الأخوة مالكي e90 وإستفسار

[MohamedGafar]

مساء الخير عليكم يا جماعة.

والله كان لى استفسار فى موضوع ضغط الهواء جوه الكاوتش الران فلات.

كل ما جي أضبط الكاوتش الاقى فيه فرق فى الضغط ما بين كل فردة والتانية! انا عموما بأكشف عليه كل شهر او اتنين.

النهاردة لقيت فردة 22 وواحدة 27 وواحدة 32 وواحدة 34!!!! ومافيش خروم...........

وعمري ماجيت أضبط الهواء والاقي ال 4 زي بعض!!!

هل الموضوع ده متكرر معاكم؟ واللا انا اللى عندي المشكلة دي؟

شاكر فضلكم.

تحياتي.

[sheko_2000eg]

بصراحة انا مهنديش اجابة لكن ممكن
احمد نوفو
يرد عليك لانه عاندو e90 , e46

[zegna]

الحل انك تزود الهوا عند حد بعداد ديجتل يدوب بيكتب الرقم 30 مثلا ويظبط علية عكس البتاع اللي باالايد دة مبيطلعش مظبوط وكمان اغلب بتوع الكاوتش بيظبتو اي كلام

[farahat]

المفروض الضغط الطبيعي أمامي 30 وخلفي 33 ، وطبيعي مع الوقت ينزل شوية ، يعني لحد احو 25 كمان طبيعي لو بتراجع كل شهر ، لكن ينزل 22 دي فيها قلق شوية ،
الفردة إلي بتنزل 22 دي يا إما فيها خرم صغير قوي بيخليها تريح ببطء ، يا إما يكون الجنط مش مظبوط وبيهرب هوا مع الوقت والمشي ، يا إمأ تكون بتركن مش على أرض مستوية (على رصيف مثلاً بجنب واحد ) وبالتالي الفردة دي بيكون عليها ضغط ديماً بيخليها تسرب أكتر من الباقيين .

[mi22do]

الضغط اللي مكتوب علي القائم علي ما انا متذكر :
2 بار للأمامي = 29 psi
2.3 بار للخلفي = 33.35 psi
لكني لما بشيك كل شهر مثلا بيكون ثابت غالبا في الرينج دة

[novo]

المفروض الضغط الطبيعي أمامي 30 وخلفي 33 ، وطبيعي مع الوقت ينزل شوية ، يعني لحد احو 25 كمان طبيعي لو بتراجع كل شهر ، لكن ينزل 22 دي فيها قلق شوية ،
الفردة إلي بتنزل 22 دي يا إما فيها خرم صغير قوي بيخليها تريح ببطء ، يا إما يكون الجنط مش مظبوط وبيهرب هوا مع الوقت والمشي ، يا إمأ تكون بتركن مش على أرض مستوية (على رصيف مثلاً بجنب واحد ) وبالتالي الفردة دي بيكون عليها ضغط ديماً بيخليها تسرب أكتر من الباقيين .

+1
أهم حاجة يا أستاذ فرحات ان كلامك علمي

شكرا لوجودك معانا

[farahat]

+1
أهم حاجة يا أستاذ فرحات ان كلامك علمي

شكرا لوجودك معانا

متشكر جداً لذوقك يا باشا
أنا بحاول أجاوب على قد ما أقدر ، ويا رب يكون مفيد لكل أعضاء المنتدى هنا ، إلي أنا فعلاً استفدت منهم ولزم أرد ولو جزء من الإفادة دي

[Batman372]

- من 32 حتى 25 فى 3 شهور يعتبر طبيعى.
- الغير طبيعى هو ال 22 .

[MohamedGafar]

الف شكر يا جماعة والله...عموما انا ضبطت الكاوتش عملا بنصيحة الاستاذ فرحات ، وإسبوع كده وأروح أكشف على الكاوتش تاني.

تحياتي.

[sheko_2000eg]

ها ايه الاخبار ؟؟؟؟

[MohamedGafar]

لسه والله مافضيت! شكرا لمتابعتك:)

تحياتي.