محتاج راي محترفين تظبيط البي ام هنا يارجاله

[ahmedassaf]

بفكر اشتري عربيه 316 e36 تكون رخيصه بس البادي سليم ومش مهم الموديل
واسقطلها موتور كويس وفتيس كويس واقلبها m3 من بره اكصدامات واعتاب وجنوط وخلافه
وممكن اغير التابلوه مثلا عشان الشكل الداخلي وفرش جلد معقول
وزينون سعره في الحنين برضه
باختصار عاوزة اعمل عربيه شكلها شاذ واكون ضامن حالتها وسعرها معقول
تفتكرو الفيلم ده يكلف كام ؟؟ انا معايا 70 الف ينفعو ولا قليلين؟
وازاي بقى يامعلمين اعمل الموضوع ده؟
وايه الحاجات اللي ححتاجها؟ ومنين ؟وسعرها كام؟؟؟؟
معلش سؤال تقيل شويه بس انتو واضح ان في هنا ناس محترفين فعلا في المواضيع دي وانا بصراحه جديد على البي ام

[demo0900]

متابعععععععععععععععععععععع

[Mik_t4]

اظن هتحتاج تزود شوية بس استني الناس الي عدلت ام قبل كدا وشوف هيقولوك اية

[sheko_2000eg]

1- تدور علي موديل 97 و لا تشترط الحالة .
2- اعمل حسابك ان تمن العربية مش هيقل عن 53 الف (لضمان انها فبريكة جوة ).
3- تعديل الشكل الخارجي للدبانة لتحويلها الي M كالاتي :
- تعديل الشكل الخارجي و الاستعدال و رش كامل خارجي (2500)
- اكصدامات في حدود (2000 ) ممكن فيبير يعمل 1000
- عتب خارجي ( 1500 ) ممكن فيبر يعمل 1000
- اسبويلر (1500) ممكن فيبر يعمل 500
- جنوط M في حدود (4000) + كاوتش (2000)
- تعديل الفوانيس الامامية (1500) ممكن صيني ب 1000
- تعديل الفوانيس الخلفية (750)
- تعديل الفريمات و الاوكر الخارجية (750 )
4- تعديل الدبانة الي M داخلياً كالاتي :
- صالون ال M في حدود (2500)
- طابلوة ال M في حدود (750 )
- عتب داخلي MPower في حدود (250)
- تكيف ياباني في حدود (3500)
- فرش ارضيات و سقف (700 )
- فرش ابواب و اوكر داخلية (1500)
5- عدة شكمان رياضية كاملة من عاند الفرن 1000
6- ماتور : MPower 2500 في حدود 30000 /
او E46 2500 في حدود 12000 /
او E36 2500 في حدود 8000
7- عافشة M كاملة 7500
8- عدة ساوند كاسيت- سماعات- زيروباور- جي ام- بازوكا 5000
9- جي بي اس 750

جميع الاسعار دي شاملة التركيب .
بعد الجمع يا معلم هيطلع الرقم ده

97450 بالماتور E36
لكن في حاجات ممكن تستغني عنها او متعملهاش علي طول زي :
الطابلوة – الجنوط - الشكمان - الساوند - يعني شوف باه انت شيل الكملايات و احسب تاني .

اي سؤال تاني انا في الخدمة

[Mik_t4]

اشطة يا شيكو انت عرفت كل دا منين انت قلبتها ام من ورايا؟

[ahmedassaf]

ياخبر ابيض ياشيكو!!!!!!!!!
ماشاء الله عليك دانت موسوعة يابني
ربنا يكرمك المعلومات دي حتفيدني جدا شكرا يامعلم

[sheko_2000eg]

و الله يا جماعة اصل انا بقلب عربيتي m
فدي خبرتي في التدوير و والفحص و التفحيص مع العلم ان
بدور لل e30 لل e36
عشام ناوي لو بعت عربيتي اجيب ال e36 ان شاء الله
فعشان متعبش نفسي تاني بقيت اسال لل 2
و اي خدمة يا رجالة

[ahmedassaf]

طب مافيش عندك حل لموضوع تقل دركسيون ال e36
بصراحه سقتها لقيتها متعبه وتقيله
ايه الحل؟

[minicooper20]

موضوعشيق متابع

[sheko_2000eg]

