استفسار بخصوص 316 زيرو

[KHALED AYMAN]

السلام عليكم ...
اول موضوع ليا هنا اعتقد
و طبعا ده شرف ليا ...
الموضوع و ما فيه
اانا معايا فيكترا سى موديل 2008 توب لاين ..
ما شاء الله العربيه سحبها حلو جداااااااا و ثابته جدااا و فيها اوبشنز كتير ...فتحه سقف زينون عالى وواطى بخاخات كراسى كهرباء سخانات كراسى ...و esp و حاجات تانيه كتير
لكن
الحلو ميكملش
العربيه فيها مشاكل كتير جدااا
و قررت ابيعها
طبعا صعب انزل لحاجه غير الالمانى ..و من المستحيل انزل بمستوى الثبات و الامان ..خصوصا انى بجرى جامد نظرا لانى بسافر كتير على طرق تخلو من البشر :)
المهم قولت اجيب فانتازيا ..العربيه مع الحاج و كان معاه قبلها اوكتافيا بردو و اعطالها شبه معدومه ..و على قدر محترم من الثبات و الامان (دخلت باوكتافيا فى سور خرسانه على 120 و الحمد لله ربنا نجانى)
بس فى عيب فى فئه الفيكترا و الاوكتافيا و الجيتا
العزل مش متميز فى العربيات دى
يا اما تلاقى الصالون كله بيزيق
يا العفشه صوتها عالى !
وانا بتخنق جدا من اصوات التزييق و لقيتها فعلا فى معظم الفيكترا السى
والاوكتافيا عفشتها صوتها عالى و مستفز الى حد ما ..و عزل العربيه مش كويس اوى برده
فقولت اطلع بالفئه شويه صغيرين
الاوبشنز مش مهمه ..
انا عاوز
1-عربيه ثابته جدا (تكون اثبت من الفيكترا)
2-سحبها لا يقل عن الفيكترا
3-امااااااااااااااااااااااااااااااااااااان
4-اعطال قليله ..و تكون فعلا اعتماديه ..مش بعد 100 الف كم الاقى العربيه كأنها بقالى 20 سنه معايا ...(شكلا الفيكترا مش باين عليها ...بس انا راكبها من الزيرو و عارف ) ..بمعنى مش بعد 100 الف كم العربيه تزيق ..و العفشه صوتها يعلى ..و اصوات خشونه بقى و الكلام ده
5-الصيانه الدوريه متكونش مكلفه (بغض النظر عن صيانه ال 60 الف ) ...قطع الغيار الغير دوريه لو غاليه مش مشكله (لان مفروض متتغيرش ولو اتغيرت هتبقى نادرااااااااااااا) ولا ايه ؟؟
المهم وقع الاختيار على 316 مانيوال ...(غاوى مانيوال اولا و نفسى اركبه من زمان ..ثانيا عشان الميزانيه بردو ..
سعرها كام بالظبط ؟
و هل فعلا تخلو من العيوب الى ذكرتها فوق ؟
يا ريت حد يقولى الاوبشنز الى فيها ايه بالظبط ..و يكلمنى عن الثبات ..السحب ..العزل ..التوكيل ..اسعار الصيانات ..كده يعنى
طبعا الشكل الجديد انا عارف انه نازل خلاص ...بس خلينا مبدئيا فى الشكل الحالى ..
وشكرا مقدما ...

[fahd_628]

