مين يديني الخلاصة في الـe46 في مصر؟؟

[AutoTycoon]

الــE46 من العربيات اللي بحبها جداً و نفسي اركبها و بحب الـE39 جداً برضه ... هو فيه حد مبيحبش العربيتين دول؟؟

بس مشلكة الـE39 ان موديلها قدم قوي ..احدث حاجة اعتقد 2002 بالإضافة كمان لسعة المحرك الكبيرة و بالتالي الضرائب العالية و استهلاك البنزين .. الخ

بالنسبة للE46 .. عايز اعرف المحركات الموجودة فيها في مصر و اية حكاية الفتيس الجديد و القديم انا دورت عالنت بس مش عارف ابة اللي موجود في مصر و اية اللي موجود برة...و لو عايز اركب واحدة 2005 نضيفة تعمل كام (من اللي شفته عالنت اعتقد تعمل 150-160؟؟؟)
هل اللي بيكون عارضها للبيع بيكون مبهدلها فعلاً و عايز يخلص منها ولا ممكن الاقي واحدة لقطة :((؟؟

يا ترى مين هيديني الخلاصة في الموديل دا ؟؟

[fahd_628]

انا مش شايف ان ال E39 قدمت

العربية دية فى رأى من احسن العربيات الى عملتها BMW و شكلها تحفة و عمرة ما يقدم !!!!

بزمتك دية شكلها قديم ؟؟؟؟؟؟؟؟؟؟؟؟

[AutoTycoon]

لا يا باشا مش قصدي على الشكل طبعاً العربية دي انا حاططها wallpaper للكمبيوتر :)) بعشقها بعشقها يعني...لكن الفكرة ان الموديل الأخير ليها 2002... بتكلم في حوالي 10 سنين يعني اصعب اني الاقي منها حالة كويسة + الأسباب التانية اللي قلتها .. بنزين اكتر و ضرائب اكتر... :((

[inspiron]

مين قالك يا باشا إن آخرها 2002...العربية دي بالشكل ده اللي في الصورة من سنة 1996 إلي 2004

[AutoTycoon]

BMW 5 Series (E39) - Wikipedia, the free encyclopedia

2003

[omar-saad]

BMW 5 Series (E39) - Wikipedia, the free encyclopedia

2003

الكلام دة خارج مصر
انما العربية فى مصر فضلت تنزل لحد 2004
والعربية فعلا وهم واtضل بكتير من e46

[Batman372]

الكلام دة خارج مصر
انما العربية فى مصر فضلت تنزل لحد 2004
والعربية فعلا وهم واtضل بكتير من e46

+++111

فعلا اخر سنه لل e39 هى 2003 عالميا . ثم ال e60 من 2004 حتى 2010 .
- فى مصر 2003 كان وقتها مشكله ابو الفتوح و توقف الانتاج المحلى له -
- اول لما البافاريه خدت التوكيل و اشتغلت فى 2004 جمعت شويه e39 520/525 و اعطت جوابات مرور بأنها مو 2004 فتم ترخيصها مو 2004 !! ثم جمعت ال e60 و ابتدت التسليم فى اكتوبر 2004 لموديلات 2005 .
تحياتى ...

[farahat]

ال-e39 زي ما batman قال موجودة لحد 2004 ، وفي 2005 فيه ال-e60 ال-520i وبعد كدة من 2006 ال-525i، المهم ..بالنسبة لسؤالك


ال-e46 نزل منها في مصر 316i و 318i فقط ، موديلات 99-2000-2001 دي فتيس القديم و كانت 1900 CC (للموديلين) .
من أول 2002 el316i نزلت منوال 1800CC ، وال 318i ،ودي الموجودة أكتر .نزلت بموتور 2000CC وفتيس اوتو ، والفيتس دة بيسموه الفتيس الجديد إلي هو فيه الستيبترونك ، ونزل منها فئتين على حسب الكماليات فيه base-line و-Hi-line ودي تزيد فتحت سقف وجنوط وطارة ملتي فانكشن وتليفون ، لكن باقي الكماليات أغلبها واحد في الاتنين

[HISHAM80]

اعتقد من 2000 في الفتيس الجديد من 2002 موتور الجديد 16 valves 2.0 liter مكان 1.9 8 valves

[Batman372]

اعتقد من 2000 في الفتيس الجديد من 2002 موتور الجديد 16 valves 2.0 liter مكان 1.9 8 valves

+++111
انا كانت عربيتى 318 مو 2000 و موتور 1900 سى سى ( 128 حصان) + فتيس الستيبترونك.
المواتير ال 2000 سى سى + تكنولوجيا الدبل فانوز double vanos كانت من 2002 و كانت 143 حصان .

[farahat]

اعتقد من 2000 في الفتيس الجديد من 2002 موتور الجديد 16 valves 2.0 liter مكان 1.9 8 valves

+++111
انا كانت عربيتى 318 مو 2000 و موتور 1900 سى سى ( 128 حصان) + فتيس الستيبترونك.
المواتير ال 2000 سى سى + تكنولوجيا الدبل فانوز double vanos كانت من 2002 و كانت 143 حصان .

الفتيس إلي حضرتك بتتكلم عليه كان كام سرعة ؟
لأن لحد 2001 كان الموتور ال-m43 بيركب عليه فتيس a4s ، ودة كان فيه منه عادي أو ستيبترونك ، لكن من الداخل نفس الفتيس ، الفتيس ال a5s (الخمس سرعات) مكنش بيركب غير على الموتور ال-n42 ، إلي هو ال-2000cc .

[AutoTycoon]

تمام .. الف شكر يا شباب ... كد الواحد يدور و هو فاهم