تقييم 316 أوتوماتيك

[Astra200]

ما هو تقييم 316 اتوماتيك ؟
نعومة و سحب الموتور
والحالة العامة

[tony]

كويسة جدا انا معايا واحدة بس المهم انك تهتم بيها انا مش سايب فيها حاجة اول لما اسمع اى صوت بجرى بيها على مركز الصيانة (صون العربية تصونك)
خلى بالك انت كمان معاك زرار سبورت جمب الفتيس ممكن تشغلة لو انت بتشد مع عربية تانى والزرار دة بيزود قيمة الحرق على الغيار وانا بصراحة مش جربتة غير مرة واحدة ومش عايز اقلك اللى كان بيشد معايا حصل فية اية

[fahd_628]

انت بتتكلم على موديل كام

بس علشان ابقى حقانى ال BMW ال 316i مش سريعة اوى من اول ال E30 لغاية ال E90 !

ال BMW فى رأى تتركب من اول 320 و طالع

فى القديم الموتور ال 6 سلندر فرق شااااااااااااااسع عن الموتور ال 4 سلندر

انا عربيتى 1600 و ركبت عربية E36 برضة بس 328

بجد فرق السما و الأرض فى النعومة و صوت الموتور و الجرى طبعا فرق رهيييييييييييييييب !!!

[sheko_2000eg]

الموديل كام ؟
او ايه ؟

[Ahmed.Fahmy]

متابع باهتمام

[Astra200]

شاكر لكل من تكرم بالرد

أنا بتكلم عن ال 316 2011
وهل تستاهل تمنها (زيرو) والا خلليني في الفانتازيا
طبعا حضحي بالوسع والأرتفاع وشوية كماليات

[Astra200]

علي فكرة انا مش خبرة خالص بال bmw فاللي حيشرح ياخد باله و يشرح براحه

[Astra200]

انا ماجربتهاش --- بس حاسس ان القعدة واطية حاسس اني قاعد علي الأرض -- انا جربت قاعدة الستروين c5 -- الكرسي مالوش حل والأرتفاع ممتاز


فهل هي مريحة في المشاوير --- طبعا انتوا عرفين ان أقل مشوار بنعمله بيقي ساعة ونص

هل هي ناعمة ؟ أخبار العزل ؟ اخبارها في المطبات ايه ؟ هل متوقع سعرها ينزل علشان الشكل الجديد ؟

[TheBuccaneer]

انا ماجربتهاش --- بس حاسس ان القعدة واطية حاسس اني قاعد علي الأرض -- انا جربت قاعدة الستروين c5 -- الكرسي مالوش حل والأرتفاع ممتاز


فهل هي مريحة في المشاوير --- طبعا انتوا عرفين ان أقل مشوار بنعمله بيقي ساعة ونص

هل هي ناعمة ؟ أخبار العزل ؟ اخبارها في المطبات ايه ؟ هل متوقع سعرها ينزل علشان الشكل الجديد ؟

السياره جميله لكن انتظر لأن موديلات ال 2012 هتكون أفضل و هينزل معها سعر موديلات ال 2011 أنا كلامى عن الفئه الثالثه الجديده f30 هتكون أفضل من جهة المحرك و قوته و كماليات السياره هذا أولا ثانيا لو حضرتك اشتريت بعد نزول الشكل الجديد بكل هذه الإمكانيات هتخسر مبلغ و قدره فى ثمن سيارتك فى سعرها السوقى تمام. انتظر نزول الموديلات الجديده...

[fahd_628]

انظر الموديل الجديد

المفروض حينزل قريب

[Astra200]

السياره جميله لكن انتظر لأن موديلات ال 2012 هتكون أفضل و هينزل معها سعر موديلات ال 2011 أنا كلامى عن الفئه الثالثه الجديده f30 هتكون أفضل من جهة المحرك و قوته و كماليات السياره هذا أولا ثانيا لو حضرتك اشتريت بعد نزول الشكل الجديد بكل هذه الإمكانيات هتخسر مبلغ و قدره فى ثمن سيارتك فى سعرها السوقى تمام. انتظر نزول الموديلات الجديده...

