زائر من قسم الفيات_316 بقا 325 !!! :))

[smsm_nabawy]

السلام عليكم ،، أنا زائر من قسم الفيات و طالب نصيحتكم

بسم الله الرحمن الرحيم

صديق ليا بيدور على عربية بي أم دبانة ،، لاقى عربية بي أم دبانة 316 !! صاحبها مسقطلها موتور 2000 سي سي بس مش موتور أم باور !!

لا موتور بي ام عادي و حط من ورا العلامة بتاعت 325 !! :)) قال يعني !!!

المهم الراجل مرخصها و كل حاجة !!

هوا بيقول أن الموتور متسقط من 4 شهر فقط !! سعته 2000 سي سي

العربية موديل 1993 !!

و الموتور نسيت موديل كام بصراحة !! يعني قصدي متاخد من عربية موديل كام

هوا قال أنه مغير العفشة بالكامل جديد

انا لقيت المساعدين الي ورا ناشفين و حلوين !! لكن الي قدام كانو طريين أوي !! و شايف انهم مش مستحملين الموتور ال 2000 سي سي الثقيل أوي دي

الموتور V6

هوا قال أنه معدل الأكزوزت و مغيره كله من الهيدرز لحد الآخر سألته معدله كام أنش قالي 6 أنش !! مش عارف صراحة أقولكم أيه !!

أنا واحد في كلية هندسة ،، أي نعم مش هندسة ميكانيكية ،، لكني بحضر سكاشن أنترنال و محاضرتها مع صحابي بتوع ميكانيكا !! و كمان فلويد أخدتها في القسم بتاعي و كمان حضرتها مع ميكانيكا !!

و عامل موضوع في حكاية تعديل الأكزوزت ده !! و الموضوع بجد تعبت فيه جداً جداً !!! و الحمد لله ملم بمعلومات متواضعة عن العربيات و تعديلها و كذلك العادم و تعديله !!! أي نعم مبفهمش في البي أم !!
لكن لما واحد يجي يقولي العربية دي متعدلها هيدرز !! أسأله هيدرز بالأنابيب ،، يقولي أه ،، أقوله كام أنش !! يقولي 6 أنش !!
أقوله ليه هيا متربنة ،، يقولي لا "ده موتور في 6" !!!!
اقوله و أنا مالي بال V6 على عيني و راسي ،، أنا ليا بالسي سي !! هيا متربنة ،، علشان تحطلها 6 أنش !! يقولي لالا !! مش متربنة ،، بس ده موتور V6 !!
مكدبش عليكم ،، انا سكت !1 و قولت في ضميري ،، الراجل ده بيتكلم كتير !!

مع العلم !! العربية من الخارج حالتها العامة جميلة جداً ماشاء الله
فتحة سقف !
السقف الي جوا واقع بس مش مهم !!
محتاجة تغير طقم كاوتش كامل !! هوا قالي الكاوتش الي ورا يمين بس ،، بس أنا مش حغير فردة واحدة يعني !! :))) دي تبقى نتانة أوي
أنا دلوقتي سؤالي عن جزئيات معينة من عتاولة القسم !!

1-العربيةى دي تسوى كاام ؟؟
2-لما روح أعمل قياس كبس موتور في التوكيل بتاع البي أم !! المفروض لو حالته حلوة ،، يطلع كام ؟؟
3-أستهلاك البنزين في الحلات الطبيعية و جوا البلد و مع المشي ،، كتير ولا ؟؟
4-قطع الغيار ؟؟؟مكلفة أوي ولا ؟؟
5-حكاية الهيدرز دي "علشان مكنش ظلمت الراجل" !!!
هوا في بي ام موتورها 2000 عادي "او أي عربية أصلاً" !! موتورها 2000 سي سي مش متربن و الأنابيب بتاعته متعدلة و قطرها 6 أنش !!!!!!!!!!!!!!!!!!!!
سواء V6 بقا او لا !!

