Tweet
يا جماعه بصراحه قدامى بى ام 523 1998 ومع صاحبى من سنتين وكل ما اركبها اجنن و هو عارضها على 115000 وعامله 200 الف وفابريقه بالكامل وطول هذه الفتره لم يحدث لها اعطال ولاكن فى ناس بتخوفنى من البى ام وقطع غيارها مع العلم بانى من خارج القاهرة ارجو من الاعضاء المبجلين افتائى بكل امانه لأننى كنت هاشترى سيراتو sx هاى لاين ولما ركبت البى ام عجبتنى جدا
-
-
يا راجل يا طيب..إيه اللي جاب الأسد للقطة -
السلام عليكم و رحمة الله و بركاته
حسب أنت عندك استعداد لأسعار صيانة الBMW و لا لأ و كمان الضريبة السنوية و استهلاك البنزين اللى بيفرق بين عربيتين 2300 CC أو 1600 CC
لو أنت عندك استعداد تدفع التكاليف دى, توكل على الله و هات الBMW .
و ابقى طمننا عملت ايه و ماتنساناش مع تقرير بالصور.
ربنا يستر و الدنيا ماتولعش النهاردة بس الكلام اللى هيتقال على السيراتو لما تتقارن بالBMW !!!!!!!!!!!!!!! , حد فى الدنيا يقول كده برضه, أنت مش عارف احنا معانا كاااااااااااااااااااام عضو معاه Cerato .[CENTER][FONT=Comic Sans MS][SIZE=7][COLOR=cyan][B][I]Maserati Quattroporte[/I][/B][/COLOR][/SIZE][/FONT][/CENTER]
[CENTER][B][FONT=Arial Black][SIZE=3][COLOR=#8b0000]بسم الله الرحمن الرحيم[/COLOR][/SIZE][/FONT][/B][/CENTER]
[CENTER][B][COLOR=navy]لقد كفر الذين قالوا إن الله هو المسيح ابن مريم وقال المسيح يا بني إسرائيل اعبدوا الله ربي وربكم إنه من يشرك بالله فقد حرم الله عليه الجنة ومأواه النار وما للظالمين من أنصار(72)لقد كفر الذين قالوا إن الله ثالث ثلاثة وما من إله إلا إله واحد وإن لم ينتهوا عما يقولون ليمسن الذين كفروا منهم عذاب أليم(73)[/COLOR][/B][/CENTER]
[CENTER][B][FONT=Arial Black][SIZE=3][COLOR=darkred]صدق الله العظيم[/COLOR][/SIZE][/FONT][/B][/CENTER]Comment
-
تصحيح صغير..الموتور 2500 سي سي 172 حصان مش 2300 سي سي..مفيش 5 series بـ 2300 سي سي...الـ 523 والـ 525 العربيتين 2500 سي سي ..الفرق بين العربيتين فقط 20 حصان.المشاركة الأصلية كتبت بواسطة MASERATI مشاهدة المشاركةComment
-
معلش بس انا حاسس ان 115 كتير شويه على 523 مو 98...
ولا انا غلطان؟
اعتقد 100 يبقى كويس الا لو كانت حاله شاذه قوى..بس لو هى معاه من سنتين بس يبقى هى عدت على مالك او اتنين قبليه, وده معناه انها صعب تكون بالحاله دىComment
-
بامانه بى ام عمرها 13 سنه اكيد هاتطلب اصلاحات ومش اقل من 6 الاف جنيه سنويا, ده غير ان الترخيص الفين جنيه سنيآ (الحد الادنى ل 2500 سى سى)..
