ايه ياجماعه ماحدش رد عليا

[amr3elrouby]

بصراحه يا جماعه ناوى على بى ام وكنت خلاص هاشترى e39 1998 ولكن ماحصلش نصيب ودلوقت قدامى E46 -2002 فابريكه بالكامل لون بستاج بيزلاين والعربيه سليمه وتأكد منها وعارف تاريخها والسعر حوالى 112000 وماشيه حوالى 102 الف ........ياريت اللى معاهم الموديل يفيدونى عن عيوبه وعايز اعرف اسعار قطع الغيار وتوافرها وكل اللى تقدرو عليه من نصائح وياترى اشترى ولا استنى لانى سامع كلام عن نزول اسعاروناس قالت ان الموديل ده بيشقق عند البطاحات وفى النهايه كل عام وكل اعضاء الجروب بخير وسلام

[WalidAdel]

متابع مع حضرتك ان شاء الله ويا سلام لو الناس الخبيره تقولي الشكل اللي فيه الفيس ليفت اول 2003 ده بردوا بيعمل كام انا اشيف اسعار علي كونتاكت كارز ب 127 فابريكه بره و جو و 130 ال 318 فمش عارف انا العربيه دي بعشقها و راكب صني و بفكر اغير بس ليسه مش قادر اخد قرار اوي
عايز عربيه مريحه كراسي و عفشه لان الصني تعبتني بسافر كتير و ممكن اسافر اسكندريه و ارجع في نفس اليوم فياريت حد يقدر يفيدنا

[TheBuccaneer]

بصراحه يا جماعه ناوى على بى ام وكنت خلاص هاشترى e39 1998 ولكن ماحصلش نصيب ودلوقت قدامى e46 -2002 فابريكه بالكامل لون بستاج بيزلاين والعربيه سليمه وتأكد منها وعارف تاريخها والسعر حوالى 112000 وماشيه حوالى 102 الف ........ياريت اللى معاهم الموديل يفيدونى عن عيوبه وعايز اعرف اسعار قطع الغيار وتوافرها وكل اللى تقدرو عليه من نصائح وياترى اشترى ولا استنى لانى سامع كلام عن نزول اسعاروناس قالت ان الموديل ده بيشقق عند البطاحات وفى النهايه كل عام وكل اعضاء الجروب بخير
وسلام

السياره ال e39 هذه فئه خامسه و ال e46 فئه ثالثه و الفئه الثالثه تختلف عن الفئه الخامسه و حضرتك إن ركبت الفئه الخامسه لن تعرف تركب الفئه الثالثه!!!

بالنسبه للفئه الثالثه ال e46 المعروضه على حضرتك هل فيها فتحة سقف و لا لا يوجد بها فتحة سقف. إن كان بها فتحة سقف فال 112000 جنيه سعر جميل جدا لأن موديل ال 318 2002 بها فئتين واحد فيها فتحة سقف إسمها هاى لاين و فئه لا يوجد بها فتحة السقف و اسمها بيز لاين أما سائر الأمكانيات بين الفئتين واحده و باقى الأختلافات شكليه كشكل الجنوط و لون فوانيس الأشاره الأماميه و الخلفيه و كلها بلا أدنى مشكله على الأطلاق تقدر تعدلها بكل بساطه. و اسأل مالك السياره سؤال هل السياره ال e46 2002 من فئة ال "بيز لاين كلاسيك" إن قال لك ايوه ابعد عن السياره أو إن كنت هتشتريها فسعرها الطبيعى فى السوق من 105000 - 110000 جنيه إن كانت شركه بالكامل و حاله لأنه لايوجد فئه اسمها بيز لاين ككلاسيك لأن نفس و شكل و 100% متطابقه من موديل e46 2001 فى كل مسمار و الفكره فى إنها سيارات موديل 2001 تم تسليمها فى 2002 من الوكيل و رخصت على إنها 2002 ليس إلا.

[amr3elrouby]

السياره ليس بها فتحة سقف مع ملاحظة انها ستيبترونيك وراكب لها طاره ملتى وهى فعلا بيز لاين وملاحظ كمان ان الشنطه ضيقه جدا .........بس ان عايز اعرف ليه بتقول ابعد عنها هل بهذا الموديل اى مشاكل ورأيك اخلينى فى الe39 احسن ولا ايه
....... فى انتظارك

[TheBuccaneer]

السياره ليس بها فتحة سقف مع ملاحظة انها ستيبترونيك وراكب لها طاره ملتى وهى فعلا بيز لاين وملاحظ كمان ان الشنطه ضيقه جدا .........بس ان عايز اعرف ليه بتقول ابعد عنها هل بهذا الموديل اى مشاكل ورأيك اخلينى فى الe39 احسن ولا ايه
....... فى انتظارك

السلام عليكم.

