الموتور ماخر

[hanyhosney]

كل سنه وانتو طيبين يا جماعه وعيد سعيد عليكم
من كام شهر كده تحديدا في شهر اربعه كنت راجع من العين السخنه وسمعت دربكه في الحوض وبعدين عرفت انه اويل سيل كامه اوكاتينه الاتنين المهم تاني يوم خبطت العربيه ونا راجع بليل المهم رحت الحرفيين عشان اعمل العربيه لاول مره
المهم الاخ الميكانيكي قالي ال 2 اويل سيل هيتغيرو واقترح نغير سير الكاتينه بالمره
مع انو جديد فقلتلو ماشي
المهم انا كانت العدادات اتحرقت بسبب السمكري فلما قفلي العربيه لقيت الصوت هادي
فقلت كويس
لما جبت عدادات جديده لقيت ان الار بي ام علي ال5 بدل ال 8 او 9 علي السلانسيه
والموتور مبيفصلش ولما بكبس اخره 4500 لفه
ونا كانت رجلي انكسرت وغلطت وسبت العربيه لصديق سواقته مايعه فموووت العربيه لما خفيت رحت لميكانيكي عندنا في المعادي بس بيشتغل غالبا في بي ام غالبا
المهم قالي بليه كاتينه ثم ترس بايظين
غيرناهم استيراد
وبرضو مفيش الموتور زي ماهو
قلتلو ايه ده
مره يقول عامود التاكيهات
ومره يقولي التفصيله من طرمبه البنزين
مع ان السحب كويس بس لما بقرص او بحس ان في حاجه بتكتف الموتور
ولما بكبس ونا واقف العربيه بتتبرجل
معلش طولت عليكم بس ان مضايق ومش حابب الاشتغالات
افيدووني

[hanyhosney]

ايه محدش عارف السبب ولا اسئلتي كل مره بتطلع صعبه؟

[emadzaki]

روح عند ايهاب بوب بتاع الحرفين ,, دة استاذ و مش حرامى رقمه 0106473527 كلمو يوصفيك مكانو و قولو انك من طرفى
اسمى عماد زكى

[hanyhosney]

روح عند ايهاب بوب بتاع الحرفين ,, دة استاذ و مش حرامى رقمه 0106473527 كلمو يوصفيك مكانو و قولو انك من طرفى
اسمى عماد زكى

عماد باشا زكي الف شكر

واكيد هكلمو بس كنت عايز استفيد من خبره الشباب عايز اعرف ده عيب في التقسيمه ولا كهربا ولا ايه لاني مش مقتنع بموضوع طرمبه البنزين ومره تانيه ميرسي لزوقك

[farahat]

أعتقد دة توقيت الكاتينة مش مظبوط ، يعني هتلاقيها مقدمة ومأخرة سنة أو اتنين في الترس ، وبالتالي العربية قريبة من المظبوط في ال rpm الواطي ، وكل ما بيعلى هتلاقيها مش منتظمة و إحتمال كمان تلاقي مع السحب لفترة العربية السخونة بتاعتها زايدة شوية ، وباقي الأعراض إلي بتحكيها دي كلها ممكن تحصل من نفس السبب .


الحل بسيط ، الميكانيكي يفك السير تاني ويزبط التقسيمة وهو بيركبه .

[elmohandes1]

متابع
إبقى عرفنا عملت إيه بعد العيد
ربنا يوفقك

[sheko_2000eg]

متابع جداااااا

[m000dy]

طمننا يا باشا عملت ايه
وطلع العيب منين

[emadzaki]

هو لو سير الكتينه مش بتاع الموديل , يعنى مثلا سير بتاع موديل 90 ركب فى 92 دبانه . المتور يدور ولا ميشتغلش اصلا؟

[hanyhosney]

معملتش اي حاجه لان كلو كان قافل وبعدين الشاب ال انا رحتلو في المعادي
مش عايز يطلع غلطان ومصر يقول طرمبه بنزين
وبرضو مش هينفع ارجع لمحمود رزق بعد 7 شهور احكيلو القصه دي
وبما ان العربيه ادمرت في الفتره ال انا كنت نايم فيها في البيت
ما بين اخويا وواحد صاحبي
فانا قدامي حلين
1- ابيع العربيه
2- اشدها من ال ا الي ال ياء بما فيها تسقيط موتور فانوس 2000 سي سي
فا لسه محتار عشان الخيارين احلاهما مر
لو بيعت يا عالم هعتر في عربيه تعجبني بعد اد ايه
ولو شديتها مش اقل من شهر من المرمطه والصياعه بدون عربيه وقرف الصنايعيه
فربنا يسهل
لسه بفكر عقبال مدبر المبلغ

[hanyhosney]

هو لو سير الكتينه مش بتاع الموديل , يعنى مثلا سير بتاع موديل 90 ركب فى 92 دبانه . المتور يدور ولا ميشتغلش اصلا؟

لا مدورش وبتاع الثرتي الاربعه ميركبش اصلا علي السته وهو هو المودي اشحال موديل تاني

[BMW5260]

عموماً ربنا يطمنك وتتصلح وترجع أحسن من الأول

[hanyhosney]

عموماً ربنا يطمنك وتتصلح وترجع أحسن من الأول

شكرا يا باشا