e36 كوبيه 16 او 18 و موديل 98 او 97

[nomair]

صباح الفل
شوف يا ريس البومه 1600
اكيد هتبقي احدث واخف في الوزن ودفع امامي فاكيد طلعتها اسرع وال دبانه ال 16
هتبقي موتور اضعف علي وزن تقيل ال 1800اظرف ويا سلام بقي لو 1800is
138 حصان مفيش بومه هتزعلك اما الاحساس يمتعه القياده فطبعا البي ام لها متعه والشكل الرياضي
انا ركبت البومه ظريفه وناعمه بس قوه البي ام حاجه تانيه وممكن تقايس وتجيب 2000 سيسي مش هتضلع في بنزين ولا ضرايب عادي بس 150 حصان قوه غاشمه ومتهياليش فيه كوبيه 16 والله اعلم
ابحث بتروي وربنا معاك

مساء الانوار يا معلم
(فيه 16 بس قليل) بس اعتقد ان انت كده بتتكلم فى فرق جامد ف السعر والبنزين وقطع الغيار , مش ال2000 دى 6 cylinder ?

[nomair]

ربنا يوفقك بس اهم حاجة خلي بالك من الانصاص
واكشف عليها كويس وخدها عند بتوع الانصاص في الحرفيين وشوف اشتغله فيها قبل كدة ولالا

اه صح اتاكد ازاى من موضوع الانصاص ده عشان بيقولو ان العربيات ديه كترت فى البلد و بتيجى متهربة و بتاع !!!
تحياتى :))

[fahd_628]

اه صح اتاكد ازاى من موضوع الانصاص ده عشان بيقولو ان العربيات ديه كترت فى البلد و بتيجى متهربة و بتاع !!!
تحياتى :))

الى متهربة دية بتغير رقم الشاسية بتاعها و بياخدو رقم شاسية عربية عاملة حادثة و يحطوة عليها !!!!

خلى بالك منهم

و علشان تعرف مغيرة رقم شاسية ولا لأ ادخل على الموقع دة

و اكتب اخر 7 ارقام من الشاسية بتاع العربية

BMW VIN Decoder - By Mitsuhiko Kanekatsu

[nomair]

اه صح اتاكد ازاى من موضوع الانصاص ده عشان بيقولو ان العربيات ديه كترت فى البلد و بتيجى متهربة و بتاع !!!
تحياتى :))

بص يا سيدى انا معايا واحدة و جبتها بعد ما طلع عينى فى انى الاقى واحدة نضيفة والله كان بقالى سنتين بدور و كانت فلوسى مش جاهزة الصراحة بس عقبال ما لاقيت واحدة الحمد لله كانت فلوسى جاهزة

انا كنت راكب هيونداى I30 و لما اشتريت قلت انا مش حجيب غير العربية دية :)

اولا بالنسبة للموديل فا موديل 1997 او 1998 دة قليل جدا جدا و ممكن يبقى موجود منة 3-4 كدة ولا حاجة

انا اعرف 2 بس 1997 واحدة كانت للبيع على 96 الف بس مكنش فيها فتحة سقف و التانية لسه معروضة على 90 الف بس اوتوماتيك !

اغلب الى موجود بيبقى 1995 و متسألنيش اية السر فى كدة :) و فية كتيير جدا يا اما فتحة سقف يا اما تكييف و قليل جدا الأتنين مع بعض

بالنسبة لرينج الأسعار فا هوة 90 - 95 الف لو بتدور على حاجة حالتها ممتازة !!! فية حاجات اقل بس بتبقى حالتها مش اوى

موضوع الكيلومتراج 70 - 80 الف دة مستحيييييييييييييييييييييييييييييييييييييييييييييي يييييييييييييييييييييييييل !!!

