استفسار عن 520

[أبو إياد]

عربيه ممتازه جدا جدا جدا جدا وانا عندى رد على فرق السعر ده
فى اواخر 2005 اشتريت 520 موديل 90 فرش الجلد ومثبت سرعه فتحه سقف ومانيوال وسعرها كان لقطه 93000ج وماكنتش بتقل عن 100000ج ولما جربتها لاول مره فوجئت انها مش سعرتها مش بتعدى 120 ولما بداءت اعملها صيانها عرفت ان السبب الرئيسى فى عدم السحب هو تثبيت كالتش المروحه غيرته استيراد ب 500ج ومع تغيير الزيوت والفلاتر والبوجيهات العربيه جابت معايا 220 وموتورها كان 2000 استاندر وجربت عربيه واحد صاحبى 518 موتور 4 سلندر حسيت فرق السما من العما وعرفت ان العربيه دى اقل حاجه لازم تكون 2000 وال 1800 فاشله
كانت بتعمل معايا فى السفر 200كم بالظبط فى الصفيحه ولما بعتها فى 2007 بعتها ب 65000ج وده بعد ارتفاع سعر الضريبه فقط لاغير
قطع غيارها متوفره جدا جدا جدا وارخص من e36 يكفى صوت موتورها والعربيه دى من العربيات اللى كانت سابقه زمانها

[Mik_t4]

عربيه ممتازه جدا جدا جدا جدا وانا عندى رد على فرق السعر ده
فى اواخر 2005 اشتريت 520 موديل 90 فرش الجلد ومثبت سرعه فتحه سقف ومانيوال وسعرها كان لقطه 93000ج وماكنتش بتقل عن 100000ج ولما جربتها لاول مره فوجئت انها مش سعرتها مش بتعدى 120 ولما بداءت اعملها صيانها عرفت ان السبب الرئيسى فى عدم السحب هو تثبيت كالتش المروحه غيرته استيراد ب 500ج ومع تغيير الزيوت والفلاتر والبوجيهات العربيه جابت معايا 220 وموتورها كان 2000 استاندر وجربت عربيه واحد صاحبى 518 موتور 4 سلندر حسيت فرق السما من العما وعرفت ان العربيه دى اقل حاجه لازم تكون 2000 وال 1800 فاشله
كانت بتعمل معايا فى السفر 200كم بالظبط فى الصفيحه ولما بعتها فى 2007 بعتها ب 65000ج وده بعد ارتفاع سعر الضريبه فقط لاغير
قطع غيارها متوفره جدا جدا جدا وارخص من e36 يكفى صوت موتورها والعربيه دى من العربيات اللى كانت سابقه زمانها

متشكر جدا بجد دا انت الوحيد الي شكرت فيها من ناس كتير اوي
يعني امبارح 2 كلموني واحد معاة وبيبيعها
بيقولي دي مطلعة عين اهلي كل شوية حتجة تبوظ مبعملش حاجة الا والاقي حاجة تانيس تاني يوم باظت وبيقولي قطع غيارها اغلي من الفئة التالتة بكتيييييييير جدا وهو مخنو منها لدرجة انة بيبيعها ب 40 الف
وواحد تاني قالي بردو العربية دي متعبة هي واسعة وكبيرة وثابتة بس عايزة شغل علطول
فا حضرتك انا كدا اتلخبط ومش عارف الصح من الغلط
اتمني تديني عنها معلومات اكتر ومعلش هي الضريبة حضرتك بتقول ارتفعت هي كانت كام وبقت كام
ومصاريف العربية زيت وبنزين والحجات دي كام وبتمشسي ببنزين كام
اتمني حضرتك تعرفني ومعلش هتعبك معايا

[iCaesar]

اولا صباح الخير
ثانيا مفيش موتور بي ام عادي 2000 سي سي 4 سلندر
ثالثا العربيه دي اسمها e34 ودي الفئه الخامسه موديل الثمانينات واول التسعينات
عربيه عائليه واسعه محترمه مريحه استههلاك البنزين مش عالي لانها انجكشن
رابعا قطع غيارها متوفره في الحرفيين بنسبه كبيره ومش هتكون نادره زي ما الناس فاهمه
واخيرا وليس اخرا
سعرها مش اقل من 60000
لانها الفئه الخامسه وممكن توصل 65000
يبقي العربيه دي ظروفها ايه؟
ويبقي السؤال حائرا

