Bmw 318 i.......

[oslo14]

معروض عليا 318i مو 2000.......
عامله 135000 كم
كنت عايز اعرف ايه اهم الحاجات التى تميز او تعيب العربيه دى
يعنى مثلا : استهلاك البنزين....؟
اسعار الصيانه وقطع الغيار....؟

يا ريت لو حد عنده العربيه دى يفيدنى........

[SEATLOVER]

وانا بضم صوتى لموضوعك

وممكن تشوف اللينكين دول مؤقتا لحد ما يجى حد من الاعضاء الكرام يفيدنا ويدينا امثلة لرانج قطع الغيار

http://www.nilemotors.net/Nile/showthread.php?t=13651&highlight=%CE%C8%D1%C7%C1

http://www.nilemotors.net/Nile/showthread.php?t=16531&highlight=%C7%D3%DA%C7%D1

[mohamed ibiza]

اللي اعرفه انها ممتازة بس قطع نااااااااااااااااااااااااااااااااااااااااااااااااا اار

[oslo14]

ايه يا جماعة ؟
هو قسم ال bmw نااااااااااااااااايم كده ليه ؟؟؟؟؟

فين اصحاب ال 318 ده انا كنت فاكر انى هلاقى ردور كتير
ياريت نصحى شويه.....

[Xpert]

بص يا سيدي .. كان بودي اساعدك ... بس للاسف معنديش فكره في اسعار قطع الغيار ...
المهم : العربيه تمام و حلوه و ناعمه و كل حاجه .. يعيبها كلكعه السلوك اللس مابحبهاش ... و طبعاُ عاوزه صيانه عند واحد فاهم علشان كلها كهرباء في بعض كده ...
عفشتها الومونيوم ... بس بتستحمل برضه ينعني مش وحشه ... الخبطه فيها بتمنها طبعاً .. لان قطع الغيار غاليه نسيباً ... طبعاُ ده معناه ماتجازفش بيها نهائي ...
التقفيل المصري فيها تعبان شويه .. بس طبعاُ مش زي الشاهين :D
ال 318 فيها مواتير 2000 سيسي (الهايلاين ) بس لاثف معرفش كتير عن موضوع المواتير ده .. يعني من الاخر بص في الرخصه الاول ...

نصيحه لو طالبه معاك بي ام هات الدبانه ( الفئه التالته من 1990-1999) الشكل اللي قبل ده .. و لو جبت دبانه هات من 1990 لحد 1994 و بكده تبعد عن موضوع المفتاح المشفر و وجع الدماغ .. و المسزه فس الشكل ده انه هايعجبك برضه طالما انت مش حابب الاي ثرتي (الاي ثرتي هيا الاصل و احسن فئه تالته من مجاميعه .. من 1983 لحد 1990) ... و الكيزه في الشكلين دول انه بسيط في شغله نسبياُ و قطع غياره كتيره و رخيصه ...

http://www.nilemotors.net/Nile/showthread.php?t=26596

[cooleye]

السلام عليكم
اولا:العربيه دي فوق الممتازه في كل حاجه كنعومه وسحب وفخامه وكل حاجه
ثانيا:انا شايف ان قطع غيارها مش غاليه اوي لأنها متوفره بكثره استيراد ومش هتحتاج التوكيل في حاجه لأن في ناس بره التوكيل بتفهم فيها كويس اوي انا بعمل الصيانه بتاعتها كل 10 الاف كم وبتكلف حوالي 800ج
ثالثا:وده الاهم لازم تكون العربيه وانت بتشتري حالتها نظيفه علشان ماتصرفش معاك وياريت يكون عداد الكيلو متر بتاعها قليل
رابعا:انت اكيد هتكشف عليها في التوكيل بس خد بالك من الحاجات دي
1-العفشه لازم تكون سليمه لأنها غاليه شويه
2-اكشف علي الاير ماس
3-بص علي البطاحات اللي فوق المساعدين لأنها بتشرخ من المطبات خاصه لو راكب فيها جنط 17
واخيرا استهلاكها في البنزين ممتاز
واي استفسار عن اي حاجه انا تحت امرك

[oslo14]