طب مافيش عندك حل لموضوع تقل دركسيون ال e36
بصراحه سقتها لقيتها متعبه وتقيله
ايه الحل؟

من الاخر العربية ديه عايزة :
1- علبة دركسيون : 2500 ج
2- طرمبة باور 500 ج(استيراد)
3- طارة مومو اصلي (1200 )
4- زور طارة سبور (500 ) بي ام اصلي

خالي بالك يهتغير علبة الدركسيون يا طرمبة الباور لكن معتقدش الاتنين

[Mik_t4]

بقيت خبير اهو ياشيكو
بس انا عايز اشوف صور عربيتك بعد مابقت ام ياريس

[TheBuccaneer]

1- تدور علي موديل 97 و لا تشترط الحالة .
2- اعمل حسابك ان تمن العربية مش هيقل عن 53 الف (لضمان انها فبريكة جوة ).
3- تعديل الشكل الخارجي للدبانة لتحويلها الي M كالاتي :
- تعديل الشكل الخارجي و الاستعدال و رش كامل خارجي (2500)
- اكصدامات في حدود (2000 ) ممكن فيبير يعمل 1000
- عتب خارجي ( 1500 ) ممكن فيبر يعمل 1000
- اسبويلر (1500) ممكن فيبر يعمل 500
- جنوط M في حدود (4000) + كاوتش (2000)
- تعديل الفوانيس الامامية (1500) ممكن صيني ب 1000
- تعديل الفوانيس الخلفية (750)
- تعديل الفريمات و الاوكر الخارجية (750 )
4- تعديل الدبانة الي M داخلياً كالاتي :
- صالون ال M في حدود (2500)
- طابلوة ال M في حدود (750 )
- عتب داخلي MPower في حدود (250)
- تكيف ياباني في حدود (3500)
- فرش ارضيات و سقف (700 )
- فرش ابواب و اوكر داخلية (1500)
5- عدة شكمان رياضية كاملة من عاند الفرن 1000
6- ماتور : MPower 2500 في حدود 30000 /
او E46 2500 في حدود 12000 /
او E36 2500 في حدود 8000
7- عافشة M كاملة 7500
8- عدة ساوند كاسيت- سماعات- زيروباور- جي ام- بازوكا 5000
9- جي بي اس 750

جميع الاسعار دي شاملة التركيب .
بعد الجمع يا معلم هيطلع الرقم ده

97450 بالماتور E36
لكن في حاجات ممكن تستغني عنها او متعملهاش علي طول زي :
الطابلوة – الجنوط - الشكمان - الساوند - يعني شوف باه انت شيل الكملايات و احسب تاني .

اي سؤال تاني انا في الخدمة

مع احترامى ل حضرتك أسعار مبالغ فيها جدا و غير صحيحه.

اكصدام E36 M3 أمامى ب 1500 جنيه (أصلى) - فايبر جلاس ب 600 جنيه
اكصدام E36 M3 خلفى ب 1500 جنيه (أصلى) - فايبر جلاس ب 600 جنيه
باكتات E36 M3 جانبيه ب 1000 جنيه
عتب E36 M3 جانبى ب 1000 - 1500 جنيه (أصلى)

محرك ال E36 M3 عن حضرتك فئتين فئة ال E36 M3 3.0 و فئة ال E36 M3 3.2 تمام الأولى بمحرك S50B30 و الثانيه بمحرك S50B32

S50B30 1992 - 1995


E36 M3 Saloons "Sedan" 1992 - 1995
S50B30 سعة 2990 سى سى قدرة 286 حصان "282 حصان فعلى" @ 7000 أر بى إم و عزم 320 نيوتن @ 3600 أر بى إم

E36 M3 Coupes 1993 - 1995
S50B30 سعة 2990 سى سى قدرة 295 حصان "291 حصان فعلى" @ 7000 أر بى إم و عزم 323 نيوتن @ 3900 أر بى إم.

s50b30 من 0 - 100 كم فى غضون 5.4 ثانيه

سعر نظام الميكانيكا كامل ب 30000 جنيه
-----------------------------------------------------------------------------------------------
S50B32 1995 - 1998


E36 M3 Saloons "Sedan" 1995 - 1998
S50B32 سعة 3201 سى سى قدرة 321 حصان "317 حصان فعلى" @ 7400 أر بى إم و عزم 350 نيوتن @ 3250 أر بى إم.