تعليق علي ثانياُ : فيه موتور m10 نازل 4 سلندر 2000 سيسي بس ده نزل في الشارك الامريكاني و في ال2002 اللي قبل الشارك.
فيه موتور 2000 سيسي 4 سلندر بس ده ام باور نزل في الe30

[Mik_t4]

طيب يا باشا يا باشا انت ال 4 سلندر بيفرق اية عن ال 6 سلندر ولية بيفرق في الاستهلاك مع انهم نفس السعة

[hanyhosney]

صح

تعليق علي ثانياُ : فيه موتور m10 نازل 4 سلندر 2000 سيسي بس ده نزل في الشارك الامريكاني و في ال2002 اللي قبل الشارك.
فيه موتور 2000 سيسي 4 سلندر بس ده ام باور نزل في الe30

الله ينور يا باشا
معلومات جميله بس انا كنت بقول موتور 2000 سيسي عادي ده ال ام 3 كان 2200 سيسي وده مش متوفر

وال ام 10 انا شفتو بس شكلو معجبنيش

لكن انا كنت بوصل لمايكل ان مواتير التمانينات الانجكشن ال فورتي مفيهاش 2000 سيسي
4 سلندر لان مايكل هيدخل في مقارنه خياليه مش هتفيدنا وانا عايزه يفهم ان البي ام او اي عربيه مش شراء وخلاص لكن المهم المصاريف بعد كده المهم احب اعلق ان كلام الزميل ابو اياد صح بنسبه كبيره لان دي عربيه رائعه
والله اعلم

[Mik_t4]

طيب يا جماعة لو مثلا في واحدة محتاجة موتور وباقي العربية سليمة ممكن حد يقولي سعرها يبق كام
ولو جبتلها موتور حديث شوية عن موتورها يبق هركب اية؟؟ ويكلف كام؟
انا قدامي واحدة كانت مخبوطة في الموتور وكسرت القواعد والقناطر واتغيرو بس الموتور باظ لما بيدوس جامد علي العربية بتدخن ومحتاج الموتور يتظبط فا تغييرة احسن لانة اصلا 1800 وسمعت كلام مش لطيف عن 1800
فا العربية بالموتور دا تعمل كام وهتتكلف كام موتور 2000 احدث شوية لو ينفع يركب بتاع الشكل الي بعدة .؟؟؟

[أبو إياد]

لسه كنت بسال على المكنه السوده 2000 بالتركيب تكلف 6000ج والمكنه دى هاتعفرت العربيه
اما عن السعر فى ظل اللى انا شايفه يبقا 50000ج كويس عليها وكل ما يقل انت الكسبان بس اهم حاجه طبعا فى البيع والشرا التسامح

[Mik_t4]

طيب لو العربية معروضة اقل من كدا يبق فيها حاجة غير الموتور؟؟؟؟؟؟؟؟؟؟؟؟؟ اصل بصراحة السعر اقل من كدا شوية حلوين

[أبو إياد]

يبقا لازم يتكشف عليها

[iCaesar]

الله ينور يا باشا
معلومات جميله بس انا كنت بقول موتور 2000 سيسي عادي ده ال ام 3 كان 2200 سيسي وده مش متوفر

وال ام 10 انا شفتو بس شكلو معجبنيش

لكن انا كنت بوصل لمايكل ان مواتير التمانينات الانجكشن ال فورتي مفيهاش 2000 سيسي
4 سلندر لان مايكل هيدخل في مقارنه خياليه مش هتفيدنا وانا عايزه يفهم ان البي ام او اي عربيه مش شراء وخلاص لكن المهم المصاريف بعد كده المهم احب اعلق ان كلام الزميل ابو اياد صح بنسبه كبيره لان دي عربيه رائعه
والله اعلم

