الساوند الخاص بالعربية.

[MohamedGafar]

السادة الزملاء.. صباح الخير

كنت من فترة ملاحظ إن الساوند الأوريجينال اللي راكب فى العربية أدواءه أقل من المتوسط ، خاصة إني كنت مركب ساوند كامل فى العربية اللى قبلها (سماعات وأمبيليفاير وصب...إلخ)

كنت عايز أسأل.. هل فيه سماعات نفس مقاس سماعات العربية وأدائها أقوي بحيث إني ماألعبش فى العربية... وهل ممكن يركب أمبليفاير عليهم من غير ماألعب برضه فى الكهرباء؟

لو فيه ... منين وبكام؟

تحياتي وألف شكر.

[minicooper20]

ممكن تسال فى قسم الصوتيات
بس اعتقد انك ممكن تجيب من بره السمعات البتركب فى البيبان و بتكون اقوى

[farahat]

محمد باشا
الخبر السعيد إن فيه سماعات وأمبليفير مخصوص للعربية ال-e90 ، ومن غير تعديل خالص ، أو تعديل بسيط جداً (تغيير مسمار أو إضافة وردة أو حاجات كدة )،
الخبر إلي مش سعيد بقى إن الاسعار مش رخيصة خالص، السماعة إلي تحت الكرسي بتعمل حوالي 180 دولار (يعني حوالي 1500 جنيه بالشحن و الجمارك )، وسماعات الابواب والرف الخلفي في حدود من 45 إلى 90 دولار الطقم (يعني ما بين 400 إلى 800 جنيه مصري ).
الأمبليفير بقى بيبتدي من 300 دولار إلى 600 على حسب البور وحسب كم شانل وكدة



لو بعد إلي سمعته دة كله حابب تكمل في الموضوع ممكن أدلك إيه الانواع والماركات وتجبها منين:)

[MohamedGafar]

محمد باشا
الخبر السعيد إن فيه سماعات وأمبليفير مخصوص للعربية ال-e90 ، ومن غير تعديل خالص ، أو تعديل بسيط جداً (تغيير مسمار أو إضافة وردة أو حاجات كدة )،
الخبر إلي مش سعيد بقى إن الاسعار مش رخيصة خالص، السماعة إلي تحت الكرسي بتعمل حوالي 180 دولار (يعني حوالي 1500 جنيه بالشحن و الجمارك )، وسماعات الابواب والرف الخلفي في حدود من 45 إلى 90 دولار الطقم (يعني ما بين 400 إلى 800 جنيه مصري ).
الأمبليفير بقى بيبتدي من 300 دولار إلى 600 على حسب البور وحسب كم شانل وكدة



لو بعد إلي سمعته دة كله حابب تكمل في الموضوع ممكن أدلك إيه الانواع والماركات وتجبها منين:)

فرحات باشا مساء الجماااااااااال........

والله أنا صرفت نظر بعد اللى سمعته منك!!!!!!!!! كتر ألف خيرك والله....

إلا بصحيح ... هو أنا عندي سماعة تحت الكرسي؟؟؟؟؟

تحياتي.

[farahat]

مساء الفل عليك يا باشا
إنت صرفت نظر وأنا صرفت إلي في جيبي ولسة مكملتش السيستم :) ، متهيألي إنت الكسبان :))


المفروض عندك سماعتين واحدة تحت كل كرسي ، دول عشان البيز (صبووفر بس للأسف كفاءته مش قد كدة عشان كدة الناس بتغيره بواحد نفس المقاس لكن أقوى كتير ).

[MohamedGafar]

مساء الفل عليك يا باشا
إنت صرفت نظر وأنا صرفت إلي في جيبي ولسة مكملتش السيستم :) ، متهيألي إنت الكسبان :))


المفروض عندك سماعتين واحدة تحت كل كرسي ، دول عشان البيز (صبووفر بس للأسف كفاءته مش قد كدة عشان كدة الناس بتغيره بواحد نفس المقاس لكن أقوى كتير ).

طب مفيش حاجة فى (القريب) يعني السماعات بالصب فى حدود 2000 جنيه مثلا؟

تحياتي.

