عيوب و مميزات bmw m40

[meado_2005]

يا رجالة انا عايز اعرف عيوب و مميزات bmw m40.
وكمان سهلة في اعادة البيع ولا لا ؟
وكمان عايز اعرف هي ولا ال الجولف 2 ؟

[fahd_628]

بص ال e30 عربية جميلة جدا و انا افضلها على الجولف 2

بس الصراحة فية فرق سعر ما بين الأتنين يعنى الأتنين مش بنفس السعر

المهم نصيحة دور على واحدة حالة ممتازة علشان متقرفكش حتبقى فى حدود 50 الف بس انت كدة بتشترى حالة

الحاجات الى ب 35 و الكلام دة حتلاقيها تعبانة جدا و ممكن تكون عاملة حادثة و حتتعبك اوى

[sheko_2000eg]

e30 افضل بكتير في الاتي :
1- اعادة البيع (لو هتبعها نضيفة مش هتخصر فيها)
2- القوة .
3- التجميع .
4- اكثرة قطع الغيار .

[meado_2005]

طيب وبالنسبة لاعادة البيع ؟ اقدر ابيعها بسرعة ولا بتاخد وقت ؟

[eldmrane]

بص ياباشا لو قدمك واحدة نضيفة اوي وحالة شاذة توكل علي الله وياريت لو تكون 6 سلندر دية اللي تحفة انا بدور علي واحدة بقالي شهرين وللاسف ما شوفتيش واحدة عليها العين كلها زبالة اللي بشوفها لو ناوي تركبها قطع غيارها بسعر اللانوس فكك من الناس اللي بتوهم وبترغي علي الفاضي وبياعة اوي بس لو حالة يمكن لو مش نمرة واحد ولا هتعرف تبيعها باي فلوس

[meado_2005]

شكرا لكل الي اهتم ورد على سؤالي و ربنا يكرمني و اجيب واحدة

[loda80]

العربية دي جميله بس خلى بالك بتشرخ من الكارتيرات من قدام الصاج يا باشا تعب خلاص كمان التكيف مش قد كده بس غير كدا انساااااااااااااااا

[E30power]

مش مريحة للعيلة

[loda80]

مش مريحة للعيلة

الله ينور عليك يا باشا انا نسيت العيب دا كمان صالونها ضيق شويه لانها شبابي مش عائلى

[meado_2005]

انا ان شاء الله هاجيبها فترة كدة و هاغير بعد سنتين او تلاتة . و ربنا يكرمني بواحدة كويسة .
شكرا جدا يا رجالة

[sheko_2000eg]

انا ان شاء الله هاجيبها فترة كدة و هاغير بعد سنتين او تلاتة . و ربنا يكرمني بواحدة كويسة .
شكرا جدا يا رجالة

بص
لو عربية نمرة 1 او نمرة 2 هتلاقي صاحبها مش هيبعها غير غالي لانها مريحا و مش مدايق منها
و علي العموم انا لما حبيت اشتري
جبت واحدة معفنة و انا ظبطها علي ايدي و كل شهر بعمل فيها حاجة
بس الحمد لله دلوقتي مريحاني و بردو لسة هزبط تاني ان شاء الله

يلا ربنا يوفقك في حاجة كويسة .