الفئه الخامسه شىء مختلف تماما عن الفئه الثالثه و مثل ما ذكرت لك إن شاء الله و قدر لك الفئه الخامسه لن تستطيع أن تركب غير فئه خامسه أو فئه أعلى كالسابعه مثلا أو ال X series

تفصيلا اكثر
BMW E46 بدأ انتاجها بالضبط عام 1998 خارج مصر "تواجدت بمصر من أول عام 1999" و تواجدت بمصر بنسبة 99% بداية من فئة ال 318 عالرغم من الأنتاج كان بدأ ب 316 و 318 و 320 و 325 و 328 و 330 و M3 بمختلف فئتها تمام. فى مصر اكثر فئه فى ال E46 تواجدت منذ عام 1999 كانت ال 318 و لم تنزل بفئة ال 316 إلا بحلول عام 2002 و قد تجد موديلات أعوام 1999 - 2001 فئة ال 316 لكن بنسبة 1% فى كل مصر نادره جدا وجودها. طبعا مثل ما ذكرت ال E46 بدأت فى مصر مع عام 1999 و كانت الفئات المتواجده منها بداية من فئة ال 318 و سائر الفئات تمام

E46 1999 - 2001 كلها نفس الشكل الخارجى مع اختلاف من عام إلى الثانى فى شكل الجنوط و الفوانيس و المحرك واحد لم يختلف و اسمه M43TUB19 تمام و كلها إمكانيات متطابقه

E46 1999 - 2000 بها الفتيس الأتوماتيك معروف بأسم "الفتيس القديم" و هناك إشاعات كثيره أن هذا الفتيس به مشاكل
E46 نهاية 2000 - 2001 بها الفتيس الأستيبترونيك معروف بأسم "الفتيس الجديد" و هو أفضل من الفتيس الأتوماتيك و لا يوجد به مشاكل

E46 2002 - 2005 بمصر هتجد منها موديلات إلى ال 2006 لأكن المفترض بالخارج إن ال E46 توقف خط الأنتاج عام 2005 و بدأ الشكل الجديد ال E90 series مع عام 2006

ما يهم ال E46 2002 - 2006 نزل منها فئتين الأولى تعرف بالهاى-لاين و الثانيه بال بيز-لاين نفس الشكل بالخارج واحد و نفس الإمكانيات واحده لكن الفرق الشاسع بينهم هو إن الهاى-لاين بها فتحة سقف و الهاى-لاين لا يوجد بها فتحة سقف

E46 2002 - 2006 كلها فيها الفتيس الأستيبترونيك منذ البدايه و هتجد شكل الفانوس الأمامى فى ال E46 منذ عام 2002 - 2006 مختلف كلية فى شكله عن شكل الفانوس الأمامى فى ال E46 1999 - 2001 تمام لاحظ الصورتين بالأسفل بالتحديد فى الجزء السفلى من الفانوس و أنت هتقدر تفرق.

E46 2002 - 2006 Headlight


E46 1999 - 2001 Headlight


الأختلاف بين فئة الهاى-لاين و البيز-لاين كما ذكرت أولا إن الهاى-لاين بها فتحة سقف و البيز-لاين لا يوجد بها, شكل جنوط البيز-لاين مختلف عن شكل جنوط الهاى-لاين, لون فوانيس الأشاره الأماميه و الخلفيه مختلفه "لون فانوس الأشاره فقط و ليس الفانوس ككل إنما اللون ما بين أبيض و برتقالى اللون", داخليا شكل عجلة القياده المتعدده الأستخدامات فى الهاى لاين غير شكلها فى البيز لاين

E46 High-line Multifunction steering wheel


E46 Base-line Multifunction steering wheel


, طبعا الأختلافات بين البيز لاين و الهاى لاين كلها شكليه و يمكن تعديلها ما عدا طبعا جزء فتحة السقف الموجود فقط بفئة الهاى لاين

E46 2002 - 2003 سواء كانت بيز لاين أو هاى لاين بها نفس المرحك فى فئة ال 318 و هو ال N42B20 بقدرة 143 حصان

E46 2004 - 2005 سواء كانت بيز لاين أو هاى لاين بها نفس المرحك فى فئة ال 318 و هو ال N46B20 بقدرة 143 حصان

أنا طبعا مش عارف إذا كان المحرك الأول امتد فى مصر إلى عام 2004 بدل من 2003 لأننا بمصر و لأن اساس فى مصر ال E46 كان منها موديلات 2006

و عالعموم المحرك N42B20 و ال N46B20 الأثنين نفس الشكل و نفس الإمكانيات و بالتالى مش هيكون هناك فرق فى هذا الجزء

الجزء اللى حضرتك ذكرته بالأعلى فى موضوع إنى قولت لك ابعد عن كذا...