الصراحه قطع غيار بى ام استهبال رسمى..وهى ليست وهمية الجوده كما يقال..كم البى ام موديلات 2005-2008 اللى باشوفهم معايا عند الصنايعيه بيغيروا قطع مش قليل ابدا..وقطع اساسيه مش فكه..يعنى رادياتير, طلمبة ينزين, طلمبة ميه, مساعد, ديسك...حاجات كده من اللى ب 1500 وانت طالعComment
-
انا بقالى 63 يوم من ساعة ماجبت العربيه بادعى ربنا انى ماندمش انى ماجبتش باسات او فولفو s60 الجديده زيرو وهما الاتنين فى رينج ال 240 تمن عربيتى
الله الحافظ من قبل ومن بعدComment
-
شكرررررررررررررررررررراComment
-
في دي عندك حق بس الرك علي الحالةالمشاركة الأصلية كتبت بواسطة maskeen مشاهدة المشاركة
مش متفق معاك إطلاقا مع إحترامي لرأي حضرتك..دي بي إم مش فيات..اللي معاهم العربيات اللي فيها العيوب اللي حضرتك ذكرتهم أكيد هاينين العربيات دي..وبعدين متنساش إن كل حاجة ليها عمر إفتراضي.لأن اللي صانعها مش إله يعني.المشاركة الأصلية كتبت بواسطة maskeen مشاهدة المشاركة
وقطع غيار بي إم مش إستهبال رسمي ولا حاجة..ركيب البي إم بيعرف يتعامل مع مين في المسألة دي وبكام.أنا تعاملاتي كلها في الحرفيين ومع مهندس صيانة شغال في التوكيل.وشايف إن الأسعار عادية..بس طبعا أغلي من عربيات تانية متتقارنش أصلا بيها مع إحترامي ليها.
الخلاصة إن قطع غيار العربية دي معمرة لأقصي درجة ممكن تتخيلها..
أبسط مثال..عربيتي المساعدين فيها متغيروش من سنة 2001 حضرتك عارف يعني إيه من سنة 2001؟؟؟يعني من تاريخ صنع العربية,يعني بتوع الفابريكة. مع ذلك لسه شغالين...ومفيش حاجة إسمها تحتاج مصاريف سنوية 6000 جنيه..ليه إن شاء الله.ده الشركة تغير نشاطها ومتنتجش عربيات تاني لو سمعت كده.
يا سيدي الفاضل..الخلاصة...الرك في الكلام ده كله علي حالة العربية.وطبيعة إستخدام اللي ركبوها.
بالنسبة للترخيص السنوي فأكيد اللي هيجيب عربية زي دي عارف إن ترخيصها عالي من قبل ما يشتريها..وأكيد برده مش هيفرق معاه 2000 جنيه ترخيص كل سنة في مقابل إنه راكب BMW Ultimate Driving Machine
واضح جدا إن حضرتك لسه جديد في البي إم وموفقتش في إختيارك لحالة عربيتك.وكرهتك في البي إم.المشاركة الأصلية كتبت بواسطة maskeen مشاهدة المشاركةComment
-
يا جماعة محدش اصلا يقدر يطلع عيب واحد او غلطة واحدة في عربيات بي ام
دي موديلات السبعينات لسة شغالة وزي الفل وبتجري وتشد وتامرك كمان
وفي منها بمواتيرها الاصلية وفي معمرش لحد دلوقت
امتو بتتكلمو علي بي ام ومتقارنش اتخن سيراتو باقل بي ام خالص
دي عربيات العمر الطويل
يعني احفادك هيورسوها بعد عمر طويل
عربية مبتقدمش ومبتقولش اي ابدا الا للشديد القوي زي مابيقولو
مش تاخد مطب وتركن زي حبايبنا بتوع شرق اسيا
لو مسحتها بفوطة مبلولة وهي عمرها 30 سنة هتلاقيها عروسة برو
شوف صاج نوبيرا ولانوس وهايونداي عامتا والسيراتو مستقبلا بيبق عامل ازاي
مليان حفر ومطباط وزحاليق
لو ركنت علية بس بيتعوج
شوف البي ام صاج محمل وشديد جدا يمكن القديم جودتة اعلي من الجديد كمان لانة تقفيل الماني مش مصري
