برضو عايزه كهربائي محترم \ دلوووووني علي حد كويس و امين و عرفوني برضه هتتكلف كام ؟
اطقم العدادات ب 300او 350 بس لازم يكون معاك كهربائى على طول عشان تجربه ولو مش شغال ترجعه لان سعات بيكون فى حجات كتييير قاطعة

8- الجنوط عندي 5 خرم بس كلهم مربوطين ب 4 مسامير بس وفي واحد مربوط ب تلاته !!
ف مش عارف برضو ده من الطنبوره ولا هي مسامير ناقصه ولو ناقصه اجيبها منين ؟
المسامير دى من عند اى حد بتاع قطع غيار بى ام او حد بتاع جنوط بس اتاكد ان عربيتك اصلا 5 مسمارعشان متجبهمش ع الفاضى

9- و اخيرا بقي عشان مطولش عليكو عايز اسأل علي اسعار شوية حاجات و اماكن بيعها :
المساعد بتاع الكبوت و بتاع الشنطه - المرايات الجانبيه و طقم الكهربا بتاعها - التابلوه كامل - فيتيس مانول
انزل الحرفيين هتلاقى كل الكلام دا ( العمدة - زهير - بسام - المتحدة - وفى ناس تانية بس دول اشهرهم ) _alshmokh22[1]:
شكرااااااااا

[gomgoma22]

يا جماعه انا عاااااااجز عن الشكر بجد
واسف علي التأخير ف الرد بس ظروف الشغل
انا بصراحه واللله تعبت من اللف --- الواحد عايز اجازه عشان يفضي كل يوم يروح الحرفين و جسر السويس و يجيب و يودي
لكن هعمل ايه --- بحبها :)

[gomgoma22]

حد يا جماعه يعرف الافوميتر بتاع المكنه ال 6 البيضا 2000 سي سي
اخر رقمين فيه 082 ولا 083 ؟؟؟؟؟

[gomgoma22]

ممممم
واضح ان محدش يعرف

طيب معلش سؤال تاني -- العربيه لما بتدور صوتها عادي علي السلانسيه لكن اول ما ادوس بنزين العربيه صوتها يهدي جدا ويوطي ويبدأ يقطع كأنها هتبطل --- وبعدين يعلي تاني و يزيد مع دوسة البنزين !!! حد يعرف ده من ايه ؟

[samehelrewesh]

ممممم
واضح ان محدش يعرف

طيب معلش سؤال تاني -- العربيه لما بتدور صوتها عادي علي السلانسيه لكن اول ما ادوس بنزين العربيه صوتها يهدي جدا ويوطي ويبدأ يقطع كأنها هتبطل --- وبعدين يعلي تاني و يزيد مع دوسة البنزين !!! حد يعرف ده من ايه ؟

حجات كتير ممكن تعمل الموضوع دا
1- طرمبة بنزين لو ضعيفة
2-الهواء مش مظبوط(أفو)
3-بوجيهات
4- سلك بوجيهات
روح عند احمد رأفت ف السابع وخلى الصعيدى يبصلك عليها

[gomgoma22]

ممكن ايميلك يا باشا ؟

[magyver]

كدة عييب الافو حالو تحركة من تحت كدة وشووف اية اللي هايحصل

[gomgoma22]

يا باشا انا غيرت الافو كله بواحد تاني استيراد و برضو مفيش فايده
و غيرت الايدل بواحد تاني استيراد برضو مفيش فايده ف رجعت الاتنين
و مش عارف اعمل ايه تاني ؟؟

[magyver]

الايدل دة اللي داخلة 3 خراطيم
جبتة بكااااااااااااااااااااام
والميكانيكي اللي ركبلك الحااجة قالك اية والعيب من اية

[gomgoma22]

ال ايدل ال 3 خراطيم كان بنفس تمن اللي داخله خرطومين جبته علي 250 جنيه
و ال افو كان سعره ف السوق ما بنين 350 - 450 جنيه
المهم الميكانيكي ركب الافو الاول لقيت مفيش حاجه حصلت و العبيه لسه مبرجله
فضل يلعب ف الالانكيه بتاعه برضو متظبطش ف قالي لأ يبقي العيب من الايدل
ف رجعت الافو و جيبت الايدل و ركبته و برضو مفيش فايده مفيش فرق حصل و العربيه لسه مبرجله
ف الميكانيكي تقريبا كده ملقاش كلام تاني يقولو ف قالي خلاص ابقي هاتهالي الصبح ننضف الرشاشات و مش عارف ايه و خراطيم و اي كلام
ف مرحتلوش تاني بصراحه
في واحد تاني قالي غير الكوعه " كاوتشة " الافو !!!
ف بصراحه انا زهقت من الفتي و الميكانيكيه اللي عماله تقولي جرب كذا و جرب كذا !!!!

يا ريت يا جماعه اي اقتراحات :(

[RA2OF]

بس يا معلم شيك علي كل الخراطيم ال واصلة للايدلر دي اهم حاجة انا عاندي لو خرطوم واحد نفس .. العربية بتبرجل .. و نضف الايرماس و الايدلر كويس و خلي الميكانيكي يزيتلك الايدلر بيتحطله زيت ابيض تقريبا بتاع الفتيس . و ان شاء الله خير

[E30power]

البرجلة ...انا جربت كل مراحلها تقريبا ههههههه.....

هو عموما وغالبا هوااا ... شواف خراطيم الفايظ وشوف الافو ميتر ودة غالبا منة ...وبتاعت البيئة دية برضك ... ولما مقاس الزيت متشال من مكانة بتعمل برجلة بردك ...

وان شاء الله حاجة سليمة وتتعمل على خير