318 ولا شيروكو ؟

[srt10]

السلام عليكم

احب اشكر مشرف الأقسم الأستاذ sheko_2000eg

على دوره الكبير والفعال

انا محتار بيين 318 والشيروكو

انا شايف ان الشيروكو تجميع الماني ومحرك صغير وبور هورس عالي

انتم ايه رأيكم 318 ولا الشيروكو يا ترى ايه اكتر اعتمادية وصيانة اقل وسعر اعادة بيع افضل ؟

وياريت ماحدش يقلي 320

والسلام عليكم ورحمة الله وبركاته

[yoko]

طلباتك إيه شاب وشد وجري شيروكو طبعا
عيله وبرستيج 318 (أداء موتورها وحش جدا مقارنه بالشيروكو)

[fahd_628]

على فكرة كل ال dsg مليان مشاكل و اعرف ناس معاهم و بيشتكو منو جامد

كلها 40 - 60 الف كم و هتروح تغير فتيس

[srt10]

شكرا ياباشا على الرد السريع

بس صيانتها عامله ايه مع dsg ؟ واعادة البييع بتاعها ازاي

[srt10]

وياترى هيا الشركة عارفة انو الفيتيس ده كله مشاكل ولسه بينزلو منه يعني !!!!!

[MIVEC.A92]

طلباتك أيه في العربية و هل يفرق معاك سعر اعادة البيع ؟

[fahd_628]

حضرتك ممكن تبص فى قسم الفولكس و تقرأ اكثر عن المشاكل بتاعتة

انا عن نفسى واحد صاحبى قرأ المواضيع و اتقفل من الباسات :)

[الاحمدى موتورز]

على فكرة كل ال dsg مليان مشاكل و اعرف ناس معاهم و بيشتكو منو جامد


كلها 40 - 60 الف كم و هتروح تغير فتيس

فعلا ال DSG الميكاترونكس وحساس الحراره .. بتاعه فى الضياع ... واكتر حاجه بتوبظ
وبس الفكره انه ماجرد ماعدى ال 40 الف من غير مشاكل يبئى الفتيس دة سليم ...
انما قبل ال 40 الف انت حاطط ايدك على قلبك ...
ونيجى للشيروكو والبى ام كاعريبه
الشيروكو طبعا شكل خزعلبى انا عن نفسى بعشقه
البى ام شكلها بيتغير دلوقتى وهاتنزل كمان شهرين او 3
البى ام تقريبا 0 مشاكل - الشيروكو فتيسها اكبر كارثه فيها
السعر انا شايف ان الشيروكو سعرها كتير اوى عليها ... انما البى ام كاعريبه وماتور
2000 cc انا شايف لحد ما منطقى انها بالسعر ده الى هوا تقريبا نفس سعر الشيروكو مع فرق بيسط .. وبصراحه انا ركبت ال 330i وعرفت يعنى ايه بى ام دبليو .. خليك فى البى ام واتكل على الله ... على الرغم من عشقى للشيروكو .. بالفتيس مدمرها .. وفى الاول الاخر استخير ربنا

[hanyhosney]

على فكرة كل ال dsg مليان مشاكل و اعرف ناس معاهم و بيشتكو منو جامد

كلها 40 - 60 الف كم و هتروح تغير فتيس

صح الفتيس هيكرهك في العربيه مع انو اختراع حقيقي في مجال العربيات وبالاضافه انك هتزعل اول لما تلاقي دبانه 320 طالعه منك هاهاهاهاهاهاهاه

[Batman372]

بدون تفكير كتير >>> 318 طبعا :)

[seko_66]

Bmw .

[MIVEC.A92]

318 و أستني الشكل الجديد لما ينزل مصر