عملت حادثة بالتويوتا كورولا واشتريت bmw -----صور

[vinosse]

الحمد لله عملت حادثة الاسبوع اللى فات بعربيتى محبوبتى كورولا اللى عمرها مازعلتنى فى يوم ولا وقفتنى على مدار 3 سنوات
هو بس غيار الزيت وامشى حتى عمرى مازودت مياه فى القربة
موفرة جدا فى البنزين
بس بينى وبينكم كنت فرحان علشان حغير
هى حادثة بسيطة كل اللى حصل ان اللى قدامى ضرب فرامل فجاة وانا كنت بتكلم فى الموبايل فلبست فية من ورا كان راكب 523
الكبوت عندى اتطبق وعدلتة بايدى والعربية دارت ومشيت بيها اما عندة ولا اى شىء الاكصدام الخلفى اتحك فقط والتامين بتاعى صلحهالة








المهم كلمت بالليل واحد صاحبى قالى اتة عندة BMW 316i زى الجديدة بالضبط
الصبح على طول رحت معدى علية واتفرجت علها واشتريتها
316i
2001
كيلومتر 54 الف كيلو مش عارف ازاى
مكيفة
2 ايرباج
abs
يارو فتيس مانيوال
حساسات مطر
وحاجات كتير تانية
موتور 1.9 بنزين مش عارف ازاى بردة
انا اعرف ان 316 بتنزل بموتور 1.6 ياريت لو حد يعرف يقولنا























طبعا فرق رهيب فى الركبة الالمانى فعلا المانى
تحس الفرق او ماتركب مع انها الفئة التالتة يعنى مش عالية اوى بس سعرها عجبنى واستهلاكها فى البنزين قليل
سعر بيع التويوتا 2500 فرنك سويسرى للشحن لافريقيا
سعر شراء BMW من صديقى 6500 فرنك يعنى 50 الف مصرى تقريبا
ياريت اعرف رايكوا
حد يشترى

[vinosse]

ياريت الغاء الموضوع القديم

[hanyhosney]

الف مبروك ونقله جميله بس الاسعار تخلي الواحد بضرب كف علي كف

[vinosse]

الف مبروك ونقله جميله بس الاسعار تخلي الواحد بضرب كف علي كف

على فكرة الجديد اعلى من مصر حاجات بسيطة
بس المستعمل اسعارة نازلة جدا

[Kareem.ElAraby]

متابع

[Land_Cruiser]

ما شاء الله عربيه جميله و ربنا يباركلك فيها و عداد الكيلومتر ده قليل قوى على عشر سنوات و ممكن تبقى تحاول تعرف من صاحبك ايه السر فى كده و ممكن تراجع فى التوكيل تاريخ السياره و اعتقد هيكون فيه قراءات الكيلومتر مع الصيانات و بخصوص سؤال حضرتك عن حكايه ال 1900 سى سى هو فعلا صحيح كده فى موديل 2001 و هى تلاقيها 105 حصان وده عادى هناك و خاصه ان اللى أنا فاهمه ان حضرتك اشتريتها من اوروبا .

[vinosse]

ما شاء الله عربيه جميله و ربنا يباركلك فيها و عداد الكيلومتر ده قليل قوى على عشر سنوات و ممكن تبقى تحاول تعرف من صاحبك ايه السر فى كده و ممكن تراجع فى التوكيل تاريخ السياره و اعتقد هيكون فيه قراءات الكيلومتر مع الصيانات و بخصوص سؤال حضرتك عن حكايه ال 1900 سى سى هو فعلا صحيح كده فى موديل 2001 و هى تلاقيها 105 حصان وده عادى هناك و خاصه ان اللى أنا فاهمه ان حضرتك اشتريتها من اوروبا .

ربنا يخليك ياباشا
بالنسبة لعداد الكيلومتر هو 54 الف ودة بسبب انها كانت بتاعت واحد عجوز مش بيركبها كتير وايام الشتاء الناس هنا مش بتخرج بالعربيات لان فى تلج وكلة بيتزحلق ومع البى ام خطر جدا لانها جر خلفى فغالبا بتمشى فى الصيف بس اللى هو 4 شهور

بالنسبة للعداد فبييجى مع العربية كتاب السرفيس انا كنت مصورة وكل اما بتروح تعمل اى حاجة فى العربية لو حتى غيار الزيت لازم يكتب بييانات العربية والكيلومتر وميعاد السرفيس القادم وبيختمة فى التوكيل علشان كدة ممكن تتاكد بسهولة ان العداد مش ملعوب فية الا لو كان الكتاب دة مش موجود او ضايع يبقى فى حاجة غلط

الموتور فعلا 105 حصان
شكرا ليك

[Land_Cruiser]

العفو يا فندم و كويس ان حضرتك اتاكدت من حكايه الكيلومتر دى و بالنسبه للثلج فى جنزير بيتركب على الكاوتش علشان حكايه الزحلقه زى ما حضرتك اكيد عارف و ربنا يباركلك فيها و يديلك خيرها و يكفيك شرها و بالتوفيق

[vinosse]

الجنزير بتاع الثلج اة عارفة بس أنا كدة كدة بنزل مش بتفرق هههههههه هو المشكلة بس اول مالثلج بينزل بعد كدة عربيات بتنظف علي طول

[sheko_2000eg]

الف مبروووووووووك

[vinosse]

الف مبروووووووووك

ربنا يخليك ياباشا
عقبال اما اجيبها فى مصر

[rompo10]

الف مبروح ياباشا وحسبي الله ونعم الوكيل في حسني مبارك بسبب الاسعار بتاعه العربيات

[vinosse]

الف مبروح ياباشا وحسبي الله ونعم الوكيل في حسني مبارك بسبب الاسعار بتاعه العربيات

الله يبارك فيك
انا كان نغسى الصراحة اجيب دى
http://www.autoscout24.ch/Search/Det...12&vehid=47077

وسعرها كويس بالنسبة لحالتها بردة زى الجديدة ومعمولها اخر سيرفيس وكلة تمام ورحت جربتها كمان
حاجة اية ولا الطيارة 343 حصان وفيها كل شىء صاحبها كان شاريها زيرو ومش بيخرج بيها الا فى الصيف

بس لقيتها مش عملية اوى فى الشتاء واستهلاكها فى البنزين عالى ومش بتاعة بهدلة فاجلتها شوية
على العموم اسعار الجديد مقاربة لاسعار مصر بس فرق العملة بيعمل شغل
كمان انا استحرم اركب بى ام فى مصر لان صانتها غالية وقطع غيارها كمان عالية والشوارع والمطبات