رجاء تسعير 320i مو2007

[hany63]

مساء الخير يا جماعه
رجاء تسعير 320 i مو 2007 بدون idrive فابريقه هاي لاين عامله 30000 كم

ومعلش ليا شويه اسئله عشان اخوكم ابيض في البي ام

1- 320i فئه واحده ولا اكتر عشان موضوع الهاي لاين
2-هل موتور و فتيس 2007 هو نفس 2011
3-هل الموديل ده فيه مشاكل معينه؟
4-ايه الكماليات اللي موجوده؟
5-ايه رأيكم في العربيه من ناحيه الاداء و السحب (كنت راكب باسات TSI)
6-مكان التوكيل فين للكشف عليها
7-قيمة الكشف تقريبا

اسف للاطاله و شكرا مقدما

[fahd_628]

هية 2007 نزل منها فى الأول منغير فتحة سقف و اى درايف و بعدين نزل فى نصف او اخر 2007 ب اى درايف و فتحة سقف

الأداء كثبات ممتاز جدا جدا جدا
كسحب فا هية حتبقى قريبة شوية من الباسات ممكن افضل شوية

الكشف الى اعرفة ب 800 او 1000 جنية

دة الى اقدر افيدك فية

[hany63]

متشكر يا استاذ فهد و منتظر الاجابه على باقي الاستفسارات من باقي الاخوه

[bmw_lover2]

بص يا كبير ال 320i 2007 فيها مثبت سرعه وكراسى كهرباء مع ميمورى للسائق وخشب ابانوس وبالمقارنه بالباسات البيمر تتفوق بالثبات والسحب على السرعات العاليه بس الفرق بينهم بسيط وطلعة الباسات اجمد من البيمر شويه والبيمر بعد 130 تتفوق فى السحب
الباسات تتفوق بالوسع والكماليات
بالنسبه للفتيس ايوه هو نفس الفتيس بتاع 2011
مكان التوكيل البافريه على الدائرى فى القطاميه
وعلى فكره البيمر ركوبه تانيه مختلفه عن الباسات بسبب الجر الخلفى وتوزيع الوزن الافضل فى البيمر
بالنسبه للسعر لو العربيه 2007 وفعلا 30000 الف كيلو وحاله شاذه يبقى 170 الف جنيه وما تدفعش اكتر من كدا لان ال 2007 بالاى درايف وفتحة سقف تعمل 190 الف ومطلوبه اكتر !!!

[mi22do]

الكشف في التوكيل يتكلف = 800ج

[Batman372]

آخرها ١٦٥ الف بشرط للحاله الممتازه

لو الميزانيه تسمح حتى ١٨٠ الف يبقى ٣٢٠ مو ٢٠٠٧ الكامله

بدون كلام ال ٣٢٠ افضل كثيرا عن الباسات

[farahat]

هاني باشا ..
أنا طبعاً مش هقدر أضيف جديد بعد ما تفضل السادة الزملاء الخبراء بالرد عليك ،
أنا بس عندي نقطتين للتوضيح عشان أنا أعتقد إني عارف تفكيرك من خلال حواراتنا في قسم الفولكس ..
ال-E90 من حيث الموتور هي أحسن من ال-TSI في القدرة HP أعلى ، لكن العزم بتاع ال-TSI مساوي أو أعلى ، وبالتالي السحب أحسن شوية في ال-TSI ، لكن السرعة هتكون ال-320 أحسن .
ضيف على كدة كمان الفتيس في الباسات فتيس جاف ودة بيزود السحب في الطلعة ، لكن مشاكل الفتيس ال-ZF أقل لأنه فتيس تقليدي .


النقطة التانية هي الحجم ، هتحس إن ال-320i مساحتها الداخلية أقل من الباسات وممكن تحس انها ضيقة كمان ، خصوصاً في الكنبة الخلفية .


غير كدة باقي الكماليات تقريباً واحدة ، فروق بسيطة جداً بين الاتنين


الكشف في التوكيل البافارية ، يا إما في القطامية يا إما في أبو رواش ، وبيتكلف ما بين 700 و-850 ، وبياخد حوالي 4-6 ساعات ، يعني يوم كامل تقريباً هناك ، وبيديلك تفاصيل كتير جداً عن العربية .


أي اسئلة أو استفسارات في التفاصيل اتفضل واحنا معاك .

وإن شاء الله نباركلك قريباً على انضمامك لعيلة ال-BMW

[hany63]

الف شكر يا استاذ فرحات (واحشني والله) و لكل الاخوه على المعلومات القيمه
اخر سؤال مو اول 2007 كام هورس باور وهل هو نفس موتور 2011 عشان كنت قريت في مداخله ومافهيمتش حاجه من الرموز
وليا الشرف اكون واحد من العيله

[farahat]

يا باشا لا داعي للشكر ، د احنا حبايب من أيام ال-DSG :) (والله إنت واحشني أكتر )


بالنسبة للموتور كل موديلات ال-320i في مصر موتورها 156 حصان من أول ما نزلت لحد دلوقتي ، و بعدين يا باشا إنت تسأل براحتك احنا هنا كلنا اللي عرف حاجة بيجاوب عشان كلنا نستفيد .

[Batman372]

الف شكر يا استاذ فرحات (واحشني والله) و لكل الاخوه على المعلومات القيمه
اخر سؤال مو اول 2007 كام هورس باور وهل هو نفس موتور 2011 عشان كنت قريت في مداخله ومافهيمتش حاجه من الرموز
وليا الشرف اكون واحد من العيله

المعلومه الصحيحه و الدقيقه :
مواتير ال 320 المجمعه فى مصر ال e90 مو 2006 و 2007 هى 150 حصان / عزمها 200 نيوتن
من مو 2008 حتى الان مواتير معدله 156 حصان / عزمها 210 نيوتن و استهلاك بنزين اقل
تحياتى ...

[Youssef.Awad]

متابع باهتمام ...

[farahat]

تصحيح بسيط للمعلومة بتاعتي ، لأني شكيت في كلامي بعد ما قريت تعليق Batman وراجعت المعلومة ولقيت إن فعلاً من أخر 2007 ال-N46N هو الموجود وهو ال-156 حصان ، لكن قبل كدة ال-N46 كان موجود في الانتاج المصري ودة 150 حصان فقط .