bmw 316i

[medod]

انا عايز اشترى عربية فى حدود 160 الف و محتار بين البى ام دبليو 316 و الباسات و المرسيدس b 150 ( طبعا كلهم مستعملين ) موديل 2007 مثلا بس انا عايز عربية واسعة و بتجرى جامد بردو و فخامة وكدا يعنى



شكرا مقدما ليكو

[party_0000]

لو على الجري يبقا الب ام
لو على الوسع اكيد الباسات علشان الب ام ديقه من ورا
المرسيدس دي معرفش عنها حاجه بس بحس انها لا طالت فخامه ولا طالت جري بحسها حريمي اكتر

[medod]

طب هيا البى ام ازاى بتجرى و هيا 1600 سى سى على كل الجسم و التقل ده و الباسات انا سامع فى عيوب فى فتيسها حضرتك ليك تعليق على ده و هل الباسات بتجرى بردة ولا ايه

[farahat]

العربييتن إلي يتقارنو ببعض فعلاً هوم ال-BMW والباسات ، لكن المرسيدس ال-B-class دي فئة تانية أصغر من الاتنين فمش هينفع تقارن بيهم ، كمان موتورها أقل واحد في دول لأنه 95 حصان فقط ، بس صالونها واسع جداً ومريح عشان هي عالية ومتصممة على أساس انها سيارة عيلة .


بالنسبة للفئة التالتة والباسات .. الاتنين موتور 115 حصان ونفس التكنولوجي ، وزن ال-316i حوالي ١٣٩٥ كيلو ، ووزن الباسات ١٤٦٠ كيلو ، يعني الجاري تقريباً واحد .
بما انك بتسأل على موديل ٢٠٠٧ ، فلازم تلاحظ نقتطين .. ال 316i في الموديل دة كانت منوال فقط ، الباسات فيه منها مانول (موتور ١٠٥ حصان فقط ) وأوتوماتيك وهي دي ال-115 حصان ، الاتنين الفتيس القديم ودة ماكنش فيه أي مشاكل ، المشاكل في موديلات من أول ٢٠٠٩ مع الموتور ال-١٤٠٠ .


اتمنى تكون المعلومات دي مساعدة ليك ، ولو فيه أي إستفسار اتفضل إسأل

[party_0000]

عالمي يافرحات

[mohammedabdallh]

العربييتن إلي يتقارنو ببعض فعلاً هوم ال-bmw والباسات ، لكن المرسيدس ال-b-class دي فئة تانية أصغر من الاتنين فمش هينفع تقارن بيهم ، كمان موتورها أقل واحد في دول لأنه 95 حصان فقط ، بس صالونها واسع جداً ومريح عشان هي عالية ومتصممة على أساس انها سيارة عيلة .


بالنسبة للفئة التالتة والباسات .. الاتنين موتور 115 حصان ونفس التكنولوجي ، وزن ال-316i حوالي ١٣٩٥ كيلو ، ووزن الباسات ١٤٦٠ كيلو ، يعني الجاري تقريباً واحد .
بما انك بتسأل على موديل ٢٠٠٧ ، فلازم تلاحظ نقتطين .. ال 316i في الموديل دة كانت منوال فقط ، الباسات فيه منها مانول (موتور ١٠٥ حصان فقط ) وأوتوماتيك وهي دي ال-115 حصان ، الاتنين الفتيس القديم ودة ماكنش فيه أي مشاكل ، المشاكل في موديلات من أول ٢٠٠٩ مع الموتور ال-١٤٠٠ .


اتمنى تكون المعلومات دي مساعدة ليك ، ولو فيه أي إستفسار اتفضل إسأل

تيه الكلام الكبير ده
استاذ

[mi22do]

اخوكم فرحات متالق و هو في انجلترا :)

[medod]

انا اهم حاجة عندى الوسع يعنى عربية تشيل اربعة متوسطين ورا و انا عمرى ما بعدى ال 150 ( ده لما اكون مستعجل جداااااا ) على طريق السفر فا ايه انسب واحدة

[farahat]

انا اهم حاجة عندى الوسع يعنى عربية تشيل اربعة متوسطين ورا و انا عمرى ما بعدى ال 150 ( ده لما اكون مستعجل جداااااا ) على طريق السفر فا ايه انسب واحدة

لو بتتكلم في الوسع بالحجم دة مافيش غير الباسات لأنها الاكبر حجماً فيهم

[farahat]

عالمي يافرحات

تيه الكلام الكبير ده
استاذ

اخوكم فرحات متالق و هو في انجلترا :)

شكراً يا شباب ، أخجلتم تواضعنا :)

[medod]

والباسات اوسع من المرسيدس وهل هتجرى ولا هتبقى بطة

[party_0000]

هيا الباسات ال 1600 مش التربو بطه انما التيربو اعتقد كويسه بس الفتيس ال dsg كانوا بيشتكوا منه

[medod]

طب هيا الباسات اوسع ولا المرسيدس و هى البى ام متكفيش اربعة متوسطين ور ا خالص ولا ايه

[party_0000]

الباسات اوسعهم على الاطلاق المرسيدس زي البي ام في الوسع انا بالنسبه لي ركبت الاتنين وحسيت ان المرسيدس اديق شويه انما عموما لادي ولا دي تشيل 4 ورا 3 كويس قوي واحجام مش كبيره ولو السواق جايب الكرسي على الاخر بتبقا القعد وراه زنقه

[kariko]

Fuel!!

I will just add one more IMPORTANT thing over MR. Farahat's words...The BMW is fuel 92, BUT Passat is 95, so you have to put that in your consideration