مساعده يا شباب

[can_be]

السلام عليكم ورحمه الله وبركاته

ازايكم يا شباب

انا كنت عايز اسال انا معروض عربيه استراد يعنى نصين وتقريبا اتلحموا تمام

فكنت عايز حد يقولى ايه عيوب الموضوع ده ولا عادى موضوع النصين دا

وجزاكم الله خير

[mada_diab]

انا عن نفسي اقلق الصراحة بس فيها ميزة انها استيراد وبتكون ارخص بكتير انا شايف انك تستخير وتسمع اراء الاعضاء الخبراء
ده رأ]] البسيط

[emadzaki]

هى ايه و بكام و كده يعنى ,.. احكى

[can_be]

هيا 325 موديل 2004 وبى 90 كوبيه وتقريبا عامله 89 الف

دا كل الى اعرفه عنها

[mik_e30]

بص العربية دي هتتعبك في الترخيص ومبتبقاش عمرها نفس متانة او ظبطة الفابريكا
بس ياريت تعرفنا ااعبية توعها اية ومعلومات اكتر عشان نفيدك

[mik_e30]

العربية اولا هتلاقي ضريبتها عالية جدا لان معداش علي موديلها 10 سنين غير ان الموتور دا شديد فا اي غلطة في لحام العربية هتكبر بسهولة وكمان الموتور دا هيستهلك كتير غير ان بعد ما ال10 سنين يعدو هتدفع عن كل سنة في المرور 1500 جنية تقريبا
دل لو كانت مترخصة اصلا
اما لو مكانتش مترخصة فايبق ابعد عنها لانك مش هتعرف ترخصها

[fahd_628]

انا رأى ابعد عنها !!!

[demo0900]

بلاش الانصاص دية لو الموتور حامي و جريت بالعربية مش بعيد العربية تتخلع من بعضها

[SHNORY]

هي العربيات دي بتترخص اصلا بطرق شرعيه ؟؟؟؟؟؟؟؟؟؟؟؟

[sheko_2000eg]

يتم اخذ رقم شاسية من اختها السيدان العادية و وضعه عليها و تترخص عادي مع كام الف رشوة ---
لكن انصحك بالابتعاد عنها لان مع مطب شديد هتلاقيها فكت من بعض و انا شفت ده بعيني

[TheBuccaneer]

السلام عليكم ورحمه الله وبركاته

ازايكم يا شباب

انا كنت عايز اسال انا معروض عربيه استراد يعنى نصين وتقريبا اتلحموا تمام

فكنت عايز حد يقولى ايه عيوب الموضوع ده ولا عادى موضوع النصين دا

وجزاكم الله خير

السلام عليكم ورحمة الله

سياره e46 325 2004 كوبيه بمبلغ 90000 جنيه سعر ممتاز جدا. مشكلة السياره الوحيده هى إنها نصفين مما يعنى تعقيد الترخيص و يجب وجود معرفة بالمرور لكى تستطيع ترخيصها بسلاسه لكن جزء إن اللحام يفك, أو كل هذا الكلام إن شاء الله لن يحدث لأن طريقة لحم السيارات المنصفه بيكون بشكل و طريقه معينه

[JOOOOOOOOOO]

شوف يا باشا اولا هي كوبيه بيتم شراء ورق سيارات حوادث مماثل لها لاخذ رقم الشاسيه والنمرتيين

وبيتم تجميع النصفين بطريقة معينة بمعني يتم اللحام من الداخل في العصب ويقفل من الخارج لحام وزي ما انتو فاهمين دا لحام اكسجين مش مثلا هتكون ملحومة بامير علشان تفك

وبيتم اخذ المقاسات من عربية سليمة علشان تطلع مظبوط ودلوقتي الاناس لما بتيجي تقطع القوايم بيقطعو بعيد عن الذنب علشان ماتبانش

وانا شوفت عربيات كتير كدا

[JOOOOOOOOOO]

انا واحد من الناس مش بحب كدا
مع انها مافيهاش حاجة بس ممكن لو حبيت ابيعها بعد كدا تتقل في البيع معايا

[can_be]

اولا جزاكم الله خير على الاهتمام والمتابعه

بس بجد انا زد حيره وهيا هل اجيبها ولا لا لانى اصلن معرفش هيا اتلحمت بضمير ولا ايه وكده

طيب حد يعرف مكان محترم ممكن اجيب حد منه يشوف العربيه ويقولى اي ظروفها يعنى كويسه ولا لا

وهل فعلا لو جريت ولا لبست مطب ممكن تتفك بجد منى ولا ايه وهل استهلكها فى البنزين هيبقى عالى اوى

وهل هعرف ارخصها ولا ايه اصلى الصراحه مش فاهم النقطه دى

وجزاكم الله خير

[fahd_628]

ممكن تواجة مشاكل جامدة فى الترخيص

و بالنسبة لأنها تتفك فا دة صعب يعنى !! لكنها مش حتبقى مظبوطة و فى اى حادثة لاقدر الله ممكن تبقى كارثة

و بعدين لما تيجى تبيها حيتخسف بتمنها الأرض و ممكن متعرفش تبيعها !

انا رأى لو عاوز تركب بى ام فعلا بلاش الأنصص و الكلام الفارغ دة !!