تجربتى لتركيب رينجات لجنوط 17 e46

[novo]

السلام عليكم
كان عندى رجرجه فى الدركسيون بعد سرعة 70كم بدأت ألاقيها بعد ما ركبت جنوط bbs 17 أوريجينال.روحت لسيد سعيد قاللى روح للخراط أعمل رينجات للجنوط و فعلا روحت للخراط و عمل رينجات للجنوط (أتكلفت 100جم للأربع جنوط و خدت ساعتين) و الرجه ولله الحمد اختفت تماما.

أنا برضه جبت أربع مسامير الواحد ب10جم

تحياتي

[mailo]

يعني إيه رنجات للجنوط

[M.Elgergawy]

عبارة عن رينج مدور بيركب بين الجنط والطنبورة عشان الفرق بين الجنط الاسبور والعادي بتاع العربية ودا بيسبب الرجة اللي كانت موجودة

[mailo]

تمام أنا كده فهمت
شكرا على التوضيح

[M.Elgergawy]

العفو يا باشا

[pepsi007]

فين بقا المشكله قصدي الخراط

[HASSAN SERRY]

و الأحسن كمان لو عملت ترصيص تانى للكاوتش بس على حصان هتلاقى العربية ثابتةمعاك على ال 200 كمان طالما انت مركب جنط سبور
اصل انا كان عندى نفس مشكلتك لما ركبت الجنوط ال 17 على عربيتى و زبطت لما ركبت الرينجات و بقت احسن لما رصصت على حصان .
و ترصيص الحصان ده لو انت مش عارفه انك بترصص و الكاوتش راكب فى العربية بيكون احسن بكتير بس مشكلته انك لو فكيت الجنط لأى سبب و رجعت ركبته تانى هتحتاج ترصص تانى العجلة اللى فكتها

[novo]

فين بقا المشكله قصدي الخراط

والله يا باشا أنا أعرف الأماكن هناك بالشبه بس هوه قريب من المسجد و فيه واحد بتاع كشرى قريب منه (الحرفيين)

[novo]

و الأحسن كمان لو عملت ترصيص تانى للكاوتش بس على حصان هتلاقى العربية ثابتةمعاك على ال 200 كمان طالما انت مركب جنط سبور
اصل انا كان عندى نفس مشكلتك لما ركبت الجنوط ال 17 على عربيتى و زبطت لما ركبت الرينجات و بقت احسن لما رصصت على حصان .
و ترصيص الحصان ده لو انت مش عارفه انك بترصص و الكاوتش راكب فى العربية بيكون احسن بكتير بس مشكلته انك لو فكيت الجنط لأى سبب و رجعت ركبته تانى هتحتاج ترصص تانى العجلة اللى فكتها

شكرا على النصيحة