أرجو الدخول للاهمية القصوي

[ahmedgogo]

السلام عليكم ورحمة الله وبركاته

بصوا يا جماعه انا معايا بي ام 316 كوبيه موديل 80 وعاوز اسقطلها موتور انجكشن بس يكون موديل التسعينات ويكون 4 سليندر
المهم بقي عاوز اعرف التكلفة بالظبط في حدود كام وكمان في ناس رشحولي m3 من 1997 الي 2000 4 سليندر 1800cc فالو دا كويس تكلفته كام بردوه واجيبه منين بقي دا الاهم من كل حاجة
واكون شاكر ليكم حسن تعاونكم معي

[hanyhosney]

ام 3 4 سليندر 1800
مفيش حاجه اسمها كده هما اكيد اصدهم m42b18
ده موتور رياضي عامل بكل مشتملاته حوالي 7500
لكم مش m3
خالص
ده من الحرفيين
بس معرفش الشارك تستحمله ولا لا
لان انت بتقول موديل 80
وايه ال محتاج يتغير
عندك

[sheko_2000eg]

هات موتور 1800 is
بكل حاجته ب 5500

[ahmedgogo]

انا معاك ان ماتور 1800is ماتور كويس جدا بس انا سمعت من بعض الاخوة هنا وفي مناطق تانية ان قطع غياره نادرة شوية ايه رايك
ممكن اعرف لو انا سقطت ماتور نفس موديل الاعربيه بس موديل التسعينات يبقي ايه احسن واحد

[ahmedgogo]

بصوا يا جماعه انا عاوزكم تفهموا اللي في دماغي انا عاوز احس ان انا راكب عربيه حديثة شويه مش اكتر من كدا يعني ولا عاوز عربيه اجري بيها ولا اي حاجة خالص وكمان يكون الماتور كووووووووووووويس مش كل شويه عند ميكانيكي وياااااااااريت يكون حاجة حنينه ياااااااريت نظرا للظروف

[sheko_2000eg]

عايز ماتور يحسسك بان العربية جديدة
هات ماتور فوق 1998 مهما كان عدد السي سي

[ahmedgogo]

شكرا اخ شيكو علي الرد والاهتمام واكيد هرجع ليكم تاني ان شاء الله وربنا يوفقني ويوفقكم

[sheko_2000eg]

ربنا يرزقك بالخير ليك باذن الله
و في انتظار تقريرك

[memo55_66]

هات موتور 1800 is
بكل حاجته ب 5500

ازاي اقدر افرق بين الموتور ال is و العادي ؟؟

[memo55_66]

هات موتور 1800 is
بكل حاجته ب 5500

شيكو باشا
ازاي اقدر افرق بين الموتور ال is و العادي لما اجي اشتريه ؟؟
و10000 شكر يا باشا

[maskeen]

سؤال ساذج ياخبراء
هو الموتور الاستعمال ده يتعرف منين هو ماشى كام كيلو؟ ولا الموتور يكون عامل 250 الف ماتعرفش؟

[sheko_2000eg]

سؤال ساذج ياخبراء
هو الموتور الاستعمال ده يتعرف منين هو ماشى كام كيلو؟ ولا الموتور يكون عامل 250 الف ماتعرفش؟

للاسف صعب جدا تعرف الموضوع ده لكن
1- حاول تاخد ماتور من نص كامل و يتفك امامك و بص علي العدادات و انت تعرف كان ماشي كام.
2- تاخد الماتور علي عماك و خلاص بس قبل متسقطه في العربية ( طلع سير الكاتينة و شوف حالته ايه - شوف في تعريق زيت و لا لأ - شوف وش السلندر عامل ازاي - فك غطا التاكيهات و شوف الزيت و البلوف نضاف و لا مسودين - و طلع البوجيهات و شوفهم متفحمين و لا لأ )
لو كل ده مزبوط تباه المكنة مش ماشية كتير يعني ممكن تكون يدوب 100 الف او اقل كمان.

و اي حاجة اسأل و انا اجوبك

[sheko_2000eg]

شيكو باشا
ازاي اقدر افرق بين الموتور ال is و العادي لما اجي اشتريه ؟؟
و10000 شكر يا باشا

دي أنواع المواتير ال 1800CC أنا وضعت لك كل واحد ومواصفاته مع العلم إن الأجزاء الداخلية للمحركات ده كلها واحده بس بيكون الفرق فى عزم الموتور و قدرته الحصانيه و الشكل الخارجى

M40
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 540x494 الابعاد 45KB.
4 سليندر, 8 صباب, وزنه تقريبا 81 كيلو
استخدم من سنة 1987 إلى 1993
استخدم فى ال E30 316i/318i 1987, وفى ال E34 518i, وفى ال E36 حتى سنة 1993
ال 1600 بيكون 102 حصان, ال 1800 بيكون 122 حصان

M42

4 سليندر, 16 صباب, وزنه تقريبا 100 كيلو
استخدم من سنة 1989 إلى 1996
استخدم فى ال E30 وال E36 ال 318is فقط. استخدم فى ال Z3
1800 قدرة الحصانية مختلفه على حسب وزن العربيه بيبدأ من 138 حصان إلى 142 حصان

M43

4 سليندر, 8 صباب, وزنه تقريبا 83 كيلو
استخدم من سنة 1993 إلى 1996
استخدم فى ال E36 316i/318i, وفى ال E34/39 518i
ال 1600 بيكون 102 حصان, ال 1800 بيكون 115 حصان

M43TU
4 سليندر, 8 صباب, 83 كيلو
استخدم فى ال E46 318i
1900CC بيكون 118 حصان

M44
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 700x500 الابعاد 61KB.
4 سليندر, 8 صباب, وزنه تقريبا 102 كيلو
استخدم فى ال E36 318is, Z3
1900CC بيكون من 142 حصان إلى 150 حصان

كل أنواع المحركات اللى فوق ده ممكن وضعها فى العربية عندك, طبعا هو أحسن واحد فيهم ال M44 ده حضرتك هتلاقيه موجود فى ال E46 هو طبعا فيه منه فى ال E36 بس مش كتير. لكن هو الأساس بتاع ال E46. حضرتك هتلاحظ فرق بين ال M42 وال M43 فى ال Block هتلاقي فيه واحد لونه أسود و الثانى لأ فى الجزء اللى مكتوب عليه كلمة BMW. كمان حضرتك هتلاقى كل من M42, M43, M44 كلهم نفس الشكل لكن هتلاقى إن ال M44 الغطاء اللى فوق الموتور بيكون Fiber.

ده تقرير كان عمرو عاملو قبل كده
و اي خدمة