استفسار عن الموتور 1800is و تكلفتة

[hanyhosney]

انا يا جماعه كنت ناوي اسقط ال 2000 الاسود بس
رجعت في كلامي وفكيتني من الاشاعات المغرضه ال حوالين ال اي اس 1800
حاليا مفيش مشكله في قطع غياره
وحامي ورياضي
مش هنغير العفشه كلها الاماميه بس عشان الموتور ده تقيل
كنت قاعد مع حد من بره الحرفيين تاجر تقيل
وقالي والكردان هيفضل ونا هغير الكرونا بكرونا بنفس الرقم المناسب لكرونه عربيتي
وهركب فلتر رياضي طبعا
سؤالي الي شيكو
التعديلات ال انت بتقولها الهدف منها رفع مستوي الاداء اكتر ولا ايه؟
انا هجيب كراسي وهغير الاكصدامات وعندي الكهربا غايره هصلحها كلها
عايز اعرف حاجه لو هركب جنط 5 خرم ايه المطلوب تعديلو في العفشه؟
وشكرا

[sheko_2000eg]

اللي انا كتبو لو اتعمل كله هتاخد ال 140 حصان كاملين

و عشان تركب 5 خرم لازم تعديل في الطناير و نظام الفرامل

[DrJomaro]

أنا مسقط الموتور دا من سنتين عندي , انا كان موتوري الأصلي M40 ,من اللي أنا فهمتوا انك راكب e36
1-الموتور دا قواعده هيدروليك (جواها زيت) بس عادي ممكن تستعمل قواعدك عادي, أنا و اتنين كمان أعرفهم حطينا قواعد ال 25 الأبيض (أقوى .. كأنها قواعد سبور,بس فيه تزنيد خفيف ,أنا عن نفسي مش مضايقني)
2-الكردان نفس الطول لأنوا نفس الفتيس أصلا (مانيوال getrag 240
3-الكرونة بتاعة الموتور أصلا 4.10 ولكن اللي أنا فهمتوا ان عربيتك اوتوماتيك ,علشان كده أتوقع انها تكون أقصر, ممكن 4.27 أو 4.45 مفيش مشكلة أنا أصلا ركبت 4.45 و لغاية لما شلت الموتور مفيش IS طلع مني
4-الموتور دا اصلان بيجي بheader ,أنا في الشكمان ليا رأي كل واحد ليه حاجة يفضلها حسب انتا عايز الباور يكون فين و أزاي (يعني عايزه RPM واطي ولا عالي) لو مش عايز وجع دماغ ركب بتاع الموتور ,بس دا مش أحسن حاجة,علبة الشكمان ال IS أول حاجة تغيرها ب علبة مدخلها 2.5 أو
2.25
5-مش محتاج شداد موتور ,أكيد وجودوا أفضل بس هيا مش نازلة بيه أصلا من المصنع
6-الفرامل بردوا مش محتاجة ABS ,اصلا دا مش بيقوي الفرامل دا بيمنع ال Locking بس لكن مش أقوى ولا حاجة
7-نفس طرمبة الباور,كباس التكيف, ... تقريبا كل أدوات التغذية
8-البنزين تقريبا هوا هوا
9-فيه فرق كبير في السحب
10-لو حد هيركبوا مانيوال ركب الflywheel بتاعت ال M40 اخف بكتير من ال double mass flywheel بتاعتوا ,بتفرق كتير في الاولاتي والتاني
11-الموتور دا الكامات بتاعتوا adjustable فيها 6 درجات تقديم و تأخير و بردة الظبطة حسب سواقتك
12-الموتور دا FORGED Internals يعني يتحمل الرعد و ممكن يوصل RPM ل 7500 عادي , و لو حابب ممكن أدلك على ماقع بتعمل custom tuned chips ليه و مش غالية أوي
13- الموتور فيه knock sensor ,حساس تسقيف و ده مكنشي موجود في النسخة اللي نزلت في الي e30 يعني ينفع تحط بنزين 90,92,95 الموتور هوا لوحده هيأخر الكهرباء أو يقدمها
14-فيه DISA و دا solenoid على Intake manifold بيتحكم في طوله فا كأنك مركب short intake mani بيقولوا بيفرق 5% و دا حاجة راكبة تحت البوابة, لو سألت أي ميكانيكي هيقولك دا بتاع البيئة يا بيه
15-البوابة بتاعتوا بتفتح على مرحلتين ,واحدة و أنتا دايس نص دوس علشان متكلشي بنزين,التانية لما تدوس على الأخر الاتنين يفتحوا

