سؤال عاجل لوحوش بى ام....116&316....؟

[adel1414]

السلام عليكم اخوانى وحوش البى ام صديق عزيز ليا بيشترى اليومين دول وبيستفسر عن بداية الناقل الاوتوماتيك فى ال116 وهل لو مفيش غير فالموديلات العالية ال116 مو2007 ولا 316 مو 2007...مع العلم ان لا اهمية للشنطة ولا المساحة غير مين الاحسن بصفة عامة ليس اكتر لانه شاب وقليل مابيركب معاه حد يعنى مش عربية اسرة وكمان حدود الاسعار تقريبا116+316 وشكراااا جزيلا

[mohmoh61]

اعتقد 116 افضل بالنسبه ليه لان المتور هيبقى مناسب لجسم العربيه و اشد طالما ان العربيه مش عائليه و ربنا يوفقق الى الافضل

[adel1414]

شكرااا لحضرتك وفى انتظار باقى الارااااء

[Batman372]

الناقل الاوتوماتيك فى e90 / 316 كان بدايه فقط من ٢٠١٠
سعرها اليوم فى حدود ١٩٠ الف

[adel1414]

شكراا لحضرتك بس انا بسال على بداية الاتوماتيك فى ال116؟؟؟ ياريت ياجماعة حد يجاوبنى على كل الاسئلة

[party_0000]

انا اللي اعرفه ان 116 مانيوال مش هتنزل اوتو غير 2012ؤالموديل الجديد اللي نزل والله اعلم

[adel1414]

كنت بشوف عالنت عربيات للبيع اتوماتيك 116 بس 2009 فكنت عاوز اعرف بالظبط نزل امتى؟؟

[farahat]

الاتوماتيك في ال-116i من أول 2007 ، وكانت بتنزل مانوال كمان ، يعني من بعد 2007 فيه منوال وفيه اوتو ،
لكن ال-316i هي إلي من أول 2010 إلي أصبح فيها اوتو قبل كدة كان منوال فقط


أنا بتكلم عن مصر ، لأن الأوتو في ال-116i موجود برة من قبل 2007 كمان

[adel1414]

شكرااا جزيلا لحضرتك...طيب متوسط الاسعار لل 116 المانيوال والاتوماتيك ؟؟؟

[farahat]

شكرااا جزيلا لحضرتك...طيب متوسط الاسعار لل 116 المانيوال والاتوماتيك ؟؟؟

ال-116i عموماً موديل 2006-2007 موجودة قليلة جداً في السوق ، لأن العربية دي ابتدت تنتشر بعد عربيات فودافون ، ودول كانوا كلهم 3 باب مش 5 باب ، وموديل 2008 أو 2009 .


السعر عموماً هيلعب ما بين 120-140 على حسب الحالة وحسب العداد ومانوال ولا اوتو ، وطبعاً لو حالات نضيفة قوي هتكون أعلى من كدة كمان ، لكن ذي ما بقولك دي هتكون نادرة جداً لأن العربية أصلاً قليلة في السوق

[adel1414]

يعنى يافرحات باشا راييك ال316 وخلاص اصل صاحبى عجباه ال116 اوووى كشكل على اساس انه لسه شاب بردة

[farahat]

على حسب صاحبك عايز إيه ..


يعني ال 116i محتاجة شوية صبر وبحث على ما تلاقي حاجة نضيفة وتكون اوتو وسعر كويس ، وفي ال-316i هتلاقي حالات كويسة أسهل وسعر أفضل لكن مش هتلاقي اوتو غير في الموديلات الاحداث ، ودة معناه سعر أعلى . بمعنى أخر في ال-116i إنت بتدور على عربية كويسة من موديل إتباع منه 50 عربية في البلد وفي ال-316i بتدور على عربية كويسة في وسط موديل إتباع منه 200 عربية (ده على سبيل المثال طبعاً وليس الحصر )، تفتكر هتلاقي طلبك في مين أسهل ؟


مع العلم إن سعر ال 316i لنفس الموديلات هيكون أعلى حوالي 10-15 ألف، يعني لو قلنا إن 116i 2006-2007 بتلعب ما بين 120-140 ، هتلاقي 316i 2006-2007 بتلعب ما بين 135-155 (المنوال طبعاً ).


وفي كل الاحوال طبعاً الكشف السليم والتأكد من الحاله دة أهم حاجة ، عشان العربيتين جداد نسبياً وقطع غيارهم مش رخيصة لو طلع فيهم مشاكل .


وربنا يوفق صاحبك للإختيار السليم

[adel1414]

الف شكر ليك ياباشا عالمعلومات الجمييييييلة

[dede_dodo88]

طب ايه نظام الـ116i في قطع الغيار و الصيانة ؟
هل بنفس غلو حاجة الـ316 ولا في فرق ؟