جديد في الـ e46 وعايز أعرف

[BMW5260]

الحمد لله ربنا رزقني بعربية e46 بعد ماكنت بدور على الدبانة علشان فروق أسعار قطع الغيار ،،،، بس طبعاً الحمد لله على رزقه ،،،،، العربية بفضل الله كويسة ،،،، هي موديل 2000 فتيس ستبترونيك بس في عندي سؤال محيرني ............

ليه لمبة زيت الفتيس بتنور وتطفي تاني بعد شوية أثناء السير بالعربية ،،،،، رغم إن الفتيس بفضل الله تعالى كويس جداً ،،،،، هل هو نقص في الزيت ،،،، ولو الزيت مضبوط يبقى إيه تاني ؟؟؟؟؟؟؟؟؟؟ غيره برجاء الإفادة

[farahat]

أولاً ألف مبروك على العربية ، وربنا يديك خيرها ويكفيك شرها إن شاء الله .


موضوع لمبة الفتيس ممكن يكون أي حاجة في كونترول الفتيس أو الموتور ، الفتيس نفسه فيه حوالي 6 حساسات غير الحاجات إلي من الموتور إلي ممكن تأثر على العزم وبالتالي على خرج الفتيس (على سبيل المثال حساس الكرنك لو مش مظبوط العزم مش هيكون مظبوط وبالتالي لمبة الفتيس هتنور) .


الحل السليم هو الكشف ومعرفة إيه الerror إلي متسجل على الكنترول ومنه تحدد السبب الرئيسي ، عشان مايبقاش مجرد تخمين ، العريية دي مش بتاعت تخمين :)


إن شاء الله تطلع حاجة بسيطة ، وربنا يباركلك فيها .

[sheko_2000eg]

الف مبروك يا باشا و عايزين نعرف باه ظروفها ايه و جبتها بكام
و احكيلنا التجربة كده ربنا يكرمك
عشان انا بفكر في الخطوة دي ان شاء الله

[shoka2000]

الاخ الكريم الف مبروك اللمبه اللى بتنور هيه لمبه لونها اصفر ودى لمبه حساس زيت الموتور ومعنى ذلك ان الحساس بايظ لو حابب تغيره غيره لو مش حابب سيبه مش ها ياثر فى حاجه

[BMW5260]

أولاً ألف مبروك على العربية ، وربنا يديك خيرها ويكفيك شرها إن شاء الله .


موضوع لمبة الفتيس ممكن يكون أي حاجة في كونترول الفتيس أو الموتور ، الفتيس نفسه فيه حوالي 6 حساسات غير الحاجات إلي من الموتور إلي ممكن تأثر على العزم وبالتالي على خرج الفتيس (على سبيل المثال حساس الكرنك لو مش مظبوط العزم مش هيكون مظبوط وبالتالي لمبة الفتيس هتنور) .


الحل السليم هو الكشف ومعرفة إيه الerror إلي متسجل على الكنترول ومنه تحدد السبب الرئيسي ، عشان مايبقاش مجرد تخمين ، العريية دي مش بتاعت تخمين :)


إن شاء الله تطلع حاجة بسيطة ، وربنا يباركلك فيها .

الله يبارك في حضرتك وإن شاء الله أول ما أرجع من سفري ها أكشف على العربية بالكامل وربنا يسترها .

[BMW5260]

الف مبروك يا باشا و عايزين نعرف باه ظروفها ايه و جبتها بكام
و احكيلنا التجربة كده ربنا يكرمك
عشان انا بفكر في الخطوة دي ان شاء الله

الله يبارك في حضرتك هو الموضوع إني كنت بدور على موديل 98 أو 97 بس للأسف كان كل النضيف ماسك سعر عالي ومبالغ فيه وكان واحد صديقي من بورسعيد يعرف تاجر بتاع عربيات بيشتغل في عربيات المعوقين الخالصة جمارك ووصاه عليا فالراجل نصحني بالعربية ديه وجابهالي من مقدم شرطة وأنا كشفت عليها في بنزينة ولسة إن شاء الله هاكشف عليها في التوكيل بعد ما أرجع من الشغل في البحر الأحمر وكان الإتفاق كدة ،،،، بالنسبة للسعر 95 ( سعر مش موجود )والعربية ستيبترونيك وفيها تليفون أصلي وجنوط 15 أصلي وصالون ممتاز وما فيش حاجة فيها متغيرة والحالة العامة ممكن نقول مبدئياً جيدة جداً لغاية الكشف بس ،،،،،، وعموماً هو كل اللي يشوف العربية ويجربها تعجبه

[BMW5260]

الاخ الكريم الف مبروك اللمبه اللى بتنور هيه لمبه لونها اصفر ودى لمبه حساس زيت الموتور ومعنى ذلك ان الحساس بايظ لو حابب تغيره غيره لو مش حابب سيبه مش ها ياثر فى حاجه

الله يبارك في حضرتك وهي فعلاً لمبة لونها أصفر بتنور وتطفي تاني وسعات ما بتنورش ،،،،، طيب لو طلع فعلاً الحساس ما تعرفش سعره كام ؟؟؟

[BMW5260]

أنا على فكرة منتظر ردود تانية لكي يطمأن قلبي ،،،،،،،،،،،، شكراً لكل من شارك أو ها يشارك .

[sheko_2000eg]

الله يبارك في حضرتك هو الموضوع إني كنت بدور على موديل 98 أو 97 بس للأسف كان كل النضيف ماسك سعر عالي ومبالغ فيه وكان واحد صديقي من بورسعيد يعرف تاجر بتاع عربيات بيشتغل في عربيات المعوقين الخالصة جمارك ووصاه عليا فالراجل نصحني بالعربية ديه وجابهالي من مقدم شرطة وأنا كشفت عليها في بنزينة ولسة إن شاء الله هاكشف عليها في التوكيل بعد ما أرجع من الشغل في البحر الأحمر وكان الإتفاق كدة ،،،، بالنسبة للسعر 95 ( سعر مش موجود )والعربية ستيبترونيك وفيها تليفون أصلي وجنوط 15 أصلي وصالون ممتاز وما فيش حاجة فيها متغيرة والحالة العامة ممكن نقول مبدئياً جيدة جداً لغاية الكشف بس ،،،،،، وعموماً هو كل اللي يشوف العربية ويجربها تعجبه

الف مليون مبروك و ان شاء الله ربنا يديك خيرها و يكفيك شرها .

[m000dy]

انا حزين انى واقف ايديا متكتفه ومش عارف افيد حضرتك لانى اخرى ال e 36
بس اول ما هاركب ال e 46 هاتلاقينى صاروخ فى الحاجات دى
هاتستنانى ولا هاتدور لوحدك :)

[shoka2000]

الحساس ده ها تلقيه فى حدود 200 او 300 جنيه استيراد فى الحرفيين

[gonet]

متابع معاكم
انا برده اصلي معايا عربية e46 2000 وشكراً للمنتدي والاعضاء

علي فكرة انا اللمبة بتنور عندي برده لونها اصفر وهيا فوق العداد وده حساس زيت بس انا بصراحة مغيرتوش بقالي 7 شهور تقريباً لاني سألت منصور قالي ممكن تمشي بيها كدة عشان الحساس ده ببيبوظ بسرعة يعني كل سبع 8 شهور ويبوظ