السلام عليكم ...
اول موضوع ليا هنا اعتقد
و طبعا ده شرف ليا ...
الموضوع و ما فيه
اانا معايا فيكترا سى موديل 2008 توب لاين ..
ما شاء الله العربيه سحبها حلو جداااااااا و ثابته جدااا و فيها اوبشنز كتير ...فتحه سقف زينون عالى وواطى بخاخات كراسى كهرباء سخانات كراسى ...و esp و حاجات تانيه كتير
لكن
الحلو ميكملش
العربيه فيها مشاكل كتير جدااا
و قررت ابيعها
طبعا صعب انزل لحاجه غير الالمانى ..و من المستحيل انزل بمستوى الثبات و الامان ..خصوصا انى بجرى جامد نظرا لانى بسافر كتير على طرق تخلو من البشر :)
المهم قولت اجيب فانتازيا ..العربيه مع الحاج و كان معاه قبلها اوكتافيا بردو و اعطالها شبه معدومه ..و على قدر محترم من الثبات و الامان (دخلت باوكتافيا فى سور خرسانه على 120 و الحمد لله ربنا نجانى)
بس فى عيب فى فئه الفيكترا و الاوكتافيا و الجيتا
العزل مش متميز فى العربيات دى
يا اما تلاقى الصالون كله بيزيق
يا العفشه صوتها عالى !
وانا بتخنق جدا من اصوات التزييق و لقيتها فعلا فى معظم الفيكترا السى
والاوكتافيا عفشتها صوتها عالى و مستفز الى حد ما ..و عزل العربيه مش كويس اوى برده
فقولت اطلع بالفئه شويه صغيرين
الاوبشنز مش مهمه ..
انا عاوز
1-عربيه ثابته جدا (تكون اثبت من الفيكترا)
2-سحبها لا يقل عن الفيكترا
3-امااااااااااااااااااااااااااااااااااااان
4-اعطال قليله ..و تكون فعلا اعتماديه ..مش بعد 100 الف كم الاقى العربيه كأنها بقالى 20 سنه معايا ...(شكلا الفيكترا مش باين عليها ...بس انا راكبها من الزيرو و عارف ) ..بمعنى مش بعد 100 الف كم العربيه تزيق ..و العفشه صوتها يعلى ..و اصوات خشونه بقى و الكلام ده
5-الصيانه الدوريه متكونش مكلفه (بغض النظر عن صيانه ال 60 الف ) ...قطع الغيار الغير دوريه لو غاليه مش مشكله (لان مفروض متتغيرش ولو اتغيرت هتبقى نادرااااااااااااا) ولا ايه ؟؟
المهم وقع الاختيار على 316 مانيوال ...(غاوى مانيوال اولا و نفسى اركبه من زمان ..ثانيا عشان الميزانيه بردو ..
سعرها كام بالظبط ؟
و هل فعلا تخلو من العيوب الى ذكرتها فوق ؟
يا ريت حد يقولى الاوبشنز الى فيها ايه بالظبط ..و يكلمنى عن الثبات ..السحب ..العزل ..التوكيل ..اسعار الصيانات ..كده يعنى
طبعا الشكل الجديد انا عارف انه نازل خلاص ...بس خلينا مبدئيا فى الشكل الحالى ..
وشكرا مقدما ...

السلام عليكم

اولا ربنا يعينك على عربيتك انا كنت بقرأ المواضيع بتاعتك و فعلا عربية سيئة

انا صاحبى ( لو تفتكرة قابلتة فى التوكيل الى كان معاة استرا انجوى ) باعها و خسر فيها و مكنش حد عاوز ياخدها اصلا !!!

المهم

اولا دلوقتى مفيش 316i جديدة مانيوال :)

كلة اوتوماتيك

الى حتلاقية مانيوال حيبقى موديل 2007 او حاجة كدة و مستعمل طبعا

بالنسبة للثبات فا ال BMW معروفة ( بس لازم تكون عفشتها مية مية مش تعبانة شوية )

السحب ... حتبقى ابطأ من الفيكترا

امان خمس نجوم :)

اعطال مافيش ان شاء الله لو محافظ عليها و بعدين ال 316i تقفيل المانى مش مصرى :)

نصيحة لو تقدر تزود لل 318 او لل 320 تبقى زى الفل و فى ال 320 حيبقى موتور اقوى و كماليات اعلى و فرش جلد طبيعى تحفة :)

شوف كدة تانى و ربنا يوفقك

[MohamedGafar]

نصيحة من زميل كان راكب فيكترا زيك....إشتري مرسيدس أفضل ، دور على واحدة عيون نظيفة....البي إم e90 عفشتها ناشفة شوية بالاضافة إلى إنها بتهلك بسرعة!! شفت كتير e90 قبل ما أشتري ، كل اللى معدي 70.000 كيلو محتاج مساعدين وطنابير فرامل.

جوز المساعدين ب 3000 جنيه وجوز الطنابير زيهم!

كمان المرسيدس العيون ثباتها وهمي فعلا وشنطتها كبيرة وزي الجنيه الدهب ، تكسب فيها لما تبيعها!!

