الى الاخloserdaive بخصوص e30

[loda80]

ياريت يابا تدينا تفاصيل اكتر عن العربية و الكماليات لاني دخلت علي موضوعك بتقول" e30 عند ليك واحده حكاية فابريكا بالكامل موافقة استيرادية اليونان" وشكرا ياباشا و كل سنة وانت طيب

[loserdavie]

ياريت يابا تدينا تفاصيل اكتر عن العربية و الكماليات لاني دخلت علي موضوعك بتقول" e30 عند ليك واحده حكاية فابريكا بالكامل موافقة استيرادية اليونان" وشكرا ياباشا و كل سنة وانت طيب

وانت طيب ياباشا ويديك الصحة العربية 89 فابريكا بالكامل العداد مش فاكر والله بس هو قلل من 100000 وهو بيقول من بقه 55000 العربية مع راجل كبير مش شاب ومعتقدش ان هو حيقلل جنيه بكره ان شاءالله حديك تفاصيل اكتر ولو فى نصيب كل الى انا حعمله حوصلك ليه وانتو تتصرفوا مع بعض

[loserdavie]

على فكره هى بابين مش سيدان وفيها فتحة سقف

[loserdavie]

بس كلمة يابا مش حاسس انها لطيفة يا مان

[loda80]

ههههههه معلش ذلة كتابة أنا أقصد باشا معلش بس والله ضحكتنى معلش يا جميل سؤالأخير انت تقصد كوبية علشان 2 باب؟

[Mik_t4]

اية السعر دا
كدا غالية علي فكرة
ال55 دول يجيبو 520 1991

[loda80]

To loserdaive did u call about e30 is it coupe or 4 doors? by the way, I tried to call you on your cell phone but you didn't answer. Greetings

[hanyhosney]

لا مش غاليه 55 الف سعر العربيه الحاله ال تركبها ومفيهاش الهوا
وممكن 50 وممكن 45 لكن اقل من كده تفهم انك هتصرف الفرق عششان توصل
لنفس الحاله ال انت عايزها وبتشوفها في ناس علي كونتاكت عارضه ب 60 و70
لكن اقل من كده مفيش حاله الا ما ندر

[Mik_t4]

الاسعار علي النت غير واقعية خااااااااااااااااااااااااااااااااااااااااااااااااا ااالص
انا واحد صاحبي شاريها ب 26 من طنطا ونضيفة مفيهاش اي حاجة بس 4 باب والمفروض ان انا الي كنت هاخدها بس حصل ظروف والفلوس مكملتش

[loserdavie]

انا راى مع mik انا مدفعش فى عربية تمانينات السعر ده بس مش ادرجة 26000 دى تلاقيها كنبة العربية ديه من 35000

[hanyhosney]

مش صح

مع كامل احترامي لكل الزملاء
اسعار النت ال انا بتكلم عليها بتاعت كونتاكت كارز السعر ده بيبقي زياده 3 او 4 الف جنيه
فقط لكن مش 30 ولا 20 الف وفي زميل لينا هنا في المنتدي باع عربيته موديل 90 باكتر من 50 الف علي كونتاكت
ال 26 دي انا مصدقها بس معاك انت بس يا مايك ال بتشوف الحاجات دي وبعدين انا عايز اسال سؤال هو انت كمان ال 26 والفلوس ماكملتش؟
اي حد من زمايلنا المحترفين هيشك في العربيه دي وش
26 لتكون متبهدله وراشينهالك من بره لتكون نصين لفيها مشكله ليكون الراجل بيضحي
اما تعليقي الثاني للزميل ال بيقول ميدفعش في عربيه موديل ال تمانينات اكتر من 35
احنا بنتكلم عن بي ام دابليو حلم الشباب وال 35 انا جبت بيهم عربيتي
واتعلمت وبقولك اقل من 45 مش هتلاقي حاجه ال تبسطك الا فيما ندر
انت عايز تركب ال بي ام الشكل الشبابي الرياضي الجذاب وده بيدي اداء رياضي يبقي لازم عربي واقفه علي حيلها
انا بنصح وكلو عقلو في راسو يعرف خلاصو

[Mik_t4]

صدقني كان معايا الفلوس 30 وقبلها ب4 ايام حصل ظروف واتصرف منهم كتير اوي فا صرفت نظر عن موضوع العربية نهائي
عموما انا مبقلش دا السعر انا بقول انها لقطة بجد ومكانتش راشة حتي صاحبي حاليا مفضيها خالص وبيرشها ويروقها لكن مكنش فيها حاجة بس مكانتش متظبطة تظبيط شباب
وانا عن نفسي احب ان انا الي اشد العربية واظبطها لانها لو متظبطة ومعمولة شبابي يبق صاحبها هاريها لعب مش اكتر
اتمني تكون فهمتني

[loserdavie]

قابلت الراجل والعربية طلعت bmw e30 m3 على ابوها والتابلوه مكتوب عليه m

[hanyhosney]

قابلت الراجل والعربية طلعت bmw e30 m3 على ابوها والتابلوه مكتوب عليه m

اهي دي متسبش يا جدعان؟
بس اتاكد انها مش نصين واتاكد ان فيها موتورها مع العلم انو موتور قطع غياره نادره
لانو 2200 سيسي اربعه سلندر
المهم اكشف عليها كويس

[hanyhosney]

صدقني كان معايا الفلوس 30 وقبلها ب4 ايام حصل ظروف واتصرف منهم كتير اوي فا صرفت نظر عن موضوع العربية نهائي
عموما انا مبقلش دا السعر انا بقول انها لقطة بجد ومكانتش راشة حتي صاحبي حاليا مفضيها خالص وبيرشها ويروقها لكن مكنش فيها حاجة بس مكانتش متظبطة تظبيط شباب
وانا عن نفسي احب ان انا الي اشد العربية واظبطها لانها لو متظبطة ومعمولة شبابي يبق صاحبها هاريها لعب مش اكتر
اتمني تكون فهمتني

انا اكتر واحد فاهمك يا ميكي بس موضوع صرفت نظر نهائيا ده ضايقني لان انت فاهم ان كلو للخير وان ربنا بيديلك كل حاجه انت محتاجها في الوقت ال هو شايفو مناسب ومش ال انت شايفو مناسب
فروق واصبر عشان متلبسش