سؤالر الى خبراء بى ام دبليو فقط

[titooo20002001]

انا معى سياره 518 موديل 1982 وعجبنى شغل بودى كيت كان فى سياره 525 e28نفس الموديل
انا بحس ان السيارتين لهم نفس الشكل الخارجى فكنت عاوز اعرف هل فى اختلاف فى شكل الموديل الاولانى والتانى لان انا عاوز اعمل الشغل الى معمول فى 525 فى سيارتى
ياريت الى يعرف ايه الاختلاف فى الشكل بين الموديلين لايبخل

[iCaesar]

ايوا فيه اختلاف مابين ال e12 و الe28
لكن البودي كيت بيتعمل فايبر ... بص في الاعلانات فوق هاتلاقي تليفون بسام بتاع الفايبر كلمه و روحله و شوف البودي كيت الي يعجبك و يتعمل عموله علي العربيه بالمقاس الي انت عاوزه

[iCaesar]

لو البودي كيت موجود قدامك لبيع استيراد ممكن تروح لسمكري نضيف يحاول يركبهولك لان العرض العربيتين متقارب جداً بواقع فرق سنتيمتر واحد تقريباً بس يا عرف يركبه بنضافه يا معرفش

[titooo20002001]

شكرا على اهتمامك يااستاز iCaesar

شكرا على اهتمامك يااستاز iCaesar
بس انا مقلتش e12 خالص انا قلت بى ام 518 موديل 1982 وبى ام 525 e28 لوحضرتك بحثت عنهم على النت هتلاقى تقريبا شبه بعض بس انا بحس ان فى واحده اطول شويه من التانيه ياريت الى يعرف ايه الفرق بينهم يبلغنا ولو تكرتم تعرفونا اسعار الشغل الى هو عتب وكسحات اماميه وخلفيه هيتكلف كام

[iCaesar]

القديمه اسمها E12
BMW 5 Series (E12) - Wikipedia, the free encyclopedia

و التانيه اسمها E28
BMW 5 Series (E28) - Wikipedia, the free encyclopedia

[titooo20002001]

انا معايا 518 نفس الى حضرتك عرضها فى التانيه الى هى e28 بس الغريب ان الى معايا مش 520 دى 518 ونفس الشكل
وارجو ان تشرفنا برايك فى هذه السياره وسعرها بيتراوح من كام لكام ولو حبيت اصرف عليها هاتجبلى ثمن المصاريف ولا العربيات دى بيبقى متحدد لها سعر مابتزيدش عنه انا شفت شغل فى عربيات مثلها جامد اوى بس خايف اصرف وبعدين مالقيش

[iCaesar]

520 يعني الفئه الخامسه 2000 سيسي
518 يعني الفئه الخامسه 1800 سيسي

الشكل بيختلف حسب البودي نفسه فبقال علي عربيتك e28
لو محتاجه مصاريف كتيره اقلبها . لو هاتصرف يبقي اقنيها.

[titooo20002001]

انا مش عارف اشكر حضرتك ازاى ياستازiCaesarعلى سرعه الرد على تساؤلاتى
العربيه الى معايا نضيفه مش محتاجه مصاريف بس هتحتاج مصاريف لو انا نويت اظبطها واعملها بودى كيت واعدل فيها شويه حاجات لكن العربيه حالتها كويسه جدا لكن اناكنت عاوز اخليها شبابيه اكتر فى الشكل والسحب بس بعض الاشخاص قالو لى مش حاتجبلك المصاريف والعربيات القديمه بيبقى ليها رنج معين سعرها ما بيعلاش عنه فانا محتار الصراحه ومستخسر العربيه فى البيع وبردق خايف لاصرف وملقيش فياريت حضرتك تشور عليه بالصح

[iCaesar]

بلاش تصرف عليها الا اذا احتاجت مصاريف
انت معاك 518 ماتتوفعش سحب .. لو كنت هاتدور علي السحب كنت جبت 520
اركبها و كل ما تيجي تعمل حاجه اعملها علي مزاجك ..

[titooo20002001]

طب منا اركب لعربيتى 518 مكنه تعادل مكنه 520 وابقى اكنى راكب 520 ولا بردق هيبقى فى فرق

[iCaesar]

تغير المكنه مش ببلاش :)