عموما خلاصة الكلام حرام اي حد يجي يقولك مثلا اشتري بي ام 320 موديل 2003 ولا النترا 2011 بجد حاجة تنرفز يعني
مفيش وجة مقارنة لا لا في القوة ولا العزم ولا الثبات ولا الصاج ولا التحكم والتكنولوجيا ولا اي اي حاجة
انا عن نفسي اركب e30 1991 ولا اركبش سيراتو 2011 مع ان في فرق 20 سنةComment
-
نصيحة هات الجديد بغض النظر عن سيراتو أو غيرها
في طبعا فرق كبير بين bmw و كيا سيراتو لكن لو وقعت في bmw و خصوصا لو الفئة الخامسة وكانت تعبانة هتكرهك في العربيات كلها مش bmw وبس وخصوصا إنها موديل قديم جدا
أنا عن نفسي عموما بترعب من حاجة اسمها bmw مستعمل ومجربتهاش إلا مرة واحدة وكانت بتاع صاحبي وعارف إنها نضيفة ومع ذلك مكنتش مرتاح وتوبة بعدها رجعت للجديد تانيComment
-
لو الفئة الخامسة بحالة ممتازة انا اشتريها بدل السيراتو[CENTER]الحمد لله[/CENTER]
[CENTER] [/CENTER]
[CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]Comment
-
ياجماعه ياريت بعض اسعار قطع الغيار الاستهلاكيه لموديل 523 _1998Comment
-
يافندم انا الحمد لله عربيتى لسه ماعملتش فيا حاجه وانا مش كاره البى ام ولا حاجه..انا بس قلت انى شفت عربيات كتير موديلات حديثه بتغير قطع مهمه..ممكن يكون كلامك مظبوط ان اصحابها مهملين..بس الاهمال يكون ازاى فى رادياتير اتخرم او طلمبة بنزين او طلمبة ميه ؟ انا افهم ان الاهمال ياثر على العفشه, الموتور, الفتيس ممكن..لكن الحاجات التانيه دى صعب..ولا انا غلطان؟المشاركة الأصلية كتبت بواسطة inspiron مشاهدة المشاركة
وبعدين انا باتكلم من منطق value for the money بس مش اكتر..يعنى انا كان معايا كورولا 2003 جبتها زيروب 90 الف (حوالى 18 الف دولار بسعر 2003) وعملت بيها 240 الف كيلو وبعتها من شهرين بحاله ممتازه ومغيرتش فيها غير مساعدين امامى بالف جنيه الجوز وكباس تكييف استيراد ب 2000...غير كده ولا الهوا طبعا الصيانه الدوريه والسيور والفلاتر والزيوت دى لا تحتسب ضمن الاصلاحات لانها اساسيات لازم تتعمل..وبعد كل السنين دى بعتها ب 66 الف (11الف دولار بسعر 2011) ...يعنى خسرت 40% بس بعد 8 سنين و240 الف كيلو.
ده منطقى فى الحوار بس...انا طبعا عارف ان البى ام بريستيج ومنظر وثبات وقوه وكل حاجه..بس التمن باهظ جدا جدا...انا مش فاهم اللى بيشتروها زيرو ب 550 الف ويبوعوها بعد 4-5 سنين ب 250 الف دول بيحسوا بأيه؟!Comment
-
هقول لحضرتك حاجة..مسألة الريداتير والطلمبة دي مسألة نسبية..وليها أبعاد كتير أوي..يعني عربيتي مثلا e39 2001 مغيرتش طلمبة المية.وأنا غيرت طلمبة البنزين من حوالي 3 شهور عشان بدأت تضعف..مع الأخذ في الإعتبار رداءة البنزين المصري اللي سببت كده.ممكن جدا اللي حضرتك بتقول عليهم تكون عربياتهم مش ستوك.يكونوا نافخينها حرق وشد طول اليوم.ممكن عدم متابعة السوائل لفترة كبيرة.أي حاجة من دي.المشاركة الأصلية كتبت بواسطة maskeen مشاهدة المشاركة
أما بالنسبة للأسعار فأنا معاك إن ده إستهبال رسمي من التوكيل.وعلي الأقل.لازم كل عربية من دول تمنها ينزل 120 ألف جنيه مستريح..فيما عدا الإكسات والفئة السابعةComment
Comment