دة انت لو لقيت واحدة ماشية اقل من 170 الف تبقى كويسة :) :)

بص بقى من واقع تجربتى انا معايا مانيوال 1600 هية فى السحب كويسة جدا بس مش زى الفيرنا يعنى

يعنى الفيرنا تطلع منها لكن انا شديت مع جيتا و اوكتافيا و ميجان و طلعت منهم

انا مجربتش الصراحة اشد مع عربيات 1600 كتيير بس الى اقدر اقولهولك ان الفيرنا و الألنتر و الحاجات دية حتبقى اسرع منها و لكن ال e36 مش بطة يعنى :) هية كويسة جدا و بلاش تجيب اوتوماتيك علشان حتبقى بطيئة شوية ! و اقصى سرعة انا جبتها كانت 200 كم/س بالظبط ولا اقل ولا اكثر :) و مصورها لو عاوز الصورة ارفعهالك :)

قطع الغيار متوفرة و سعرها كويس جدا و موجود جديد و مستعمل و حاجتها من التوكيل والله مش غالية زى ما الناس متخيلة !!!! يعنى انا طالب حاجات من التوكيل سعرها قريب جدا جدا جدا من سعر الحاجات دية على النت فى امريكا مثلا

بالنسبة للتصليح و كدة دة بيعتمد على الى قبلك كان بيعمل صيانة للعربية ولا لأ !!! ممكن تجيب عربية ماشية 70 الف و تطلع عينك و ممكن تجيب عربية ماشية 200 الف و زى الفل

و صدقنى لو جبت عربية متصانة هتريحك و هتحتاج الصيانات الدورية فقط + حاجات بسيطة مع الصيانات الدورية

لازم تنقى واحدة صاحبها كان واخد بالة منها و مش بيهينها

لو عاوز اى حاجة انا موجود

ايوة كده بقى .. منور الدنيا كلها يا فهد بيه واالله
قولى بقى يا ريس هلاقيهم فين او مثلن متعرفش حد عايز يبيع عربيتو !!
وبعدين ال97 المانيول ده لسه موجوده ؟ مش شرط 98 97 اوى يعنى بس كل ما كان موديل اعلى يبقى افضل وانت سيد العارفين ;)

انا من فترة لقيت واحده 316 كوبيه موديل 1997 باين وكانت فابريكة بالكامل ما عدا الاكصدامات
وكانت داخلة مصر بقالها 5 سنين ولسا فاكه الحظر و ماشية 120 الف بس كان مبالغ اوى ...
كان طالب 125000 مش عارف انتا ايه رايك كانت فرصة دى ولا ايه ؟

وبعدين رايك الشخصى 1600 ولا 1800 ولا 2000 انى احسن وليه بقى !!

تقبل تحياتى و تقديرى لمرورك الكريم :))

[nomair]

حلوو اوى اللينك ده ... تشكر يا فهد :)

وبالمناسبة العربية الى بحكيلك عليها كانت نسخة من الى انت حاطتها فى التوقيع ديه بالظبط
كان صاحبها عندو مكتب زى مستورد تكيفات وتصليح وحاجات كدا فى مصر الجديدة !!

[fahd_628]

حلوو اوى اللينك ده ... تشكر يا فهد :)

وبالمناسبة العربية الى بحكيلك عليها كانت نسخة من الى انت حاطتها فى التوقيع ديه بالظبط
كان صاحبها عندو مكتب زى مستورد تكيفات وتصليح وحاجات كدا فى مصر الجديدة !!

ايوة كده بقى .. منور الدنيا كلها يا فهد بيه واالله
قولى بقى يا ريس هلاقيهم فين او مثلن متعرفش حد عايز يبيع عربيتو !!
وبعدين ال97 المانيول ده لسه موجوده ؟ مش شرط 98 97 اوى يعنى بس كل ما كان موديل اعلى يبقى افضل وانت سيد العارفين ;)

انا من فترة لقيت واحده 316 كوبيه موديل 1997 باين وكانت فابريكة بالكامل ما عدا الاكصدامات
وكانت داخلة مصر بقالها 5 سنين ولسا فاكه الحظر و ماشية 120 الف بس كان مبالغ اوى ...
كان طالب 125000 مش عارف انتا ايه رايك كانت فرصة دى ولا ايه ؟

وبعدين رايك الشخصى 1600 ولا 1800 ولا 2000 انى احسن وليه بقى !!