الام ثري فيه منه 2000 سي سي برضه و فيه واحد صاحبي عارض واحد منهم للبيع
و بالفعل مواتير الفورتي مافهاش 2000 سيسي .. مواتير الفورتي صري فيها 1900 سيسي .
خللي الراجل يحلم شويه هههههههههههههههههه مش عيب ههههههههههههههههههههه

[hanyhosney]

طيب لو العربية معروضة اقل من كدا يبق فيها حاجة غير الموتور؟؟؟؟؟؟؟؟؟؟؟؟؟ اصل بصراحة السعر اقل من كدا شوية حلوين

طبعا هتحتاج تغير القطمه ال فيها الشبكه والفوانيس لانها اكيد اتخبطت جامد واتهرست بدل الموضوع وصل للموتور يبقي خبطه جامده
مش مجرد تهريج فطبعا لازم تغير القطمه يعني قطع ولحم ورش دواخل فهمت هو ده السبب انو عايز يرميها
وعايزك تفهم ان الموتور ال 2000 سي سي
ال 4 سلندر
مش متوفر ومبينزلش
فسيبك من المقارنه بين الاستهلاكين
اولا ده موتور انجكشن ولما بيكون مظبوط بيكون موفر جداوانت عايز تركب الفئه الخامسه فالمفروض الموضوع بتاع البنزين مش ال يشغلك اهم واخر حاجه
عايز اقولهالكواظن اني قولتهالك قبل كده في كذا رساله
بس عشان الزملاء يكونو شاهدين
فكك من الطرق ال مش مضمونه عربيه عامله حادثه ومعوقين واستيراد والكلام ده
لو انت معكش يكمل حق حاجه حاله
حاول تصبر ونتا لسه طالب يعني مش هتلاحق علي مصاريفها لو تعبتك
ولو دخلت في حوار حادثه وكده ما تضمنش هتوصل لفين
والسلام ختام

[bmw323]

خليك فى ال 3 افضل حتى شكلها شبابي عن ال 5

[Mik_t4]

خليك فى ال 3 افضل حتى شكلها شبابي عن ال 5

ديقة اوي

[Mik_t4]

طبعا هتحتاج تغير القطمه ال فيها الشبكه والفوانيس لانها اكيد اتخبطت جامد واتهرست بدل الموضوع وصل للموتور يبقي خبطه جامده
مش مجرد تهريج فطبعا لازم تغير القطمه يعني قطع ولحم ورش دواخل فهمت هو ده السبب انو عايز يرميها
وعايزك تفهم ان الموتور ال 2000 سي سي
ال 4 سلندر
مش متوفر ومبينزلش
فسيبك من المقارنه بين الاستهلاكين
اولا ده موتور انجكشن ولما بيكون مظبوط بيكون موفر جداوانت عايز تركب الفئه الخامسه فالمفروض الموضوع بتاع البنزين مش ال يشغلك اهم واخر حاجه
عايز اقولهالكواظن اني قولتهالك قبل كده في كذا رساله
بس عشان الزملاء يكونو شاهدين
فكك من الطرق ال مش مضمونه عربيه عامله حادثه ومعوقين واستيراد والكلام ده
لو انت معكش يكمل حق حاجه حاله
حاول تصبر ونتا لسه طالب يعني مش هتلاحق علي مصاريفها لو تعبتك
ولو دخلت في حوار حادثه وكده ما تضمنش هتوصل لفين
والسلام ختام

لا هو حكالي الي حصل هي الخبطة مجتش من قدام هو طلع علي رصيف بجمب العربية والموتور اتخبط من الجمب مش من قدام فا الخبطة كلها جت فية
دا كلامة وعلي فكرة هو ميعرفش اني عايز اشتري انا كنت بسال وهو قالي معايا وكدذا وكذا وكذا
عموما صلا فلوسها لسة مش كاملة
انا بحب الفئة التالتة بس مشكلتها ديقة اوي ومش هتنفع عائلية

[أبو إياد]

خليك فى السليم وشوف الاعلان ده
ظپط§ط¨ط±ظٹظƒط§ - ط¨ظ‰ ط§ظ… ط¯ط¨ظ„ظٹظˆ 520 55,000 ط¬ظ†ظٹظ‡