يا جماعة جاوبوني من فضلكم

[inspiron]

يا جماعة أنا عملت موضوع سابق عن واحد صاحبي معاه e39 ظهر فيها صوت طقطقة وهو ماشي سواء بسرعة أو بالراحة.والصوت بيروح ويجي..وبعدين الصوت راح لوحده ومشي بالعربية حوالي أسبوع وحاليا هو في شغل في أسيوط وهو ماشي النهاردة بيها عادي ظهر الصوت مرة تانية.فلو سمحتم ممكن تعرفوني ده إيه عشان أبلغه لأنه ميعرفش حد يكشف عليها عنده في أسيوط وخايف يرجع بيها كده

هو وصفلي الصوت مع بداية الحركة وخصوصا أول ما الغيار التاني يجي بتعمل تك تك تك تك في الناحية الشمال ورا..والموضوع ده مش بيظهر في المارشيدير بيظهر في السير أمامي فقط وبيروح ويجي..أرجو الإفادة في أسرع وقت تقولولي إيه هي الإحتمالات الواردة.وشكرا جزيلا

[sheko_2000eg]

بصراحة موضوع محتاج تفسير و توضيح اكتر
صعب حد يدلك الا لو حصلت معاه بالضبط نفس العيب

[tony]

انزل بيها على مركز الصيانة وريح دماغك

[boozoo2010]

احتمال يكون كوبلن خلفى بس مش متاكد دة استنتاج مش اكثر

[maskeen]

مش عايز اقول حاجه تبدو واضحه او غبيه..بس هى اكيد حاجه فى العفشه (بليه او شداد او مقص)..حاجه من اللى مرتبطه بالعجل يعنى.....انا عندى صوت زى ده على خفيف قوى قوى بدا من حوالى شهر ونص وبيعلى ببط قوى..ولا تلحظه الا لو الطريق هادى وودنك مع العجل قوى....انا منتظر بأذن الله لما يبقى واضح ومميز وبعدين اروح للشيخ طارق عشان التشخيص يبقى سهل وصح بأذن الله

[waleed_sat]

الإحتمالين الأقرب

صلايب الكردان - أو الكورونا

خليه يرفع العربية من الخلف من أحد الجانبين

والميكانيكى يكشف عليها وهى دايرة وفى وضع الغيار على الثانى

[Batman372]

احتمال يكون كوبلن خلفى بس مش متاكد دة استنتاج مش اكثر

الكبالن لسيارات الجر الامامى فقط
العربيات ديه جر خلفى يعنى عمود كردان + كرونا و غالبا هما سبب الصوت