الفتيس الفراشة

[demo0900]

هو اية الفتيس دة انا سمعت عنة بس معرفش بتاع اية
و انا معروض عليا بي ام 316 92 بي69 الف جنية
كاملة فتحة سقف و كل حاجة و فيها الفتيس دة و انا كنت بفكر اخدها و اسقط لها موتور و اغير كل حاجة بس تكون فابريكة اية رايكم

[sheko_2000eg]

انا معرفش فتيس الفراشة ده ايه بصراحة
لكن الدبانة لو موديل 92 مهما كانت حلتها سعرها ميزيدش عن 57 الف و طبعاً حسب الحالة
من كلامك انك هتصرف يباه العربية غالية جداً

[fahd_628]

اول مرة اسمع عن الفتيس دة

تقريبا مفيش حاجة اسمها كدة

[Mik_t4]

شكلة بيشتغلك ياريس وبعدين دا سعر عربية 96 وفابريكا

[demo0900]

يعني مافيش حاجة اسمها الفتيس الفراشة
بوصوا انا كدة كدة لو جبت اي بي ام هاسقط لها و اظبطها اخر حاجة و كل حاجة انشاء اللة تعديل فبريكا
مش هاتفرق بقا اي موديل من الدبانة صح يعني لو جبت 92 و عملت فيها حاجات و جبت 96 و عملت فيها نفس الحاجات هاتبقي واحدة مظبوط يريت تفيدوني
شكرااا

[Mik_t4]

تفرق كتير يا بااشا اولا من السعر والحالة وكلة
متبصش للشكل خالص
العربية ممكن تكون شكلها حلو ومتبهدلة وتلبسها انت وممكن تكون شكلها معفن وعربية زي الحديد وتتظبط تبق جميلة
انت بالسعر الي هو قايلهولك دا تجيب 96 انا بقولك كدا مش عشان الي معروضة وحشة بقولك كدا عشان سعرها غالي وبعدين هات 92 رخيصة وسقط موتور 97 ياسيدي وشدها براحتك لكن تشتري واحدة قديمة بسعر واحدة احدث وامكانياتها اعلي وبعدين ترجع تصرف عليها تاني؟؟؟؟

[loserdavie]

يعني مافيش حاجة اسمها الفتيس الفراشة
بوصوا انا كدة كدة لو جبت اي بي ام هاسقط لها و اظبطها اخر حاجة و كل حاجة إن شاء الله تعديل فبريكا
مش هاتفرق بقا اي موديل من الدبانة صح يعني لو جبت 92 و عملت فيها حاجات و جبت 96 و عملت فيها نفس الحاجات هاتبقي واحدة مظبوط يريت تفيدوني
شكرااا

على العموم انا عارف عربية الى بتكلم عليها على موقع contact العربية ديه مو 92 يعنى الموتور m40b16 يعنى موتور مقرف سير الكاتينة كاونش وعلى العموم ال بى ام مفيهاش حاجة اسمها حظبطها وجبلها موتور علشان تجيب موتور وفتيسوودفيرة انت دخلت فى 10000 جم لوهتجيب بى ام هات من 95 وانت طالع الموتور الى فيها بيبقى الكود بتاعه m43b16

[loserdavie]

لو عايز bmw اطلع على جمارك القاهرة فى 2 دبانة واحدة 95 وواحدة 98 حكاية واعرف المزاد امتى انا كنت داخل بس لما عرفت انهم اوتوماتيك بعدت وعلى فكرة 95 مححطولها سعر خيالى و اى خدمة

[demo0900]

على العموم انا عارف عربية الى بتكلم عليها على موقع contact العربية ديه مو 92 يعنى الموتور m40b16 يعنى موتور مقرف سير الكاتينة كاونش وعلى العموم ال بى ام مفيهاش حاجة اسمها حظبطها وجبلها موتور علشان تجيب موتور وفتيسوودفيرة انت دخلت فى 10000 جم لوهتجيب بى ام هات من 95 وانت طالع الموتور الى فيها بيبقى الكود بتاعه m43b16

اللة ينور عليك
و اية المزاد اللي انت بتقول علية دة

[demo0900]

و فين جمارك القاهرة دية

[Mik_t4]

المشكلة في المزادات دي انك بتدفع فلوس ويا صابت يا خابت
تامين 5000 وكراسة الشروط 200 جنية وممكن في الاخر متاخدش العربية

[loserdavie]

و فين جمارك القاهرة دية

بص ياباشا فى المطار عادى اسال وحتوصل المزاد على ما اعتقد يوم الاربعاء لازم تدفع 5000 جم علشان تدخل المزاد ولو العربية بقيت من نصيبك 5000 بيتخصموا من سعر العربية وبتدفع 30 % من سعر العربية والباقى بعد اسبوعين ساعة التسليم ولو مش نصيبك بتاخد الفلوس تانى عادى روح بص على العربية الاول ولو عجبتك ابقى ادخل المزاد بص على فكرة او ممكن تروح بكره تتستفسر عن الخطوات وتسال على المزاد الى بعده امتى ومتقلقش ال بى ام مبتباعش على طول فى المزاد

[BMW5260]

روح بص ومش هاتخسر حاجة لكن ما تتسرعش

[loserdavie]

روح بص ومش هاتخسر حاجة لكن ما تتسرعش

بالضبط اوعى تتسرع وخد معاك حد بيفهم مع العلم انك مبتدورش العربية انت بتتفرج عايها من بره بس بص الموضوع ان العربيتان دول بالذات لقطة بشهادة واحد صاحبى شغال فى الجمارك هناك وهو الى بياعين العربيات كمان ومفيهمش الهوى وخليك فى 95 علشان 98 3000cc ام باور مش هتنفعك ولو حد عايز e90 فى واحده سعرها خيالى

[demo0900]

انا متشكر لجميع الاعضاء علي الافادة