بص أنا ممكن أقعد أحكي عنوا لبكرة, الموتور دا عبقري دا فيه رشاشات زيت جوا الموتور علشان تبرد البساتم,لو عندك اي سؤال فيه أنا أكون سعيد اني أجاوبك
أنا أصلا كنت حاطوا علشان اتربنوا
, انتظر قريبا IS متربن ,مش أنا دا واحد صاحبي :-)
دا IS مع 20 :-)

Stock E30 sprint 320i vs. 318is - YouTube

E36 318is VS E30 325i

E36 318is VS E30 325i - YouTube

[sheko_2000eg]

أنا مسقط الموتور دا من سنتين عندي , انا كان موتوري الأصلي m40 ,من اللي أنا فهمتوا انك راكب e36
1-الموتور دا قواعده هيدروليك (جواها زيت) بس عادي ممكن تستعمل قواعدك عادي, أنا و اتنين كمان أعرفهم حطينا قواعد ال 25 الأبيض (أقوى .. كأنها قواعد سبور,بس فيه تزنيد خفيف ,أنا عن نفسي مش مضايقني)
2-الكردان نفس الطول لأنوا نفس الفتيس أصلا (مانيوال getrag 240
3-الكرونة بتاعة الموتور أصلا 4.10 ولكن اللي أنا فهمتوا ان عربيتك اوتوماتيك ,علشان كده أتوقع انها تكون أقصر, ممكن 4.27 أو 4.45 مفيش مشكلة أنا أصلا ركبت 4.45 و لغاية لما شلت الموتور مفيش is طلع مني
4-الموتور دا اصلان بيجي بheader ,أنا في الشكمان ليا رأي كل واحد ليه حاجة يفضلها حسب انتا عايز الباور يكون فين و أزاي (يعني عايزه rpm واطي ولا عالي) لو مش عايز وجع دماغ ركب بتاع الموتور ,بس دا مش أحسن حاجة,علبة الشكمان ال is أول حاجة تغيرها ب علبة مدخلها 2.5 أو
2.25
5-مش محتاج شداد موتور ,أكيد وجودوا أفضل بس هيا مش نازلة بيه أصلا من المصنع
6-الفرامل بردوا مش محتاجة abs ,اصلا دا مش بيقوي الفرامل دا بيمنع ال locking بس لكن مش أقوى ولا حاجة
7-نفس طرمبة الباور,كباس التكيف, ... تقريبا كل أدوات التغذية
8-البنزين تقريبا هوا هوا
9-فيه فرق كبير في السحب
10-لو حد هيركبوا مانيوال ركب الflywheel بتاعت ال m40 اخف بكتير من ال double mass flywheel بتاعتوا ,بتفرق كتير في الاولاتي والتاني
11-الموتور دا الكامات بتاعتوا adjustable فيها 6 درجات تقديم و تأخير و بردة الظبطة حسب سواقتك
12-الموتور دا forged internals يعني يتحمل الرعد و ممكن يوصل rpm ل 7500 عادي , و لو حابب ممكن أدلك على ماقع بتعمل custom tuned chips ليه و مش غالية أوي
13- الموتور فيه knock sensor ,حساس تسقيف و ده مكنشي موجود في النسخة اللي نزلت في الي e30 يعني ينفع تحط بنزين 90,92,95 الموتور هوا لوحده هيأخر الكهرباء أو يقدمها
14-فيه disa و دا solenoid على intake manifold بيتحكم في طوله فا كأنك مركب short intake mani بيقولوا بيفرق 5% و دا حاجة راكبة تحت البوابة, لو سألت أي ميكانيكي هيقولك دا بتاع البيئة يا بيه
15-البوابة بتاعتوا بتفتح على مرحلتين ,واحدة و أنتا دايس نص دوس علشان متكلشي بنزين,التانية لما تدوس على الأخر الاتنين يفتحوا