تحياتي.

[KHALED AYMAN]

السلام عليكم

اولا ربنا يعينك على عربيتك انا كنت بقرأ المواضيع بتاعتك و فعلا عربية سيئة

انا صاحبى ( لو تفتكرة قابلتة فى التوكيل الى كان معاة استرا انجوى ) باعها و خسر فيها و مكنش حد عاوز ياخدها اصلا !!!

المهم

اولا دلوقتى مفيش 316i جديدة مانيوال :)

كلة اوتوماتيك

الى حتلاقية مانيوال حيبقى موديل 2007 او حاجة كدة و مستعمل طبعا

بالنسبة للثبات فا ال bmw معروفة ( بس لازم تكون عفشتها مية مية مش تعبانة شوية )

السحب ... حتبقى ابطأ من الفيكترا

امان خمس نجوم :)

اعطال مافيش ان شاء الله لو محافظ عليها و بعدين ال 316i تقفيل المانى مش مصرى :)

نصيحة لو تقدر تزود لل 318 او لل 320 تبقى زى الفل و فى ال 320 حيبقى موتور اقوى و كماليات اعلى و فرش جلد طبيعى تحفة :)

شوف كدة تانى و ربنا يوفقك

عليكم السلام ..
ازيك يا باشا عامل ايه ؟
فعلا انا الفيكترا موريانى النجوم فى عز الظهر ..
وحاليا عاوزه فوق ال 20 الف عشان اصلح (بعض) المشاكل ..و فى قصه تانيه كده للعربيه كنت عملت عنها موضوع فى اوبل مش عارف قريته ولا لا ..
المهم غالبا ان شاء الله هبيع
انا فى 2010 اتفرجت على 316 مانيوال فى معرض الاهرام تقريبا او اوتوماك مش فاكر ..و على ما اذكر كانت ب 245 الف !
حتى كانت طاسات و من غير اى درايب ..
و بالنسبه للحفاظ على العربيه انا الحمد لله مش بكسر فى العربيه ..و 90% من استعمالى للعربيه بيكون سفر على الطريق الدولى :) لكن مطبات و كلام من ده بحسس على العربيه ..لكن بجرى جامد ..200 220 ..اعتقد مفيش مشكله مع البى ام :) و الحمد لله اى عربيه بعملها صيانتها فى مواعيدها فى التوكيل ...و بستنضف الفرع الى بروحه ..
بالنسبه للسحب ..ليه هتبقى اقل من الفيكترا ؟؟
مشكله ال 318 او 320 ان زيرو غاليه ..وانا مش هعرف اجيب استعمال ولا حتى كسر ...مش برتاح غير فى الزيرو :)
و بالنسبه لصاحبك ..فعلا احسن حاجه انه باع العربيه ...معلش لو فيها رخامه ..جاب بعدها ايه ؟

نصيحة من زميل كان راكب فيكترا زيك....إشتري مرسيدس أفضل ، دور على واحدة عيون نظيفة....البي إم e90 عفشتها ناشفة شوية بالاضافة إلى إنها بتهلك بسرعة!! شفت كتير e90 قبل ما أشتري ، كل اللى معدي 70.000 كيلو محتاج مساعدين وطنابير فرامل.

جوز المساعدين ب 3000 جنيه وجوز الطنابير زيهم!

كمان المرسيدس العيون ثباتها وهمي فعلا وشنطتها كبيرة وزي الجنيه الدهب ، تكسب فيها لما تبيعها!!

تحياتي.

طبعا المرسيدس لا غبار عليه ..لكن
الزيرو حراق اوى ..ال سى 180 ب 300 و شويه فكه ..
و للأسف مش هعرف اركب استعمال ولا كسر ..
البى ام عفشتها انشف من الفيكترا ؟
النشوفيه مش مشكله ..المهم ميكونش فى اصوات "رزع" زى الفيكترا ....و ميكونش فيها حركه "الجمل" الى الفيكترا بتعملها فى الحتت المكسره ..(تقعد تميل يمين و شمال جامد و بسرعه بحس انى راكب جمل و هقع من فوقه :(
العربيات البى ام الى شوفتها دى متحافظ عليها ولا متهانه ؟
ده كده اعتماديه الفيكترا فى الجزئيه دى افضل ..انا ماشى 120 الف كم مغيرتش مسمار فى العفشه ولا طنابير :)

[Eslam.Elrefaey]

طب مشوف الفئة الأولى الجديده احسن !