حضرتك فى صور الفوانيس التى ذكرتها لك بالأعلى تقدر منها تفرق بين شكل ال E46 1999 - 2001 و بين ال E46 2002 - 2006 تمام هذا من الشكل الظاهرى شىء بسيط للتفرقه بينهم. الجزء اللى أنت بتستفسر عليه هو إن فيه سيارات موديلات 2001 رخصت على إنها موديل 2002 لأن المالك ببساطه حجز فى التوكيل فى نهاية عام 2001 و استلم أول عام 2002 و بهذا رخصت السياره على إنها 2002 لكن متطابقة 100% فى كل شىء مع موديل 2001 داخيا و خارجيا و ميكانيكا فى كل شىء و بالتالى بتباع هذه السيارات على إنها موديل 2002 و لكنها 2001 بالفعل و بما إن ال E46 1999 - 2001 كلها لا توجد بها فتحة سقف من الأساس فهى بهذه الطريقه تتطابق مع فئة ال E46 2002 - 2006 [يز لاين فى إنها ايضا لا يوجد بها فتحة سقف و بالتالى الملاك بيبعوا مثل هذه السيارات اللى هى بالأساس تعتبر مويدل 2001 على إنها موديل 2002 و يطلقوا عليها إسم E46 2002 بيز لاين كلاسيك لكن لا يوجد شىء إسمه بيز لاين كلاسيك و عالعموم بعد شكل الفانوس الأمامى اللى ارسلته لك لتفرق من الخارج بين ال E46 1999 - 2001 و بين ال E46 2002 - 2006 هرسل لك صور المحرك الموجود فى كل فئه على حده

E46 1999 - 2001 engine


E46 2002 - 2006 engine



فى النهايه عاوز حضرتك تكون عارف إن ال E46 عامة هيكل الجسم فى الصناعه واحد

لو فيه اية استفسار تانى ارسل لى :)

[mohammadrashee]

العضو TheBuccaneer

وربنا انت استاذ وتستاهل الشكر

تصدق انا ممكن اجيب بي ام وانا مطمن طالما انت في المنتدي

بعد اذن صاحب الموضوع طبعا بس الرد عجبني اوي

[amr3elrouby]

بصراحه لو سألت خبير داخل مصنع بى ام مش هايجاوب بالشكل الاحترافى ده وربنا يذيدك علما وعلى العموم انا هافحصها مرة اخرى وهارد عليك

[amr3elrouby]

وبما انك خبير بى ام عايز اسألك عن واحد صاحبى معاه e39 1998 ولما غسل السياره فى لمبه نورت وهى لمبه شكل مثلث فى وسط التابلوه وخاصة بالتزحلق ولم تنطفى منذ شهر .....ماهى المشكله وما المطلوب عمله وما التكلفه لو اتصلحت فى الحرفيين مثلا وهل هناك خطوره من تركها مدة طويله .......جذاك الله خيرا وزادك علما

[WalidAdel]

معلومات قيمه جدا و شكرا للعضو TheBuccaneer
فعلا الواحد هايبقي مطمن ان في ناس خبره زي حضرتك في العربيه دي

[TheBuccaneer]

وبما انك خبير بى ام عايز اسألك عن واحد صاحبى معاه e39 1998 ولما غسل السياره فى لمبه نورت وهى لمبه شكل مثلث فى وسط التابلوه وخاصة بالتزحلق ولم تنطفى منذ شهر .....ماهى المشكله وما المطلوب عمله وما التكلفه لو اتصلحت فى الحرفيين مثلا وهل هناك خطوره من تركها مدة طويله .......جذاك الله خيرا وزادك علما

لو حضرتك بتقصد اللمبه الخاصه بمانع التزحلق ال ASC فالمشكله ممكن تكون فى وحدة "الأيه بى إس" و "الأيه إس سيه"



حلها إنه بيروح و يضع السياره على الجهاز و يبدأ الجهاز بقراءة الأخطاء التى تم تخزينها فى الذاكره الخاصه بتخزين الأخطاء الموجوده بالسياره و بعدها هو بنفسه صاحب جهاز الكمبيوتر بيقول لك بعد الكشف العيب من ايه و إن لم يكن العيب فى الوحده نفسها بيعالج لك المشكله إن كانت بالوحده نفسها هتضطر أسفا تغير الوحده و ليس لدى علم بسعر هذه الوحده استيراد لفئة ال E39 و الفئه الخامسه بشكل عام

كشف الكمبيوتر ب 50 جنيه, و على حسب العيب لو كانت الوحده سليمه و لكن حدث بعض الخلل البسيط فيها و يمكن معالجته عن طريق جهاز الكمبيوتر هتعرف العيب و تكلفة إصلاحه. لو إن العيب فى الوحده كلها هتضطر تغيرها.

أنا كانت لدى مشكله ب لمبة الأيه بى إس و كشفت على السياره اكثر من 4 مرات و كل مره كان بيقال لى الوحده الخاصه بالأيه بى إس كلها تحتاج تغيير و احضرت كذا وحده و وضعت بهم فيشة الكهرباء و مع الأسف اللمبه كانت مازالت تعمل وربنا كرمنى و ذهبت لكهربائى معروف فى الحرفيين و من متخصصين كهرباء البى إم دبليو فقط دفعت له 100 جنيه و ضبط لى العطل عن طريق الكمبيوتر بعد ما غلبت و اسمه الكهربائى "عادل منصوره"

[sheko_2000eg]

</B>TheBuccaneer
انت مجرم بي ام
فعلاً انا متابع الموضيع كلها بتاعتك مشاء الله عليك فاهم و مركز
و موضوعي جدا
ان شاء الله كله في ميزان حسناتك