E36 M3 Coupes 1995 - 1999
S50B32 سعة 3201 سى سى قدرة 321 حصان "317 حصان فعلى" @ 7400 أر بى إم و عزم 350 نيوتن @ 3250 أر بى إم.

E36 M3 Cabriolets 1996 - 1999
S50B32 سعة 3201 سى سى قدرة 321 حصان "317 حصان فعلى" @ 7400 أر بى إم و عزم 350 نيوتن @ 3250 أر بى إم " الأم ثرى الكابروليه لم تنتج إلا بالمحرك S50B32 فقط".

s50b32 من 0 - 100 كم فى غضون 5.2 ثانيه

سعر نظام الميكانيكا كامل ب 35000 جنيه

(نظام ميكانيكى كامل يعنى محرك + عدادات + كنترولات + فتيس مانيوال + شكمان كامل + ريداتير + كرونه + عفشه كامله خلفى و أمامى + عمود كردان + قواعد فتيس و محرك إلخ...)

بالنسبه للصالون إن حضرتك بتتحدث عن صالون كامل ( كراسى أماميه + كنبه خلفيه + فرش سقف و قوائم + دواسات ) ف أكيد مش هيتكلف 2500 جنيه لأن كراسى ال E36 M3 الأماميه و حدها قد تتكلف ال 2500 جنيه و فيه منها كهرباء لكن للأمانه ليس لدى خلفيه ب سعرها لكن اعتقد هتكون الكراسى الأماميه فى حالة إنها كهرباء هتجدها ب 3500 - 4000 جنيه.

دواسات ال E36 M3 هتعمل فى حدود 350 جنيه (للعلم شبيه بالأصلى)
فريم العدادات النيكل بيتكلف 100 جنيه (طبعا عدادات ال E36 M3 الأصليه لم تزود بالفريم النيكل لكن زودت به ال E46 M3 لكن طبعا هو بيعطى شكل جميل و يمكن تركيبه عادى على عدادات ال E36)

بالنسبه للفوانيس الخلفيه ف لن تجد أفضل من فانوس ال E36 1997 الأصلى ذو الأشاره البيضاء و هو نفس فانوس ال E36 M3 أفضل من الليدات بكثير للأمانه و يتكلف 2 زوج الفانوس 97 الخلفى استيراد 500 جنيه.

عجلة قيادة ال E36 M3 فى حدود 1200 - 1500 جنيه (الأصلى) موديل 1997 و التى تشبه عجلة قيادة ال E46 M3 غير إنها غير مزوده بأزرار ال multi-function لكن يمكن تزويدها بها.

جنوط ال M3 17 شكل ال 135 style هتجدها ب 3000 - 4000 جنيه

[mrramy2005]

هو بس سؤال ...
فين الاقي e36 ب-53 ألف ... دة كلوا بيتكلم في 75 ل-80 ألف

[TheBuccaneer]

هو بس سؤال ...
فين الاقي e36 ب-53 ألف ... دة كلوا بيتكلم في 75 ل-80 ألف

أولا E36 موديل 1991 - 1992 التى سوف تجدها بمثل هذا المبلغ لكن أيضا لن توقع أية شىء بالسياره (ميكانيكا ضائعه - شاسيه غير سليم) لكن E36 تجدها سعرها فى الخمسينات وتكون نظيفه صعب جدا.

حضرتك أهم شىء تشترى سياره حالتها نظيفه و هنا النصيحه أنك تشترى موديلات 1995 - 1998 و الأفضل موديل 1997 - 1998 و هذه هتجدها بتبدأ من 75000 جنيه على حسب الحاله إلى 85000 جنيه.

يوجد سياره تباع موديل 1997 على حد تذكرى و بها محرك ال 318iS و صاحب السياره بيطلب 77000 جنيه يعنى تخلص على 75000 جنيه. و موضوع التضبيط حضرتك ضبط فيها شىء ف شىء كل شهر اشترى قطعه و ضعها

[MohaMed_Refaat]

فى واحدة فى معرض فى طنطا موديل 1992 بقالها يجى 3 سنين واقفة مش بتتباع وصاحب المعرض طالب فيها 56