[farahat]

كل حاجة ممكن طبعاً لكن مش هيكون حل plug and play ، الاسعار إلي بقلك عليها دي بتاعت حاجات نفس مقاسات وتوصيلات إلي في العربية بالظبط .
المشكلة في المقاس، عشان السماعات إلي في العربية مقاساتها مخصوصة (العمق بتاعها أصغر عشان تتحشر في الابواب وتحت الكرسي بدون ما تكون بارزة ) ، وعشان كدة اسعارها عالية .
لكن لو عايز حاجة في المعقول فممكن تجيب أمبليفير عادي مع صب وتحطه في الشنطة مع تغيير السماعتين إلي في الابواب الأمامية فقط بحاجة plug and play ، وكدة تبقى عملت حاجة وسط وتعديل بسيط فقط في التوصيلات

[MohamedGafar]

كل حاجة ممكن طبعاً لكن مش هيكون حل plug and play ، الاسعار إلي بقلك عليها دي بتاعت حاجات نفس مقاسات وتوصيلات إلي في العربية بالظبط .
المشكلة في المقاس، عشان السماعات إلي في العربية مقاساتها مخصوصة (العمق بتاعها أصغر عشان تتحشر في الابواب وتحت الكرسي بدون ما تكون بارزة ) ، وعشان كدة اسعارها عالية .
لكن لو عايز حاجة في المعقول فممكن تجيب أمبليفير عادي مع صب وتحطه في الشنطة مع تغيير السماعتين إلي في الابواب الأمامية فقط بحاجة plug and play ، وكدة تبقى عملت حاجة وسط وتعديل بسيط فقط في التوصيلات

ولاد الذينة عاملين كل حاجة مقاساتها مخصوص للعربية! مش ممكن! يعني الطقم كله يتكلف كام في رأيك؟ 3500 جنيه بالتركيب؟ وفين؟ عشان انا مش عايز العب فى العربية.

تحياتي.

[farahat]

شوف يا باشا ، أنا شايف انك ممكن تجيب طقم سماعات أبواب أمامية مظبوط ، ودة هيعمل في حدود 800 جنيه مثلاً (أكتر أو أقل حسب الماركة والموديل وكدة )
وتجيب صب خارجي في الشنطة بالصندوق ، ودة ممكن من مصر يعمل في حدود 600 - 700 مثلاً لو حاجة معقولة .

وتجيب بعد كدة أمبليفير خارجي ودة من أول 1000 وإنت طالع، يبقى السيستم المعقول يبدأ من 2500 جنيه

[fahd_628]

ادخل هنا

BMW Audio, BMW iPod, Speakers, Subwoofers, & more | BSW: Bavarian Soundwerks

كل الحاجات دية Plug & play ! يعنى مش حتعدل حاجة خالص غير تفك السماعات و تحط السماعات

[sheko_2000eg]

إلا بصحيح ... هو أنا عندي سماعة تحت الكرسي؟؟؟؟؟

تحياتي.

ههههههههههههههههههههههههههههههههههههههههه
هموت من الضحك جامدة القفشة ديه

[farahat]

ادخل هنا

BMW Audio, BMW iPod, Speakers, Subwoofers, & more | BSW: Bavarian Soundwerks

كل الحاجات دية Plug & play ! يعنى مش حتعدل حاجة خالص غير تفك السماعات و تحط السماعات

فهد باشا ، Bavarian SoundWerks معروفين جداً ، وكل شغلهم على BMW وبس في أمريكا ، لكن حاجتهم بتكون عالياه جداً مقارنةً بالماركات التانية ، عشان هما بيعملوا الحاجة تفصيل لل-BMW بالمللي ، يعني بيستنو لما الموديل ينزل وبعدين يخدوا عربية ويقعدوا يقيسوا كل المقاسات ويشوفو تكوين الصالون وتردد الصوت فيه و العزل في كل المناطق داخل الصالون و كل العوامل المؤثرة في جودة الصوت ، وبعدين يعملوا نظام مخصوص للصالون دة .
بس للأسف الكلام دة مكلف جداً ومش أي حد بيركب الأنظمة دي

[MohamedGafar]

فهد باشا ، bavarian soundwerks معروفين جداً ، وكل شغلهم على bmw وبس في أمريكا ، لكن حاجتهم بتكون عالياه جداً مقارنةً بالماركات التانية ، عشان هما بيعملوا الحاجة تفصيل لل-bmw بالمللي ، يعني بيستنو لما الموديل ينزل وبعدين يخدوا عربية ويقعدوا يقيسوا كل المقاسات ويشوفو تكوين الصالون وتردد الصوت فيه و العزل في كل المناطق داخل الصالون و كل العوامل المؤثرة في جودة الصوت ، وبعدين يعملوا نظام مخصوص للصالون دة .
بس للأسف الكلام دة مكلف جداً ومش أي حد بيركب الأنظمة دي

أسعااااااااااااااااار (مرعبة) يا فهد!!!!!!!!!!!

تحياتي.