ارجو المساعده يااخواني بخصوص e46

[racing1]

السلام عليكم
قدامي عربيه 318 مو 2000 عامله 190 الف فالعداد 1800cc ستبترونك وتاره مالتي هل هي بتنزل كدا ولا دا تعديل والمتور 1800 دا كويس ولا مش عملي ونفس الكلام بالنسبه للفتيس هل يتحمل الضغط عليه من ناحيه الحرق علي الغيار مقارنه بردو بالفتيس القديم وعاليه عن الارض.وهل الشرخ ال بيبئا فالبطاحه دا يعيب العربيه وكمان لما يتعالج بردو يعبها حاله العربيه كويسه.وهي داخله في بدل مع جولف 4 حاله نادره 1800 جميع الكامليات مانوال معظمها مرشش وحاله البويه كالزيرو اللون اسود حاله من الداخل والخارج 95 %+لسه مركب ليدات خلفيه+جنط 17جديد بالكاوتش جديد معملش لسه2000 كيلو+4 زينون.وبدفع35 فرق.

[sheko_2000eg]

لو ال e46 فيها شرخ في البطاحات يباه خاليك في الجولف

[TheBuccaneer]

السلام عليكم
قدامي عربيه 318 مو 2000 عامله 190 الف فالعداد 1800cc ستبترونك وتاره مالتي هل هي بتنزل كدا ولا دا تعديل والمتور 1800 دا كويس ولا مش عملي ونفس الكلام بالنسبه للفتيس هل يتحمل الضغط عليه من ناحيه الحرق علي الغيار مقارنه بردو بالفتيس القديم وعاليه عن الارض.وهل الشرخ ال بيبئا فالبطاحه دا يعيب العربيه وكمان لما يتعالج بردو يعبها حاله العربيه كويسه.وهي داخله في بدل مع جولف 4 حاله نادره 1800 جميع الكامليات مانوال معظمها مرشش وحاله البويه كالزيرو اللون اسود حاله من الداخل والخارج 95 %+لسه مركب ليدات خلفيه+جنط 17جديد بالكاوتش جديد معملش لسه2000 كيلو+4 زينون.وبدفع35 فرق.

شرخ البطاحات فى ال e46 موديل 1999 - 2001 شائع جدا لدرجة إنه لم يصبح عيبا على الأطلاق يعنى نسبة 90% من ال e46 1999 - 2001 هتجد مثل هذه الشروخ

من جهة المحرك ال e46 1999 - 2001 موجود بها محرك اسمه m43tub19 بسعة 1895 سى سى و قدرة 118 حصان @ 5500 ار بى ام و عزم 180 نيوتن @ 3900 أر بى إم

بالنسبه للفتيس الأستيبترونيك هو موجود بال e46 بشكل عام مع نهايات عام 2000. الفتيس فى خاصية القياده العاديه, خاصية القياده الرياضيه "وفيها بيتم النقل من سرعة لأخرى عند أر بى إم اكبر من القياده العاديه يعنى على سبيل المثال فى وضعية ال d نقل الغيار بيكون عند ار بى إم 2 هيكون على ال ds نقل الغيار على ار بى ام 3", و فى النهايه وضعية القياده المانيوال و اللى فيها خاصيه بالفتيس تنقل اتوماتيكيا إذا ظلت السياره على غيار حتى وصول مؤشر الأر بى إم إلى الجزء الأحمر و لم تقم بنفسك بتعديل الغيار...

أنا لن استطيع افداتك فى عملية التبديل مع الجولف لأنى لم اركبها لكن بلا شك الجولف لها سمعه معروفه

[racing1]

متشكر جدا ياجماعه علي اهتمامكم
طيب بالنسبه للفرق ال هادفعه هل كويس ولا كتير؟؟

[fahd_628]

هو سعر الجولف فى حدود كام دلوقتى

انا رأى العربية الى حضرتك بتتكلم عليها دية من رينج 90 - 100 - 105 حسب الحالة برضة

[TheBuccaneer]

سعر ال e46 2000 بيبدأ من 95000 جنيه "لا تحتاج مصروف" - 100000 جنيه "شركه بالكامل" و قد يصل فى بعض الأحيان إلى ما فوق ال 100000 جنيه لكنها تكون بحاله شاذه كيلومتراج أقل من 100,000 كم, شركه بالكامل فى الدهان, إضافات

أنا لي لدى معرفه بسعر الجولف فور لذلك حضرتك اعرف ثمن الجولف فور مستعمل و بناءا عليه قدر حالة سيارتك و سعرها و من ثم اعرف الفرق المدفوع كبير و لا مناسب

[sheko_2000eg]

عاملت ايه طمننا يا معلم ؟؟؟