تقبل تحياتى و تقديرى لمرورك الكريم :))

السلام عليكم

بالنسبة لل 316 المانيوال فا تقريبا اتباعت لأن كان بقالها زمان

بالنسبة لل 316 الى حضرتك بتقول ب 125 الف فا دة الصراحة سعر مبالغ فية جدا و مكانتش فرصة ولا حاجة !!

بالنسبة للعربية فا الصراحة حلاوتها فى الموتور ال 6 سلندر :) الى هوة من اول ال 320 لغاية بقى ال 323 و ال 325 و ال 328 و طبعا احلى حاجة ال m3 :) 3200 سى سى 321 حصان :) حاجة جبارة كدة من 0-100 فى 5.1 ثانية :)

المهم انت لو عاوز حاجة مش ملعوب فيها و مش متسقطلها موتور و الحاجات دية مش حتلاقى غير 316 ! لأن مينفعش تخش معوقين غير 1600 سى سى او اقل !

لو انت غاوى تسقط مواتير و الحاجات دية فا ممكن تشوف الى موديل 1997 الأوتوماتيك دية بس مش عارف اتباعت ولا لأ و تغير الموتور و الفتيس زى ما انت عاوز بقى 2000 ولا 2500 ولا 2800 ولا m3

الأسعار من اول 10 الاف لغاية 35 الف لل m3 !

بس انا شخصيا مش بفضل موضوع تسقيط المواتير دة

انا الصراحة لو حسقط موتور حعملة على ايدى بس دة طبعا عاوز فراغ و فلوس كتيير جدا علشان تسقط صح حجيب عربية نصين و اشيل و احط بالمسمار ! هنا الصنايعية حيعكو طبعا و عمر الحاجة ما حتطلع مظبوطة !

دة رأى الشخصى !

و بالنسبة للأسعار زى ما قلتلك 90 - 95 بالكتيير لو حالة ممتازة !!!

بس بينى و بينك فية واحدة اتباعت اعرف صاحبها كانت ماشية 88 الف كم بس كانت اوتوماتيك و كانت بحالة المصنع بجد و جنط البينا اصلى 18 و كراسى كهرباء و جلد و سخانات و مثبت سرعة و حاجات كتييييييييييييير جدا اتباعت على 115 الكلام دة من سنة تقريبا ! و الصراحة لو واحد هاوى يدفع فيها السعر دة لأنها نادرة فعلا بالحالة دية !

و لو احتجت حاجة قولى

[elfashn]

بلاش الاتوماتيك فى ال 16 علشان هيحسسك بأن العربيه مبتسحبش وخصوصا انك نازل من بومه 1600 انما المانيوال جميل وللعلم العربيه دى بيبقى السحب بتاعها قبل ال 80 بطىء بس بمجرد ما تعدى ال90 بتجمع جامد جدا على عكس الكورى واليابانى ده غير انها بتوصل ل 200 ومبتحسش بأى مشكله فى الثبات او حتى الفرامل و لازم تهيىء نفسك نفسيا على الفرق مابين البومه والدبانه .كل عربيه ليها مميزاتها وعيوبها . البومه تكييف ساقع باور خفيف اوى .واسعه حديثه.الدبانه شكلها رياضى موتور قوى ثبات وهمى فرامل قويه بجد برستيج وربنا يوفقك لما فيه الخير

[nomair]

السلام عليكم

بالنسبة لل 316 المانيوال فا تقريبا اتباعت لأن كان بقالها زمان

بالنسبة لل 316 الى حضرتك بتقول ب 125 الف فا دة الصراحة سعر مبالغ فية جدا و مكانتش فرصة ولا حاجة !!

