سؤالين مهمين يا خبراء البي ام

[akmall]

نويت اشترى بي ام 316 او 318

ولما سالت لقيت ناس بتقولي بلاش الفتيس القديم (الاتوماتيك) لان فيه عيوب طب ياجماعة هو لحد موديل كام قالو لغاية نص سنة 2000 .

طب ايه العيوب محدش فهمني

فالكلام ده صح الفتيس فيه عيوب القديم لحد 99 ولا لا ولو صح ايه العيوب

وهل فيه عيوب تانية للموديلين دول خصوصا 99 و2000

ياريت الافادة واكون شاكر

[fahd_628]

فعلا الفتيس فى 1999 و 2000 الى هوة مش ستيب ترونيك فية مشاكل

[demo0900]

و اللي قبل كدة فية مشاكل في 316 الاوتوماتيك

[waleed_sat]

بغض النظر عزيزى عن المشاكل فى الفتيس الاوتوماتيك

متعة القيادة فى ال bmw خصوصاً بالفتيس المانيوال

[fahd_628]

لأ ال e36 مكنش فيها مشاكل فى الأوتوماتيك

[BMW5260]

بغض النظر عزيزى عن المشاكل فى الفتيس الاوتوماتيك

متعة القيادة فى ال bmw خصوصاً بالفتيس المانيوال

الكلام ده للناس اللي بتحب تلعب بالعربيات وتعمل بيها حركات لكن بالنسبة للزحمة اللي إحنا فيها يفضل الأتوماتيك ،،،،،، وهي مجرد وجهة نظر

[TOOLA]

طب ايه نوعية المشاكل و هل بتظهر فى كلو ولا مع سوء استخدام او صيانة؟؟
و ايه تكلفة التصليح, و هل بيحل المشكلة ولا بترجع تانى؟؟
و اخيرا هل ممكن تغيير الفتيس من اوتو لل ستيبترونيك و يا ترا التغيير بيكون فى الفتيس بس و لا بتتغير معاه حاجات تانية (control أو ضفيرة؟؟), و اخيرا تكلفة تغيير الفتيس كام؟؟
معلش فى كتر الأسئلة بس النقطه ديه مش واضحة لناس كتير و انا قدامى عربية معروضة بالفتيس القديم و محتاج بردو اعرف معلومات اكتر عشان اقرر.

و شكرا