أنا قلقاااااااااان!

[MohamedGafar]

السلام عليكم ورحمة الله وبركاته.

الموضوع بإختصار إن واحد صاحبي معاه جراند شيروكي موديل 2010 عطلت منه فجأة عند كارفور ونقلها التوكيل الخميس اللى فات.

المهم كشفوا عليها وطلعت طرمبة البنزين باظت لأن فلتر البنزين إتسد فبوظ الطرمبة ، والعربية عاملة 65000 كيلو فقط. وقالوله ما تتقيدش بموضوع تغيير الفلاتر تبع الكاتالوج لأن البنزين فى مصر زي الزفت (لامؤاخذة) ، المهم إن تكلفة الاصلاح وصلت ل 4500 جنيه!!!!!!

قلت يا واد بص فى كتيب الصيانة بتاع عربيتي ، لقيت إن العربية عمرها ما غيرت فلتر بنزين وعاملة 56000 كيلو!!!!! ماكدبتش خبر وكلمت الشيخ طارق بتاع الكيلو 4.5 قاللي إن الفلتر بتاعها مش بيتغير إلا مع الطرمبة (مع بعض يعني) وده بيبقي على 100 أو 150 ألف كيلو....!

معرفش بقي هل الكلام ده صحيح واللا لأ؟ وهل لو مش صحيح يبقي فلترها ده بكام وبتغير على كام ألف كيلو لأني بصراحة قلقااااااااااااان جدا من موضوع الطرمبة دي والواحد مش ناقص مصاريف مالهاش لازمة!

تحياتي وألف شكر.

[Land_Cruiser]

هو فلتر البنزين اللى اتسد ده اعتقد انه ما حصلش فجاه يعنى اكيد صاحب حضرتك كانت العربيه ما بتسحبش معاه كويس او حاسس انها مش مضبوطه قبلها لفتره و كانت في اعراض للمشكله و عامه حضرتك لو قلقان ممكن تستخدم منظف انجكشن مع التفويله و هى هينظف الدنيا لو فيه اى شوائب و ناس كتير استخدمته و عمل معاها نتائج كويسه خاصه فى السحب

[sheko_2000eg]

الفلتر ملوش علاقة بالطرمبة
يعني مش عشان تغير الفلتر لازم تغير الطرومبة
و ده راي اللذي لا قيمة له

[hanyhosney]

هو فلتر البنزين اللى اتسد ده اعتقد انه ما حصلش فجاه يعنى اكيد صاحب حضرتك كانت العربيه ما بتسحبش معاه كويس او حاسس انها مش مضبوطه قبلها لفتره و كانت في اعراض للمشكله و عامه حضرتك لو قلقان ممكن تستخدم منظف انجكشن مع التفويله و هى هينظف الدنيا لو فيه اى شوائب و ناس كتير استخدمته و عمل معاها نتائج كويسه خاصه فى السحب

STB
الاسود او في ولاحد بينضف الدوره كلها ب 65 جنيه جامد ومتسمعش كلام ال يقولك بيبوظ حاجه جوه ايه هي ميعرفش بس هو مش عمال علي بطال يعني كل متغير زيت ونتا بتفول حط زجاجه قبل التفويل عشان تقلب مع البنزين
والمفروض انك بتحط 95 ولا انا غلطان

[ahmedsadek82]

السلام عليكم ورحمة الله وبركاته.

الموضوع بإختصار إن واحد صاحبي معاه جراند شيروكي موديل 2010 عطلت منه فجأة عند كارفور ونقلها التوكيل الخميس اللى فات.

المهم كشفوا عليها وطلعت طرمبة البنزين باظت لأن فلتر البنزين إتسد فبوظ الطرمبة ، والعربية عاملة 65000 كيلو فقط. وقالوله ما تتقيدش بموضوع تغيير الفلاتر تبع الكاتالوج لأن البنزين فى مصر زي الزفت (لامؤاخذة) ، المهم إن تكلفة الاصلاح وصلت ل 4500 جنيه!!!!!!

قلت يا واد بص فى كتيب الصيانة بتاع عربيتي ، لقيت إن العربية عمرها ما غيرت فلتر بنزين وعاملة 56000 كيلو!!!!! ماكدبتش خبر وكلمت الشيخ طارق بتاع الكيلو 4.5 قاللي إن الفلتر بتاعها مش بيتغير إلا مع الطرمبة (مع بعض يعني) وده بيبقي على 100 أو 150 ألف كيلو....!