خايف الدولار يتزحلق وفي الأخر أجيب اوكتافيا بتمن ال bm

والشكل الجديد تمنه أكيد حيبقي اكـتر

[som3aa]

خايف الدولار يتزحلق وفي الأخر أجيب اوكتافيا بتمن ال bm

والشكل الجديد تمنه أكيد حيبقي اكـتر

متقلقش مش هيتغير كتير الا لو البلد انهارت و عموما خلى تمنها معاك دولارات

بالنسبة لل316 او الفانتازيا اعتقد ال316 هتبقى احسن فى السحب من الفانتازيا , الفانتازيا سحبتها تقيلة اوى
الفرق كبير فى الامكانيات بس , يعنى فى التمن حوالى 30 الف جنية و الامكانيات اقل بكتير اوى فى الbmw , لو مش فارق معاك فرق الامكانيات و السعر يبقى هات الbmw

[Astra200]

متقلقش مش هيتغير كتير الا لو البلد انهارت و عموما خلى تمنها معاك دولارات

بالنسبة لل316 او الفانتازيا اعتقد ال316 هتبقى احسن فى السحب من الفانتازيا , الفانتازيا سحبتها تقيلة اوى
الفرق كبير فى الامكانيات بس , يعنى فى التمن حوالى 30 الف جنية و الامكانيات اقل بكتير اوى فى الbmw , لو مش فارق معاك فرق الامكانيات و السعر يبقى هات الbmw

هو الفرق في السعر كبير 65 الف
الأوكتافيا 175 وال بي أم 240

علي فكرة جربتها النهاردة -- هي أضيق من الأوكتافيا -- ومش حاسس بفرق في السحب (يمكن علشان انا مش بشد أقوي ) -- وكل حركة في الأرض بتسمع في الدركسيون عكس الأوكتافيا


علي فكرة انا جربت برضه الستروين سي 5 -- طبعا قعدتها أحسن بكتير وواسعة -- بس خايف منها

[Ahmed.Fahmy]

i don't feel like cetroen
سعرها بيروح + تكنولوجيا جدا و ماتنفعش فى مصر + لما يعدى عليها سنيييييييييين بردو ماحدش بيفهم فيها حاجة

[Mohab.Nabil]

i don't feel like cetroen
سعرها بيروح + تكنولوجيا جدا و ماتنفعش فى مصر + لما يعدى عليها سنيييييييييين بردو ماحدش بيفهم فيها حاجة

يا باشا البى ام فعلا عربية محترمة جدا و دا مفيش عليه كلام

بس لما نقارن بى ام 316 بـ ستروين c5

انا شايف الستروين تكسب و عن جدارة كمان

الستروين سعرها ارخص + اوسع + شكلها احلى و افخم + اوبشنز اعلى

و بالنسبة ان سعرها بيروح فأعتقادى الشخصى ان لو العربية مريحة و ماسكة نفسها مفروض تعيش فترة كبيرة و بعد الفترة ديه كده كده مش هيفرق موضوع اعادة البيع عشان البى ام برضه سعرها بينزل مش بتمسك سعرها اوى

بالنسبة للتكنولوجيا فده مش عيب .. مفروض ديه ميزة مش عارف الناس ليه بتعتبر التكنولوجيا عيب و بعدين احنا بنتكلم فى عربيات بربع مليون يعنى الصيانة ان شاء الله هتبقى توكيل و اكيد اسعار قطع غيار البى ام مش رخيصة برضه ..

و بعدين فيه ناس بتفهم فى الستروين عادى بره التوكيل ..

بصراحة ياا باشا انا شايف الستروين c5 تستحق سعرها و عن جدارة و هتبقى راكب حاجة محترمة جدا و بالتوفيق ان شاء الله