مع العلم !! الراجل طالب فيها 67 ألف جنيه تقريباً

العربية وارد أمريكا

[fahd_628]

اولا العربية Inline 6 مش V6 !

و انت ممكن تقيس الكبس فى البنزينة و حيقولك كام %

و بعدين مستحيل ماسورة عادم 6 انش !!! لية !! هية مقطورة !!!!

و العربية سعرها فى الحدود دية

و على فكرة الموتور ال M 3000 او 3200 سى سى مفيش 2000 سى سى فى ال E36 M !

[smsm_nabawy]

يا اخي والله ربنا يكرمك !! أنا مش عارف أقولك أيه ،، انت رجعتلي ثقتي في معلوماتي !!

[hanyhosney]

هو مسقط موتور 2000 سي سي اسود
علي العربيه
لكن هو مش موتور ام
هو السؤال
هي 6 سلندر اصلا ولا لا
اتا مقدرش افيدك في موضوع الهيدر مع اني لسه كنت مع واحد وبرضو عامل شغل وبيقولي مركب هيدر نيكل ولا استانلس
المهم
السعر ممكن ينزل حسب الحاله انا كانت قدامي واحده نفس الموتور والموديل وجنط 18
بس فيها شويه شغل
ب 56
و5 شغل 61
انت شوف هتنزل كام بس انا مكنش فتحت سقف لكن كان معدلها ام العدادات والفتيس
الاستهلاك تحت 3 ار بي ام ظريف
هتتهور هتتعوور

[sheko_2000eg]

أنا دلوقتي سؤالي عن جزئيات معينة من عتاولة القسم !!

1-العربيةى دي تسوى كاام ؟؟
من 65 الي 70 الف

2-لما روح أعمل قياس كبس موتور في التوكيل بتاع البي أم !! المفروض لو حالته حلوة ،، يطلع كام ؟؟

روح اعمل قياس الكبس في بنزينة لو اقل من 60% يباه ابد عن العربية لان البي ام ماتوررررر

3-أستهلاك البنزين في الحلات الطبيعية و جوا البلد و مع المشي ،، كتير ولا ؟؟
الماتور ده بيستهلك بنزين شوية خالي بالك يعني الصفيحة تعمل 150 الي 180 كيلو تقريبا
4-قطع الغيار ؟؟؟مكلفة أوي ولا ؟؟
لا متقلقش من قطع الغيار في متناول الجميع و زي الرز .

5-حكاية الهيدرز دي "علشان مكنش ظلمت الراجل" !!!
هوا في بي ام موتورها 2000 عادي "او أي عربية أصلاً" !! موتورها 2000 سي سي مش

الماتور ده هو الماتور الاسود مش m و ده مشكله كتير و استهلاك البنزين كتير لكن ماتور عفي .
متربن و الأنابيب بتاعته متعدلة و قطرها 6 أنش !!!!!!!!!!!!!!!!!!!!:b4_564:
سواء v6 بقا او لا !!
هههههههههههههههههههه هو اخره 2.5 اكتر من كده يباه بيستعبط
وزي مقالك فهد هي مش v6 .


مع العلم !! الراجل طالب فيها 67 ألف جنيه تقريباً
معقول مش وحش

العربية وارد أمريكا

اي سؤال تاني احنا في الخدمة .

[hanyhosney]

ازاي يا شيكو دبانه ينزل فيها موتور ابيض
لا ده اسود وغالبا فانوس
انا لو لقيت الموتور في العربيه ماخدها ب 50 الف

[sheko_2000eg]

ازاي يا شيكو دبانه ينزل فيها موتور ابيض
لا ده اسود وغالبا فانوس
انا لو لقيت الموتور في العربيه ماخدها ب 50 الف

مين جاب سيرة الماتور الابيض ؟؟؟؟؟؟؟؟

[m000dy]