بالنسبة للعربية فا الصراحة حلاوتها فى الموتور ال 6 سلندر :) الى هوة من اول ال 320 لغاية بقى ال 323 و ال 325 و ال 328 و طبعا احلى حاجة ال m3 :) 3200 سى سى 321 حصان :) حاجة جبارة كدة من 0-100 فى 5.1 ثانية :)

المهم انت لو عاوز حاجة مش ملعوب فيها و مش متسقطلها موتور و الحاجات دية مش حتلاقى غير 316 ! لأن مينفعش تخش معوقين غير 1600 سى سى او اقل !

لو انت غاوى تسقط مواتير و الحاجات دية فا ممكن تشوف الى موديل 1997 الأوتوماتيك دية بس مش عارف اتباعت ولا لأ و تغير الموتور و الفتيس زى ما انت عاوز بقى 2000 ولا 2500 ولا 2800 ولا m3

الأسعار من اول 10 الاف لغاية 35 الف لل m3 !

بس انا شخصيا مش بفضل موضوع تسقيط المواتير دة

انا الصراحة لو حسقط موتور حعملة على ايدى بس دة طبعا عاوز فراغ و فلوس كتيير جدا علشان تسقط صح حجيب عربية نصين و اشيل و احط بالمسمار ! هنا الصنايعية حيعكو طبعا و عمر الحاجة ما حتطلع مظبوطة !

دة رأى الشخصى !

و بالنسبة للأسعار زى ما قلتلك 90 - 95 بالكتيير لو حالة ممتازة !!!

بس بينى و بينك فية واحدة اتباعت اعرف صاحبها كانت ماشية 88 الف كم بس كانت اوتوماتيك و كانت بحالة المصنع بجد و جنط البينا اصلى 18 و كراسى كهرباء و جلد و سخانات و مثبت سرعة و حاجات كتييييييييييييير جدا اتباعت على 115 الكلام دة من سنة تقريبا ! و الصراحة لو واحد هاوى يدفع فيها السعر دة لأنها نادرة فعلا بالحالة دية !

و لو احتجت حاجة قولى

الف الف شكر يا فهد باشا .. انا برضو مش بحب فكرة التسقيط
واسمحلى ابقى اخد رايك لو فى حاجة وقعت قدامى :) وانت برضو ابقى قولى لو شوفت كده حاجة كويسة (متنسانيش بقى والنبى)

تحياتى ..

[nomair]

بلاش الاتوماتيك فى ال 16 علشان هيحسسك بأن العربيه مبتسحبش وخصوصا انك نازل من بومه 1600 انما المانيوال جميل وللعلم العربيه دى بيبقى السحب بتاعها قبل ال 80 بطىء بس بمجرد ما تعدى ال90 بتجمع جامد جدا على عكس الكورى واليابانى ده غير انها بتوصل ل 200 ومبتحسش بأى مشكله فى الثبات او حتى الفرامل و لازم تهيىء نفسك نفسيا على الفرق مابين البومه والدبانه .كل عربيه ليها مميزاتها وعيوبها . البومه تكييف ساقع باور خفيف اوى .واسعه حديثه.الدبانه شكلها رياضى موتور قوى ثبات وهمى فرامل قويه بجد برستيج وربنا يوفقك لما فيه الخير

بص يا باشا صراحة انا حبيت اللانسر جدا وصراحة العربية عمرها مخزلتنى ابدا سواء فى الشد او غيرو, غير يمكن لو الخطأ منى !!!!

ف الى مخوفنى انى انزل و اجى اركب ال بى ام الاقى ان الانسر كانت اقوى دى اكتر حاجة هتزعلنى سيبك من الموديل القديم شوية او الصالون الضيق ولا التكيــف المهم الاداء والتصليح و كدا ..
بس وربنا يسترها علينا جميعا انشاء الله .