[KHALED AYMAN]

طب مشوف الفئة الأولى الجديده احسن !

مش هينفع هاتش باك :(
بحتاج الشنطه جداااااااااا

[الغزالى]

كلمنى يت خوخه .. بكره ضرورى ... ليك عندى حاجه خيال وبتربو ... ومانيوال .. وفى نفس الوقت مرسيدس S -class فى فخامتها ... بس على اقل شويه ... حاجه 6 سرعات .. وعدادها 270 .... وجنط 17 .. وزينون و ثبات خيالى ... وراحه وفخامه ملهمش حل ... فكر كده وخمن لحد اما تكلمنى بكره .... بس ضرورى عشان مفيش غير واحده بس الى موجوده دلوقتى ... والله اعلم فى تانى ولا لاء ...

[KHALED AYMAN]

كلمنى يت خوخه .. بكره ضرورى ... ليك عندى حاجه خيال وبتربو ... ومانيوال .. وفى نفس الوقت مرسيدس S -class فى فخامتها ... بس على اقل شويه ... حاجه 6 سرعات .. وعدادها 270 .... وجنط 17 .. وزينون و ثبات خيالى ... وراحه وفخامه ملهمش حل ... فكر كده وخمن لحد اما تكلمنى بكره .... بس ضرورى عشان مفيش غير واحده بس الى موجوده دلوقتى ... والله اعلم فى تانى ولا لاء ...

:)

[sheko_2000eg]

كلمنى يت خوخه .. بكره ضرورى ... ليك عندى حاجه خيال وبتربو ... ومانيوال .. وفى نفس الوقت مرسيدس S -class فى فخامتها ... بس على اقل شويه ... حاجه 6 سرعات .. وعدادها 270 .... وجنط 17 .. وزينون و ثبات خيالى ... وراحه وفخامه ملهمش حل ... فكر كده وخمن لحد اما تكلمنى بكره .... بس ضرورى عشان مفيش غير واحده بس الى موجوده دلوقتى ... والله اعلم فى تانى ولا لاء ...

عروستي ؟؟؟

[HASSAN SERRY]

كلمنى يت خوخه .. بكره ضرورى ... ليك عندى حاجه خيال وبتربو ... ومانيوال .. وفى نفس الوقت مرسيدس S -class فى فخامتها ... بس على اقل شويه ... حاجه 6 سرعات .. وعدادها 270 .... وجنط 17 .. وزينون و ثبات خيالى ... وراحه وفخامه ملهمش حل ... فكر كده وخمن لحد اما تكلمنى بكره .... بس ضرورى عشان مفيش غير واحده بس الى موجوده دلوقتى ... والله اعلم فى تانى ولا لاء ...

Audi A4 ???

[KHALED AYMAN]

سكودا سوبيرب

[fahd_628]

الصراحة السوبيرب عربية تحفة !!!!

بجد من جوة كبيرة بغباء :)

و الشنطة بحرررررررررررررررر

بس شكلها مش بيعجبنى من الخلف :(

بس الموضوع دة يعدى يعنى انا شايفها ممتازة جدا

[الغزالى]

عروستي ؟؟؟

audi a4 ???

معلش فى التأخير فى الرد ... بس هيا زى ماخالد قال سوبيرب ... حاجه كده خيال على الارض بس عيبها انها مانيوال ... الا اذا كان الى واخدها حابب المانيوال زى خالد

سكودا سوبيرب

[الغزالى]

الصراحة السوبيرب عربية تحفة !!!!

بجد من جوة كبيرة بغباء :)

و الشنطة بحرررررررررررررررر

بس شكلها مش بيعجبنى من الخلف :(

بس الموضوع دة يعدى يعنى انا شايفها ممتازة جدا

كفايه شكلها من قدام ... تحس انها هاجمه على الطريق ... خيال علمى ... ولا الفتيس يا الله ... على النعومه .... ربنا يبارك للهايشتريها ...

[MaZaGAngeE]

سكودا سوبيرب

ايه ظروف العربية دي ؟ مشفتهاش خالص في مصر