لتصحيح المعلومات بس
الموتور الابيض بيبقى ال 25
والموتور ده حامى واداءه عالى
اختلف معاك يا شيكو فى استهلاك البنزين وكمان مشاكله مش كتير ولا حاجه بالعكس المكنه دى ناعمه ومن اجمل المكن اللى تحب تسمع صرخته اما يشد :)
اتنين صحابى مركبينه منهم واحد استوك لان عربيته فئة خامسه وبسم الله ما شاء الله

[creative_art]

الموتور 6 سلندر ولونه سيلفر .. والراجل تقريبا كان قايل انه موديل الفينات .. يعنى 2000 - 2001 كدا يعنى ... بس فيه حاجات مستغربلها يعنى هوا ازاى موتور 2000 وهوا كاتب ورا 325 عشان الى اعرفه ان الموديل 325 بيبقى مكنه 2500 ..


وطبعا شكر لأخويا وحبيبي سمسم والراجل كان واقف معايا وشافها وواقع فى نفس حيرتى بالظبط

انا كل الى قالقنى المكنه واستهلاك البنزين مش اكتر ...

يعنى على سبيل المثال المكنه تحس انها محشوره فى الحوض وعلى قده بالظبط لدرجة انك متقدرش ترفعها من مكانها ..


كمان فيه حاجه زي لحام فى الناحيه الليمين من الحوض .. انا قريت فى المنتدى انه طبيعي فى كل ال e36 بس السوأل ازاى اتاكد انه مش مركب 8\1 امامى

و العداد بتاعها بال MILE عشان استيراد من امريكا .. لو حيت اغيرلها عداد بالكيلومتر تمنه يعمل كام

[sheko_2000eg]

الموتور 6 سلندر ولونه سيلفر .. والراجل تقريبا كان قايل انه موديل الفينات .. يعنى 2000 - 2001 كدا يعنى ... بس فيه حاجات مستغربلها يعنى هوا ازاى موتور 2000 وهوا كاتب ورا 325 عشان الى اعرفه ان الموديل 325 بيبقى مكنه 2500 ..
الرقم اللي علي العربية من ورا ده ممكن يتغير عادي جدا -- مش مقياس



انا كل الى قالقنى المكنه واستهلاك البنزين مش اكتر ...
تم الرد علي الموضوع ده

يعنى على سبيل المثال المكنه تحس انها محشوره فى الحوض وعلى قده بالظبط لدرجة انك متقدرش ترفعها من مكانها ..
ههههههههه متقلقش عادي


كمان فيه حاجه زي لحام فى الناحيه الليمين من الحوض .. انا قريت فى المنتدى انه طبيعي فى كل ال e36 بس السوأل ازاى اتاكد انه مش مركب 8\1 امامى
خد العربية عاند سمكري كويس و هو هيقولك مغيره و لا لأ

و العداد بتاعها بال MILE عشان استيراد من امريكا .. لو حيت اغيرلها عداد بالكيلومتر تمنه يعمل كام
عادي العداد موجود الطقم ب 150 ج و عداد الكيلو لوحده ب 75

[hanyhosney]

لا دا انا كده كبرت وخرفت بجد
ايه ال خلاني افتكر انك بتقول ده موتور ابيض
معلش يا شريف
كان بقالي كام يوم منمتش
والاي ثرتي لما حبيت ابيعها مادارتش
واشتغالات بس الحمد لله دورتها
بس اعصابي باظت

[sheko_2000eg]

لا دا انا كده كبرت وخرفت بجد
ايه ال خلاني افتكر انك بتقول ده موتور ابيض
معلش يا شريف
كان بقالي كام يوم منمتش
والاي ثرتي لما حبيت ابيعها مادارتش
واشتغالات بس الحمد لله دورتها
بس اعصابي باظت

يا هاني انت حبيبي و الله و لا يهمك
و ياريت لو تشرفنا باه علي الجروب هتموت ضحك
Welcome to Facebook - Log In, Sign Up or Learn More