إعـــــــلان

Collapse

.

,
See more
See less

الارقام فى التابلوه عند الضغط على زر العداد

Collapse
X
 
  • Filter
  • الوقت
  • Show
Clear All
new posts

  • الارقام فى التابلوه عند الضغط على زر العداد

    لمحترفى البى ام وخصوصا الفئه الخامسه

    جيت مره ضغطت لكام ثانيه على زرار تصفير العداد فى التابلوه طلعلى ارقام صغيره غريبه مكان التاريخ! حد يعرف الارقام دى معناها ايه ؟

  • #2
    إنتظر مني موضوع مفصل بالفيديو عن الحكاية دي
    قريب إن شاء الله

    Comment


    • #3
      المشاركة الأصلية كتبت بواسطة maskeen مشاهدة المشاركة
      لمحترفى البى ام وخصوصا الفئه الخامسه

      جيت مره ضغطت لكام ثانيه على زرار تصفير العداد فى التابلوه طلعلى ارقام صغيره غريبه مكان التاريخ! حد يعرف الارقام دى معناها ايه ؟
      باشا ..
      إنت لم ضغطت على الزرار كانت العربية دايرة ولا مطفية ؟ ، وضغطت أكتر من 10 ثواني ولا أقل ؟
      عشان كدة حضرتك ممكن تكون دخلت في ال-hidden menus بتاعت التابلوه .

      Comment


      • #4
        المشاركة الأصلية كتبت بواسطة farahat مشاهدة المشاركة
        باشا ..
        إنت لم ضغطت على الزرار كانت العربية دايرة ولا مطفية ؟ ، وضغطت أكتر من 10 ثواني ولا أقل ؟
        عشان كدة حضرتك ممكن تكون دخلت في ال-hidden menus بتاعت التابلوه .
        لا هى العربيه كانت دايره ...وبنتى هى اللى داست عليها بالغلط وهى على حجرى...انا لفيت راسى لقيتها دايسه عليه وارقام غريبه ظاهره...رحت شايل ايدها وطفيت ودورت تانى رجع العداد عادى والعربيه ماشيه عادى بس انا عايز اعرف

        هل فيه معلومات مفيده الواحد ممكن يعرفها ؟

        Comment


        • #5
          المشاركة الأصلية كتبت بواسطة inspiron مشاهدة المشاركة
          إنتظر مني موضوع مفصل بالفيديو عن الحكاية دي
          قريب إن شاء الله
          الف شكر يا استاذنا

          Comment


          • #6
            موجوده في 316 برضه بس مش عارف بتاعت ايه
            rompo10

            Comment


            • #7
              Reset
              [CENTER]تحياتي : شريف ياسر[/CENTER]
              [CENTER][U]منسق قسم BMW[/U] [/CENTER]
              [CENTER] [/CENTER]

              Comment


              • #8
                reset ل ايه يامعلم؟ ومعنى الارقام دى ايه؟ انا لقيت اصفار وارقام غريبه وكلام المانى تقريبا مش متأكد...

                Comment


                • #9
                  المشاركة الأصلية كتبت بواسطة maskeen مشاهدة المشاركة
                  لا هى العربيه كانت دايره ...وبنتى هى اللى داست عليها بالغلط وهى على حجرى...انا لفيت راسى لقيتها دايسه عليه وارقام غريبه ظاهره...رحت شايل ايدها وطفيت ودورت تانى رجع العداد عادى والعربيه ماشيه عادى بس انا عايز اعرف

                  هل فيه معلومات مفيده الواحد ممكن يعرفها ؟
                  شوف يا عزيزي ..
                  ال-hidden menus دي عبارة عن مجموعة من البيانات والرقام عن الكمبيوترات داخل العربية ، ومتقسمة في صورة قوائم كل واحدة فيها عدد من البيانات ، في المجمل ممكن تعرف حوالي 40-50 معلومة من القوائم دي ، لكن هي مش مفيدة قوي للسائق ، الحاجات المفيدة منها إنت بالفعل بتشوفها على التابلوه .
                  على سبيل المثال بييظهر فيها قرائة السرعة وال-RPM والبنزين والحرارة في صورة ديجيتال (لأنها من داخل الكمبيوتر مباشرةً )، وهي نفسها الارقام إلي بتظهر على التابلوه في صورة مؤشرات .
                  كمان بتشوف منها رقم الشاسيه (VIN ) المتسجل في الكمبيوتر وبيانات عن نسخة السوفتوير version إلي على الكمبيوتر ، وحاجات تانية كتير ليها معنى عند مهندس الصيانة مثلاً ، لكن بالنسبة للمالك أو السائق مش مفيدة قوي .