بص أنا ممكن أقعد أحكي عنوا لبكرة, الموتور دا عبقري دا فيه رشاشات زيت جوا الموتور علشان تبرد البساتم,لو عندك اي سؤال فيه أنا أكون سعيد اني أجاوبك
أنا أصلا كنت حاطوا علشان اتربنوا
, انتظر قريبا is متربن ,مش أنا دا واحد صاحبي :-)
دا is مع 20 :-)

كلامك ممتاز جداً و تقرير ممتاز مشاء الله
يدل عن تجربة حقيقية

لكن ليا كام سؤال
ماتورك كان راكب في عربية ايه ؟
يا تري هل قمت بقياس الهورس باور علي الكمبيوتر ؟
ما هو نعديل الفرامل اللي كنت عامله و يا ريت بالتفصيل عشان الاعضاء تستفيد ؟
و شكرا ليك يا زميلنا العزيز

[m000dy]

كلام جميل لكن اللى سمعته من ملاكل الموتور ده
انه خشن شويه
قطع غياره فعلا غاليه مثال على كده
الشكمان ب 1200 جنيه
سلك البوجيهات استيراد طبعا ب 500 جنيه
المكنه دى اغلب التجار مش بيفكوا منها حاجه وان فكوا بيبعوها غاليه لانها قليله وده بيسيب عندهم قطع غيار كتير غير مطلوبه لقلة اعطالها عشان كده بيطلعوه كامل
دى معلوماتى عل ىالموتور ده وانا اسمع عنه سمع خير وشوفته بعينى فى اوتوكروس السنه اللى قبل اللى فاتت فعلا كان بيقلب الاسفلت :)

[DrJomaro]

كلامك ممتاز جداً و تقرير ممتاز مشاء الله
يدل عن تجربة حقيقية

لكن ليا كام سؤال
ماتورك كان راكب في عربية ايه ؟
E30
يا تري هل قمت بقياس الهورس باور علي الكمبيوتر ؟
قصدك على dyno لأ ,موتوري كان وارد يابان ,أوتوماتيك, واخده من نص E36 مية الرادياتيرالخضرا لسة موجودة فية,والموتور موجود و بينزل دلوقتي في
E21
أحنا كنا أكتر من 3 IS ,و كنا بنجرب كل حاجة
chips
تعديل كامات
شكمان
Flywheels
كوارين للصبح
و حاجات كتير
ما هو نعديل الفرامل اللي كنت عامله و يا ريت بالتفصيل عشان الاعضاء تستفيد ؟
مفيش اي تعديل في الفرامل ,حجم الطنبورة في كلوا واحد 266 مم الفرق في الهوايات و دي تفرق في الفرامل المستمرة المتواصلة ,الي مش بتحصل في ظروف القيادة الطبيعية من شد و غرز لكن في track ممكن, فيه ناس حاطه 35 علي نفس الفرامل
و شكرا ليك يا زميلنا العزيز

[DrJomaro]

[QUOTE=m000dy;3874088686]كلام جميل لكن اللى سمعته من ملاكل الموتور ده
انه خشن شويه
هوا فعلا خشن
قطع غياره فعلا غاليه مثال على كده
الشكمان ب 1200 جنيه
مش أوي كده كان عند لطفي ب800, نصيحة سيبك من الشكمان بتاعوا Straight 2.5 للأخر
سلك البوجيهات استيراد طبعا ب 500 جنيه
اللأربع أسلاك ب 200 جنيه
المكنه دى اغلب التجار مش بيفكوا منها حاجه وان فكوا بيبعوها غاليه لانها قليله وده بيسيب عندهم قطع غيار كتير غير مطلوبه لقلة اعطالها عشان كده بيطلعوه كامل
فيه حاجات كتيرة مشتركة مع الM40,M43
دى معلوماتى عل ىالموتور ده وانا اسمع عنه سمع خير وشوفته بعينى فى اوتوكروس السنه اللى قبل اللى فاتت فعلا كان بيقلب الاسفلت :)[/QU
أحلى حاجة فيه انوا وزنه خفيف, ف مش بيعمل under steering ,و العربية بيكون متوازنة جدا,كنت بدخل ملفات بسرعات عالية جدا ,مقدرش اعملها ب ال25 بتاعت أخويا

