ياريت المساعده من ذوى الخبره بخصوص z3

[hanen15]

الموضوع يجماعه باختصار :

قدامى عربيه z3 بحاله نادره فعلا موديل 97 والعربيه بحاجتها الاصليه

بمعنى المكنه الاصليه 2000 سىسى وحالتها بالفعل نادره

السقف تمام والصالون جديد فعلا

مطلوب فيها 120000

طيب دلوقتى انا راكب هيونداى كوبيه2005 ومش بعانى منها خالص لانها حاله زيرو

يترى لو غيرت هندم لان فى فرق موديل 97 ........2005 ولا ؟؟؟؟؟؟؟؟؟

طيب لو العربيه نادره فى الحاله فعلا يترى السعر مناسب

وقطع غيارها الخاصه بالعفشه سعرها ايه ومناسبه

ياريت الافاده يجماعه الخير

[fahd_628]

اتأكد انها كابريولية على الرخصة و اتأكد من رقم الشاسية

هات اخر 7 ارقام فى الشاسية و انا اقولك الرقم متغير ولا اية !

بالنسبة لقطع الغيار فا انت هتدوخ على الفوانيس و الحاجات دية و لكن المكنة نفس ال e36

معرفش الصراحة العفشة اية الكلام

[TheBuccaneer]

و لو حضرتك معك هيواندى سوناتا موديل 2011 فق الكورى و اليابانى من الألمانى فرق كبير جدا طبعا. ال Z3 فعلا مش كثيره و ال Z بشكل عام مش كثير لأنه كوبيه-كابروليه مقعدين فقط بالنسبه لقطع الغيار ليس لدى فكره بأسعار قطع غيار ال Z و هل العفشه نفس عفشة ال E36 و لا مختلفه لأنى عن جد لست مهتم بفئة ال Z مش لأنها لا تعجبنى لكن لأنها لا تناسب احتياجى و أن من رأيى الشخصى مبلغ ال 120000 جنيه إذا كنت تدقعه فى ال Z3 أنت قتدر تشترى به عدة موديلات E36 325/328 كوبيه موديل 1997 - 1998 مضبوطه إلى شكل ال M3 من الخارج و هذه هتكلفك فقط بالكثير جدا لو إن السياره حاله بمعنى الكلمه 90000 جنيه للكوبيه و تقدر تشترى نفس الفئه كابروليه سليمه "لأن كثير من الكابروليه نصفين و ملحوم" بدلية من 10000 - 120000 جنيه على حسب حالية السياره و أيضا هتجدها مضبوطه إلى شكل ال M3 من الخارج, أو تشترى E36 316 عاديه جدا موديل 1997 - 1998 تكون حالة الميكانيكا ضايعه و هذه هتكلف 70000 جنيه مثلا و تشترى نظما ميكانيكا M3 ب 35000 جنيه بمحرك S50B32 321HP و تركبه و على فكره ال M3 أولا قليل جدا ثانيا بيفرق معك سعر بطريقه فظيعه يعنى أنا كان أمامى واحده جميله موديل 1998 و كان مطلوب فيها 150000 جنيه و بقية المبلغ تشترى اكسسوارات الأم و تركبها على السياره و هذه افضل من وجهة نظرى الشخصيه من البى أم دبليو الجديد فى الفئه الثالثه, E46 موديلات 1999 - 2002 و هنا هرشح لك موديل 2002 لأن محركها أفضل من موديلات السنوات السابقه فموديلات السنوات السابقه بقدرة 118 حصان بينما موديل 2002 بمحرك بقدرة 143 حصان. و أسعار E46 1999 ب 90000 - 95000 جنيه إن كانت حاله جيده, موديل 2000 و هذه فيها فئتين فئه بفتيس اتوماتيك بيقولوا عليه "الفتيس القديم" و هى نفس الموجود بموديل 1999 كلها و فئه فى أخر عام 2000 بالفتيس الأستيبترونيك و هو الفتيس الموجود إلى وقتنا هذا بال 318 يعنى هتجده فى موديل ال 2001 و ال 2002 و أنا من رأيى الشخصى إذا حضرتك معك ال 115000 - 120000 جنيه تشترى E46 موديل 2002 أولويه ثم 2001 شكلها جميل جدا, و إمكانيات ممتازه خصوصا فى موديل 2002 فيها إمكانيات إضافيه عن ال 1999 - 2001 كمثبت السرعه وعجلة القياده المتعددة الأستخدامات و إمكانيه وجود فتحة السقف فى فئه ال 318 2002 هاى لاين. لأن ال E46 منذ عام 2002 بها فئتين فئة الهاى لاين و فئة البيز لاين و الفرق الشاس بينهم هو وجود فتحة السقف فى فئة الهاى لاين و عدم و جودها فى فئة البيز لاين لأن بقية الإمكانيات بين الفئتين واحده و الأختلافات كلها اختلافات شكليه يمكن تعديلها بدون أدنى مشكله على الأطلاق كشكل الجنوط, و شكل الفوانيس تحديد لون فانوس الأشاره الأمامى و الخلفى, شكل عجاة القياده المتعددة الأستخدامات ليس إلا و بهذه الطريقه أنت لن تبعد كثيرا عن موديل السياره اللى معك ثانيا و الله ال E46 2002 لا تقارن بأية سياره كورى أو يابانى حتى موديلات 2011 لا تفكر فى هيواندى ألنترا و لا سوناتا و لا كيا و لا شيفروليه و لا تويوتا و لا لانسر لأنها تفوقهم إمكانيات بمراحل و هذا بخلاف الثبات اللى فى البى إم عامه لا تقارنه بسيارات كورى او يابانى. هذا و إن معك مبلغ تضبط شكل السياره ال M3 من الخارج تشترى الأكصدامات و الهوايات و العتب و الباكتات الجانبيه و شكلها هيتحول إلى تحفه فنيسه أفضل شكلا حتى من الجديد حضرتك ببساطه و جه صفحة المتصفح لديك إلى جوجل و اختار فئة البحث إلى الصور و اكتب BMW E46 و ال BMW E46 M3 و BMW E46 interior و BMW E46 M3 interior وقل لى رأيك ايه و إن اقتعنت بكلامى هشرح لك اكثر الفروق فى ال E46 بنفصيل اكثر من هذا.

ملحوظه: يجب أن تعرف إن مصروف البى إم دبليو يختلف كلية عن مصروف الكورى و اليابانى بالتحديد فى فئة ال E46 لأن أسعار قطع الغيار بعضها بيكون مرتفع السعر

[hanen15]

متشكر يجماعه بجد وعموما لو هغير فكرت شرائها سوف اوفيكم

[أبو إياد]

طبعا العربيه غاليه جدا جدا جدا ومافيش فيها كماليات
الكلام ده لو العربيه الحمرا اللى عند منيب لانها الوحيده اللى بالسعر ده
ازاى تركب عربيه بدون كماليات و 2 كرسى بالسعر ده

وعموما بالنسبه لقع غيارها مش هاتكون مشكله لانى اعرف واحد جايب منها انصاص وبيبع فى قطع غيارها بس سعرها اوفر