معرفش بقي هل الكلام ده صحيح واللا لأ؟ وهل لو مش صحيح يبقي فلترها ده بكام وبتغير على كام ألف كيلو لأني بصراحة قلقااااااااااااان جدا من موضوع الطرمبة دي والواحد مش ناقص مصاريف مالهاش لازمة!

تحياتي وألف شكر.

اللي اعرفه ان الفيلتر جزء غير الطلمبة بس هو غالي شوية بس اهون ميكون مع الطلمبة بص على اللينك ده (الجزء رقم 2) دي صورته و الpart no
Fuel filter/pump/fuel level sensor BMW 3' E90, 320i (N46N) — BMW parts catalog

[MohamedGafar]

آخر الأخبار..........

رحت لمنصور إمبارح فى جسر السويس وقاللي إن الفلتر بيتغير عند ال 100 ألف كيلو وثمنه 1800 جنيه بسسسسسسس!!!!!!!!!!!!!!!!!!!!!!!!!!!!!!!!!!!!!!!!!!

سكتت ومشيت طبعا!

تحياتي.

[MohamedGafar]

الفلتر ملوش علاقة بالطرمبة
يعني مش عشان تغير الفلتر لازم تغير الطرومبة
و ده راي اللذي لا قيمة له

لأ ماهو الطرمبة بتسحب البنزين من الفلتر ، فلو إتسد بيحرق الطرمبة لأن ترس قاعدة الطرمبة نفسها من جوه بلاستيك فلو حصل سدد الترس ده بيتكسر والبوبينة نفسها جوه جسم الطرمبة بتقف.

تحياتي.

[MohamedGafar]

stb
الاسود او في ولاحد بينضف الدوره كلها ب 65 جنيه جامد ومتسمعش كلام ال يقولك بيبوظ حاجه جوه ايه هي ميعرفش بس هو مش عمال علي بطال يعني كل متغير زيت ونتا بتفول حط زجاجه قبل التفويل عشان تقلب مع البنزين
والمفروض انك بتحط 95 ولا انا غلطان

أيوه بحط 95 ، بس دي نسبة الأوكتين مش الشوائب ، أعتقد الشوائب واحدة فى كل الأنواع بإستثناء ال 80... ده أعتقد إن فيه زلط :)

تحياتي.

[MohamedGafar]

اللي اعرفه ان الفيلتر جزء غير الطلمبة بس هو غالي شوية بس اهون ميكون مع الطلمبة بص على اللينك ده (الجزء رقم 2) دي صورته و الpart no
fuel filter/pump/fuel level sensor bmw 3' e90, 320i (n46n) — bmw parts catalog

ألف شكر...طب ده لو إتسد يأثر على الطرمبة واللا هما عاملين نظام - مثلا - إن العربية ماتدورش أو تديلك تنبيه على اللوحة لو الفلتر عايز يتغير.

تحياتي.

[Land_Cruiser]

مكنتش عايز اقول نوع منظف رشاشات معين بس ممكن تسال على ليكى مولى ده المانى و محترم قوى و نتيجته ممتازه ان شاء الله و سعره ٣٠ج

[maskeen]

معلش انا ليا راى تانى
منظف الانجكشن ده هاينظف الانجكشن :)..يعنى اخر حاجه فى المسار بتاع البنزين..ف ده مالوش اى تأثير على الفلتر! الفلتر ده هو اللى بيلم الشوائب اول حاجه بعد التانك..فالاسلوب الوحيد المجدى هنا هو تغيير الفلتر نفسه فى مواعيده (لو ممكن) والتفويا من محطه نضيفه..وعدم ترك التانك لغاية مايفضى خالص

بالمناسبه انا من 5 اشهر كنت راجع من مطروح والتانك فضى تقريبا ومالقيتش غير بنزين 90 ..لما مشيت بيها شويه العربيه عطلت واديتنى تحذير ان الطلمبه فيها مشكله..بعد 20 دقيقه دارت تانى لوحدها والموضوع انتهى..غالبا كان فيه زلطه مزنوقه :)

ربنا يسترها معانا كلنا ..بصراحه اسعار قطع غيار البى ام غاليه بغباوه