                  Comment


                  • #10
                    الف شكر فرحات باشا...انا بقيت مؤمن تماما ان فى العربيات بالذات...الجهل ساعات نعمه :)

                    انا واحد صاحبى كان شارى 318 موديل 2004 من سنتين, عامله 110 الف, وكشف عليها عند واحد مشهور فى الحرفيين مش فاكر اسمه ايه, العربيه بأسم الله فله وماشيه معاه بما يرضى الله, فجأه من كام اسبوع كده راح بيها التوكيل عشان حاجه مش لاقيها بره اكتشف انها عامله 70 الف زياده..من ساعتها وهو مكتئب وانا بالقوله ياعم مانت كنت مبسوط بيها والدنيا فله, ايه اللى حصل يعنى ماالعربيه هى هى وحالتها كويسه..بس هو مازال مكتئب!

                    Comment


                    • #11
                      70000 الف ايه الحاجه دي ياباشا
                      rompo10

                      Comment


                      • #12
                        المشاركة الأصلية كتبت بواسطة maskeen مشاهدة المشاركة
                        الف شكر فرحات باشا...انا بقيت مؤمن تماما ان فى العربيات بالذات...الجهل ساعات نعمه :)

                        انا واحد صاحبى كان شارى 318 موديل 2004 من سنتين, عامله 110 الف, وكشف عليها عند واحد مشهور فى الحرفيين مش فاكر اسمه ايه, العربيه بأسم الله فله وماشيه معاه بما يرضى الله, فجأه من كام اسبوع كده راح بيها التوكيل عشان حاجه مش لاقيها بره اكتشف انها عامله 70 الف زياده..من ساعتها وهو مكتئب وانا بالقوله ياعم مانت كنت مبسوط بيها والدنيا فله, ايه اللى حصل يعنى ماالعربيه هى هى وحالتها كويسه..بس هو مازال مكتئب!
                        ياه ، الموقف ده بايخ قوي إن الواحد يتحط فيه ، المشكلة كلها نفسية انك تحس انك دافع في حاجة مش هي نفسها إلي إلي متخيلها


                        للأسف يا باشا العربيات دلوقتي أصبحت مش مجرد أجزاء مكانيكية و بس ، ده كمان فيها كمبيوتر وسوفتوير ، إنت عارف إن العربيات الأوروبي دلوقتي نسبة المكونات الإلكترونية فيها حوالي 40% من المكونات الإجمالية !! ، طبعاً الياباني أقل والكوري أقل وأقل لكن ما زال النسبة كبيرة ،وللأسف إمكانية إن الواحد يتخدع فيها كتير وهو بيشتري المستعمل .

                        لأن الموضوع مبقاش صنايعي مشهور وفاهم كويس يبص على العربية ،الصنايعية مهما كانوا مشهورين مش كلهم عندهم الخبرة أو المعرفة والعلم الكافي للتعامل مع الإلكترونيات والكمبيوتر والسوفتوير ، وضيف على كدة التكنولوجي إلي بتزيد كل موديل عن إلي قبله ، وضيف على كدة كمان إن التعامل مع الكمبيوترات دي محتاج أجهزة خاصة مش مجرد مفاتيح ولقم و حتة سلك ذي التعامل مع العربيات إلي كلها ميكانيكا .
                        والناس بتخاف من التوكيل عشان الاسعار فبتروح للصنايعي إلي برة وطبعاً كل الصنايعية في مصر فهلوية و مفيش حد يقول إنه مايعرفش أو معندوش الحاجة المطلوبة ، لازم يفتي :))



                        عموماً ربنا يعوض عليه وطالما العربية سليمة ما شاء الله ومفيهاش مشاكل يبقى خلاص ، مش أحسن ما كانت تبقى عداد قليل لكن فيها مشكلة وعشان كدة إتباعت ويبقى هو إتدبس فيها ؟ ده رزق والواحد يقول الحمد لله .

                        Comment

                        Working...
                        X