اشكرك على النصيحة

[fahd_628]

لعلمك فقط البومة ال 1600 اسرع من الدبانة ال 1600

علشان بس متركبهاش و عامل حسابك انها اسرع :)

[Mik_t4]

هي تقريبا اسرع في الغيارات الاولي يا فهد لان البومة جر امامي والاستجابة اسرع شويم انما علي السرعات البي ام هتبق اسرع
وبعدين يجيب 1800 مفرقتش يعني

[nomair]

ماشى جميل اوى الكلام ده ..

افهم من دا ان ال1600 ضعيف على البودى بتاع الدبانة ؟
طب وانا ليه اعمل فى نفسى كده وانزل بالمستوى انا اكيد نفسى اطلع شوية

طب لو قولنا 1800 طيب هيفرق ف السعر اد ايه وهل هيكون ده تمام مثلا
وبعدين انا اسمع ان فيه 318 بس و 318i و 318is ايه الفرق بقى وانهى اقوى ؟

معلش يا رجالة منكم نستقيد برضو :))

[Mik_t4]

لا يا باشا مش ضعيف ولا حاجة
هو بس العربيات الجر الامامي سحبها لو موتورين نفس السعة واحدة امامي وواحدة خلفي الامامي بتسحب لانها اخف وكدا
لكن البي ام موتورها عفي ومع التالت بتلاقيها سحبت كويس قدام الامامي ولعد كدا عيش انت هتطير لانك ثابت وافتح براحتك لكن البومة مش ثابتة زي الدبانة
عموما طبعا ال18 احسن وال اي اس اجمد بكتير تقريبا 135 حصان بس بيقولو قطع غيارة غالية لانها نادرة فا لو عايز حاجة بنفس قوتة هات 2000 سي سي او كبر وهات 18 عادي
وعلي فكرة السعة في المستعمل ممكن تلاقي واحد عارض واحدة 16 اغلي من ال 2000 فا مش محدد
وبعدين هات ال16 وبعد كدا لو معجبكش سقط واحد 2000 يامعلم وعيش حياتك وركب تيربو او سوبر وهتدوس علي اتخن كوري
الموتور ال اي اس دا موتور الكابريولية
انا عن نفسي ان شاء الله هجيب e30 , والق اظبطها لو موتورها معجبنيش
اتمني اكون افدتك
واي استفسار تحت امرك

[fahd_628]

لأ يا مايك خد منى الكلام

البومة ال 1600 تطلع منها

برضة هية bmw بس تكنولوجيا 17 سنة فاتت

يعنى ما عاوز اقعد اوهمك و اقولك حتلاقى سحب خرافى و مجرد ما تحط تالت حتطير و الحاجات دية !!! انا معايا العربية و عارف انا بقولك اية :)

التسارع من 0-100 من الكتلوج فى 12,7 للمانيوال و 14 او 14,5 مش فاكر للأوتوماتيك

لو عاوز موتور قوى حتبتدى من ال 325 من 0-100 فى 7,9 ثانية لو عاوز اقوى فية ال 328 فى 7,5 تقريبا لو عاوز بقى الأفضل ال m3 3200 من 0-100 فى 5.4 ثانية !!!

انا بكلمك والله كلام واقعى مش واحد معاة العربية و متعصب ليها :)

العربية سحبها كويس جدا جدا جدا بس مش زى الفيرنا يعنى :)

[nomair]

هى هتبقى احسن علشان يعنى هى بى ام اكيد و فى الثبات والغزر والشياكة !!

بس كتير قوى 12.7 ديه يا فهد باشا فعلا .. دى اللانسر يا راجل فى الكتالوج 11.2 باين وانا فاكر انى جبت اقل من كده و كنت مستكترهم

يعنى المكنة ال 2000 متجبهمش ف 8 ثوانى مثلا ؟

اصلى يا مايك .. ربنا يسهلك و تلاقى العربية الى انت عايزها
بالمناسبه هوا انت كل دا بتضور و مش لاقى ...؟؟