اولا : شكرا يا cooleye على ردك المفصلبس كنت عايز اسال هو فى فرق بين 2000 و 2001 ؟؟؟وكمان بالنسبه للتابلوه ممكن يتعمل فيه تعديلات ؟؟؟ متلا الكاسيتواخيرا انتا بتعمل الصيانه بره التوكيل فى اسكنريه ولا فى القاهره ؟؟؟

[cooleye]

ياباشا انا تحت امرك
الفرق بينهم ال2000 بتبقي اتوماتيك بس ومافيهاش تلفون
لكن ال2001الفتيس استبترونك(اتوماتيك ومانيوال) وفيها تلفون
وفي بعض موديلات 2000 اللي نزلت في اخر 2000 زي ال2001 بالضبط مفيش اي اختلاف
الموتور هو هو 1895cc-118hp
بالنسبه للتابلوه انا شايف انه منظم جدا وشيك فبلاش تلعب فيه
بالنسبه للصيانه انا كنت بعملها في التوكيل بس قطع غيارهم غاليه وهي نفسها اللي بتتباع بره التوكيل بسعر ارخص
انا بعمل الصيانه دلوقتي عند منصور في جسر السويس
اخيرا :لو العربيه اللي معروضه عليك حالتها نظيفه خدها وانت مغمض لاتقارن باي عربيه من الياباني الجديد خالص مع انها في نفس فئه الاسعار بس شتان الفارق
وياريت تقولي معلومات اكتر عن العربيه اللي معروضه عليك ومطلوب فيها كام

[SEATLOVER]

الف شكر يا cooleye على معلوماتك القيمة
بس ممكن تقولنا اى مثال لاسعار قطع غيارها عاملة ازاى ؟ واضمن اماكن تتجاب منها ؟

[cooleye]

العفو يا seatlover
قطع الغيار الناس فاكراها غاليه لأنهم بيسالوا عليها في التوكيل
واكيد انت عارف توكيل بي ام اسعاره فلكيه
بس فعلا قطع الغيار منتشره في الحرفيين عند كام واحد اشهرهم زهير وحازم الشربيني وشامل
امثله قطع الغيار:
كشاف امامي:1200ج
كشاف خلفي:700ج
اكصدام امامي:1000ج
فوجات:350ج
شبكه اماميه:300ج
مرايه:800ج
دي طبعا اسعار تقريبيه وانت وشطارتك في الفصال

[SEATLOVER]

العفو يا seatlover
قطع الغيار الناس فاكراها غاليه لأنهم بيسالوا عليها في التوكيل

اية الجمال و الحلاوة دى !!!
والله انت راجل ذى العسل و قولت شوية معلومات هاتفرق كتير اوى
بصراحة انا شايف الاسعار معقولة جداً ..دى بى ام برضو
الف شكر يا cooleye و ربنا يخليك

[oslo14]

الف شكر يا cooleye
الحقيقه انت قلت معلومات مفيده جدا.....
وهيكون لها تاثير كبير وان شاء الله تكون العربيه من نصيبى....
انا هاكشف عليه فى التوكيل
وهاقولك ايه الاخبار....

[oslo14]

الف شكر يا cooleye
الحقيقه انت قلت معلومات مفيده جدا.....
وهيكون لها تاثير كبير وان شاء الله تكون العربيه من نصيبى....
انا هاكشف عليها فى التوكيل
وهاقولك ايه الاخبار....

[cooleye]

والله انا شايف ان العربيه فعلا مش واخده حقها خالص علشان الاشاعات اللي طالعه عليها عن اسعار قطع الغيار
المهم انا بكره إن شاء الله نازل الحرفيين هظبط شويه حاجات واسالك عن اسعار قطع غيار الميكانيكا
مع ان العربيه مش بتغير فيها اي حاجه غير الصيانه بس طول مانت محافظ عليها وماشي بيها كويس
بس برضه هسالك علشان تطمن
اسعار المساعدين جديد 1500ج انا كنت سائل عليه
وإن شاء الله هجيبلك بقيه الحاجات بكره

[oslo14]

مستنى ردك يا اجدع واحد سالته