[DrJomaro]

بالنسبة للعفشة , الموتور دا بينزل ب مساعدين 6 سلندر ال 51 ملم
أنا عندي كنت مركب Belstien الأصفر بتوع ال 6سلندرقدام و و را
و فرامل الورا سكاكين زي ما هوا أصلا نازل , بس والله مش لازم , أنا أصلا الفرامل ال Drums ورا كانت أحسن :-(

حاجة واحدة بس فيه موديلات منه فيها EWS دي اللي 95 و طالع,فخلي بالك من طقم الدوارة

[m000dy]

ماله طقم الدواره ؟
انا بفكر اسقط واحد والموضوع بدأ ياكللى فى دماغى بس خايف من المصاريف
عشان كده عاوز اسقطه باقل تكلفه ممكنه وباعلى اداء ممكن

[waleed_sat]

تسلم أخى DrJomaro على تقريرك المفصل

وكلامك سليم تمام عن تجربة

ولكنى لا استطيع أن أتجاهل موضوع الفرامل والتدقيق فى المراجعه عليها

خاصة إنه موتور مغرى للجرى بشكل كبير

تحياتى وتقديرى

[faroukzen]

هو سعر الموتور لوحده كام

هو سعر الموتور لوحده كام من غير تكلفه التغيرات الاخرى لان انا معايا بى امe28 وعاوز اركبلها الموتور دهفهل هينفع ولا لا وياريت حضراتكم تعرفونا تمن الموتور لوحده كام

[waleed_sat]

هو سعر الموتور لوحده كام من غير تكلفه التغيرات الاخرى لان انا معايا بى امe28 وعاوز اركبلها الموتور دهفهل هينفع ولا لا وياريت حضراتكم تعرفونا تمن الموتور لوحده كام

4000 جنيه

[faroukzen]

هو سعر الموتور لوحده كام

يعنى التكلفه هتوصل الى 9000 جنيه

[3llaam]

طيب خد خطواط تغير للموتور ال 1800 is 140 h.p :
1- قواعد ماتور 250 ج
2- ضفيرة كاملة بالكنترول يونيت 1500ج
3- كارونة لوك 950 ج
4- طابلوة m بالعدادات 1400 ج
5- شداد موتور 1000 ج
6- ارضي كهربا رياضي 200 ج
7- تغير نظام الفرامل الي abs
1200 ج
9- عدة شكمان رياضية 2.5 بوصة استانلس + ديفل اورجينال 1500 ج

لو عاملت الكلام ده اضمنلك انك تاخد ال 140 حصان و تخيط اي موتور لغاية ال 2500 سي سي
اي سؤال انا في الخدمة

بجد الموضوع ده مفيد جداا ,, وديما معلوماتك مفيده يا شيكو ربنا يباركلك والله ,, انا اسف على المداخله بس انا كنت عايز اعرف هل كل الكلام ده لازم يتعمل وانا وبركب ال 1800 في e21 ,, انا ببدأفي شدها فعلا وعايز اعرف عشان محدش يضحك عليا وخصوصا اني جديد علي البي ام و سألت علي الموتور عند ( السكب ) 5000 بالضفيره والفتيس وعند سيد حربى ب 4000 ,, هل السعر ده من غير كل الحاجات الي انت وضحتها ؟؟ أسف للإطاله و جازاك الله خيرا

[Volvodrifter46]

طيب ياجماعة حد يعرف تكلفة تركيب تيربو علي المطور كام؟؟ (عربية Volvo 244 '76