ايه رأيكو في 528 موديل 2011

[Abo_Lina]

عربيات زي دي بتبقى طالعة من خط الإنتاج بدون ملاحظات

[hanyhosney]

انا غير مؤهل اني اصدر احكام علي عربيه في المستوي ده
من الكائنات بتاعت ما وراء الطبيعه

[mailo]

انا غير مؤهل اني اصدر احكام علي عربيه في المستوي ده

هو ده

[MohamedGafar]

انا غير مؤهل اني اصدر احكام علي عربيه في المستوي ده
من الكائنات بتاعت ما وراء الطبيعه

هههههههههههههههههههه حلوه :)

[Batman372]

ايه الموضوع الغريب ده ؟؟ و مين يعنى حيكون عنده ملاحظات عليها ؟؟

انا بقى جربتها test drive فى البافاريه من سنه اول ما عرضوها لمده 30 دقيقه !!

الانطباع الاولى >>> فارقه بشده عن ال e60 التى هى اصلا فارقه كتير عن ال e39 .

و على فكره ال f10 فى امريكا عامله مبيعات لنفس الفتره اعلى من e60 بحوالى 15%

تحياتى ...

[A7medHeaders]

لا يا راجل؟؟؟؟؟!!!!!!!!!!!!!!!!!!!!!!!:l_bhuhhh[1]:

ده علي أساس إني مقعدتش فيها ورا والكراسي راجعة والمسافة بين رجلي والكرسي كانت وهم

وبعدين يا راجل يا طيب الـ e39 والـ e60 بالوسع ده...والشركة هتيجي علي الـ f01 وتضيقها؟!!!!!

إلي صاحب الموضوع العربية دي وهم بكل ما تحتويه الكلمة من معاني

أولا يا ريت الأسلوب يبقي أفضل من كده في الحوار مع الغير وأيضا عدم تسفيه رأي الغير لحساب رأيك ..

ثانيا السيارة مع خال صديقي وهو اللي قايللي علي المعلومة دي ..

[raouf]

شوف يا سيدى انا امتلكت 530 مو2004 سابقا وتقريبا 2012 تتقاسم نفس العيوب
- قطع غيار باسعار هلامية اغبى من الجاجوار والرانج روفر
- حساسية زايدة قوى وخصوصا لو جبت جنوط علية وبدات فى نظام الشد والقرص
- الكوتشات لوحدها مشكلة لان قيمة الكاوتش الواحد هاتعدى 2500 جنيه لانه بيمشى وهو مخروم لمسافة 300 كم وبعدها تغيره
- انسى انك تعمل او تركب اى كماية بره التوكيل
المميزات
- سيارة راسية وشكلها حلو تعتبر تصغير للفئة السابعة
- فخامة وجودة مواد رائعة
- ليها برستيج حلو وخصوصا فى مصر

لو عايز نصيحتى شوف مرسيدس 350 اى احسن وافخم واقوى فى كل حاجة

[party_0000]

هو فين صاحب الموضوع رمى السؤال ومشي !!!؟

[mohammadrashee]

هو فين صاحب الموضوع رمى السؤال ومشي !!!؟

لازم يمشي بعد اللي حصل والله انا مقدر موقفه
بس برضه سؤال يفور الدم

[party_0000]

هو فعلا سؤال غريب بصراحه

[dr.amr]

وممكن يفكر بردو في البيكانتو الجديدة كليا عربية ولا في الأحلام.فيها باور وتكييف وسنتر ومكنة حامية فحت يا جدع

احصل عليها كامله

صغيره بمميزات كبيره

[Ghost2]

أنا موجود و بشوف الردود .. انا بفكر جديا اني اجيبها .. عشان كده بشوف انطباعات الناس ولو في حد من مالكيها يقولي ملاحظاته عليها .. وانا ركبتها وارتحت فيها بس الملاحظات الفينة طبعا بتكون من الي معاه العربية او جربها

[Batman372]

أنا موجود و بشوف الردود .. انا بفكر جديا اني اجيبها .. عشان كده بشوف انطباعات الناس ولو في حد من مالكيها يقولي ملاحظاته عليها .. وانا ركبتها وارتحت فيها بس الملاحظات الفينة طبعا بتكون من الي معاه العربية او جربها

شوف يا باشا - انا حاموت عليها لكن حشتريها مو 2011 ان شاء الله بعد سنتين لو لينا عمر ......
لو تقدر على سعرها 660 و قلبك جامد >>> توكل على الله لانها فعلا ليس لها منافس الا المرسيدس e300 .
و نصيحه لا تشترى الان زيرو !! دور على كسر زيرو >> حتوفر مستريح 100 الف .
و لكن اعلم جيدا ان بعد ان شاء الله 5/4 سنوات حتخسر فيها عند اعاده البيع مش اقل من 350 الف !!!!
و الدليل >>> ال 530 مو 2006 كانت ب 685 زيرو - اليوم ب اقل من 270 الف و سوقها تقيل جدا جدا !!
تحياتى ...

[inspiron]

أولا يا ريت الأسلوب يبقي أفضل من كده في الحوار مع الغير وأيضا عدم تسفيه رأي الغير لحساب رأيك ..

ثانيا السيارة مع خال صديقي وهو اللي قايللي علي المعلومة دي ..

لو الأسلوب مش عاجبك عندك الإدارة روح إشتكي فيها لأن مش ذنبي إنك واخدها علي أعصابك.وتقولي تسفيه ومش تسفيه.

السيارة اللي مع خال صديقك بقي معرفش ظروفها إيه بصراحة..لأن أنا بتكلم عالميا مش بتكلم علي عربية خالك

عموما الصورة بتتكلم

http://photo.netcarshow.com/BMW-5-Series_2011_photo_b9.jpg

[Deshahcoka]

هههههههههههههههههههههههههههههههههههههههههههههه

الواحد جله لحسة نفوخ و وهم من ال e39 ال 528 :)

يبقى ال f30 تعمل ايه :) مستشفى المجانين على طول يا اما تموت بسكتة قلبية :)

ديه مش عربيات فعلا زي ما الرجالة قالت :) ديه كائنات خيالية من وحي الاحلام :)


مشكلة العربيات ديه في ضريبتها السنوية عشان السي سي العالي :) لكن سعرها ممكن يتبلع :)

لكن فعلا مشكلة قطع الغيار و الحساسات و الكمبوتر

عايزة باشا نزييييييييييييييه و خد بالك من كلمة نزيه ... يعني مش باشا بس :)

و الي يركب بي ام ده مستغني و بيستمتع غير بتاع المرسيسدس حاسبها صح في اعادة البيع :)