520 موديل 1992

[waleedabbas]

السلام عليكم ورحمة الله وبركاته
رجالة ال بي ام
كنت عايز اعرف معلومات عن ال 520 موديل 1992 ايه مشاكلها وخصوصا الاوتوماتيك منها وهل اداء الاوتوماتيك قوي زي المانيوال ولا مش اد كده
وبرضه استهلاك البنزين وقطع الغيار وايه الفرق بين الموتور الاسود والابيض
وجزاكم الله خيرا

[waleedabbas]

محدش عنده معلومات عن العربية :(

[sheko_2000eg]

عربية قديمة و قطع غيرها مش موجودة

[Amrgamal1]

لا موجوده في الحرفيين يا شيكو بس غاليه اوي
الشكل دا اسمه E34 عربيه واسعه وحجمها كبير بس مش شبابي خالص
بس انا رأي ابعد عنها وهات دبانه احسن اللي هي e36 و مافيش فرق بينهم في السعر واللي بيبيعها اصلا بيجيب دبانه

[fahd_628]

العربية انا بحبها اوى

بس رأى تحاول تجيب e39 احسن علشان حسب ما سمعت برضة ان قطع غيارها مش متوفرة اوى

هية مش مستحيلة بس مش متوفرة اوى

اكثر عربية متوفر قطع غيارها فى ال bmw تقريبا هية ال e36

[waleedabbas]

الف الف شكر يا رجالة
هي عموما مش ليا
طيب هي ال ال e36 الدبانة امال ال e39 ايه ؟
انا شايف ان e36 منتشرة واكيد فعلا قطع غيارها متوفرة اكتر

[fahd_628]

ال E39 هية الفئة الخامسة من اول 1996 لغاية 2004

[waleedabbas]

اااه ماشاء الله جميلة دي بس دي سعرها اغلى بكتيير انا بحبها وبحب ال e34 بس خلاص بقى بلاش منها هي الفئة الخامسة عموما جميلة
الف شكرا يا باشا على الاهتمام

[rompo10]

ممكن تنزل الحرفين تسال الاول عن قطع غيارها

[sameh197879]

العربية جميلة جدا وانا معاية واحدة 1992 وقطع الغيار متوفرة ورخيصة والعربية رغم انها ارخص من الدبانة الى انها اجمل واقوى واحسن ودة عشان احنا فى مصر كل شىء مش فى مكانة

[waleedabbas]

ممكن تنزل الحرفين تسال الاول عن قطع غيارها

شكرا يا باشا ان شاء الله هعمل كده ولو ان الاخوة خوفوني منها بس ال عايزها معجب بيها اوي وهي فعلا عربية جميلة بس الخوف بس من قطع الغيار

[waleedabbas]

العربية جميلة جدا وانا معاية واحدة 1992 وقطع الغيار متوفرة ورخيصة والعربية رغم انها ارخص من الدبانة الى انها اجمل واقوى واحسن ودة عشان احنا فى مصر كل شىء مش فى مكانة

شكرا يا باشا ومعاك حق اوي ان كل شئ مش ف مكانة بس كده هتطمعني بقى اسالك على حاجات فيها بما انها معاك

[silverlite]

عربيه هايله ! .. و لو مقلق من الاتوماتيك دور على واحده مانوال - ممكن 518- 4 سلندر وكمان توفيرفى البنزين ..