تحذير

[Hussein_Ramdan]

انا هحكى القصة وبعدين اقول ليكم التحذير من اية
المهم انا شوفت اعلان عربية على النت 320 2008 كانت عاملة 100000 كيلو
قلت مش مشكلة بئا يلا 100000 الف كيلو فى البى ام زاى 5000 كيلو عندنا فى الكوري
(ههههه محدث نعمة بئا وفرحان بالبى ام )
المهم يارجالة عرفت الراجال وطلع محترم وقالى العربية زيرو والكلام الفارغ دة
قولنا نروح نكشف عليها
المهم رحنا عند منصور الراجال كشف عليها قال العربية
دى فيها
1- جوز مساعدين ( قلت ياد عدى مش مشكلة )
2- بارات ( قلت ياد عدى مش مشكلة )
3-مقصات ( قلت ياد عدى مش مشلة )
4 - فتيس هههههههههههههههههه ( قلت لا بئا فتيس مين ياعم)
طبعا صاحب العربية ركبو ميت عفريت
منصور رد عليا قلو سيبك منى
قلو اطلع بالعربية على 160 او 170 لمدة عشر دقائق العيب هيظهر معاك
فعلا عملنا كدة طلعنا على طريق مصر السويس
هههههههههههههه وطبعا صاحب العربية حط غلو كلو فى العربية
احنا كنا هنموت طبعا جاب 160 و 170 و180
هههههههههههه انا كنت عايز اقولو نزلنى انا مش عايز اشترى
انا كنت حاسيس اننا كنا هنكتب العقد فى زينهم كنا هنموت كذا مرة
المهم فعلا ظهر العيب وظهر شكل ترس على الاى دريف الى منصور قال علية
طبعا مفيش دلوقتى غير التوكيل الى نروح نكشف على العربية فى
روحنا التوكيل المصيبة بئا
انا اول ما دخلنا التوكيل المهندسة بنقالها عايزين نعمل كشف حالة للعربية دى
قالت العربية دى عايزة فتيس
ههههههههههههههههههه انا قلت دى مشهورة بئا هنا
طبعا انا كنت ثالث يد للعربية والراجل الى كنت هشترى منو تانى يد بردو ميعرفش
المهم اتفقنا انا وصاحب العربية اننا نخصم تمن الفتيس من العربية
احنا كنا اتفقنا على 182 وهنزل 20 الف وتبقا 162
المهم خد العربية ودفعت الفلوس وكنا لسة مجلناش
جاى اشغل التكيف مش شغال ياعم عيب اشتغل الله يخرباتك الدنيا حر وعيب انا راكب بى ام مش شغال
اروح لتاع التكيف يقولى العربية دى الكباس مش شغال
بكام ياعم قالى الاستيراد تقرييا ب 7500 والجديد ب 12 الف
طبعا بعد كل دة انا اتصلت بالراجل قولتلو انا عايز ارجع العربية قالى هاتها
التحذير بئا ان الراجل خد منى العربية وبعديها بساعة
عمل اعلان على النت كونتاكت
تانى بالعربية
هى عاملة 100000
بلو بلاك
طالب 188
وكاتب حالة شاذة (هههههههههههههههه بس هى فعلا حالة شاذة مفيش زيها كل حاجة فيها بايظة)
وشكرا يا رجالة انا خفت حد منكو يقع فيها

[hanyhosney]

كويس انك عرفت ترجعها
وشكرا علي التحذير

[Hussein_Ramdan]

كويس انك عرفت ترجعها
وشكرا علي التحذير

الحمد لله شكر ياباشا
ارجو من جميع الناس الى بتفكر تشترى عربية يطلع على التوكيل
الحمد لله الفضل لشريف باشا بعد ربنا
الى اكد عليا لازم اروح التوكيل

[MohamedGafar]

بص...هو كباس التكييف فى العربية دي سيئ فعلا...أعرف ناس غيرته بكباس ياباني عند واحد فى شبرا وشغال زي الفل!

عموما كباسات تكييف البي إم مش قوية زي الياباني والكورى - خاصة الفئة الثالتة، وللاسف كل سنة تحس ان حرارة الجو بقت بتزيد فى الصيف فلازم كفاءة الكباس تكون قوية فعلا!

أنا شخصيا بأفكر فى موضوع الكباس الياباني ده ، لأن مش منطقي إن أجيب كباسها الأصلي (من بره يعمل حوالي 7000 جنيه) وما يبقاش كفاءته قوية زي الكباس الياباني الأرخص سعرا! الفرق هو إن حيركب قاعدة حديد للكباس الياباني فقط!

تقبل تحياتي.

[ahmedeihab]

ههههههههههههههههههههههههههههههههههههههههههه
ربنا يجازيك خير على تحذيرك
و لما تشترى عربيه بلذات بى ام ولا مرسيدس
اطلع بيهم على التوكيل و جرب فيها كل حاجه
حتى الكوريك تجربه
انت بتدفع فلوس كبيره
مش 28 هتدفع 8000 جنيه
و هتظبط العربيه ب 2000 جنيه و الجو ده
كويس انك عرفت ترجعها
بس ابقى احذر بعد كده
^_^

[medo20000]

كويس انك عرفت ترجعها
وشكرا علي التحذير

والله إحمد ربنا ان الراجل رضى يرجعهالك ياباشا ....كان ممكن يقولك ...معرفكش ...

[Hussein_Ramdan]

شكرا يارجالة
هو الى اجبرو انى يرجعها
انو هو معرفة
بس للاسف هو عمل اعلان تانى وبيفكر يلبسها لاى حد تانى دى المشكلة

[maskeen]

مين الراجل ده؟ هل اسمه هانى وفى المهندسين؟
اذا كان هو فعلا يبقى نصاب محترف وغشاش معتاد كمان

[Hussein_Ramdan]

مين الراجل ده؟ هل اسمه هانى وفى المهندسين؟
اذا كان هو فعلا يبقى نصاب محترف وغشاش معتاد كمان

ههههههههههههههههههههههههههههههه
لا مش هو
بس انا قبلتو وقعدنا معا بعض وبعديها تانى يوم بقولو تعالا نخلص قالى لا اصل مش عارف اية
هو فعلا شكلو كدة غريب انتيكا من بتوع زمان عمل معاك اية

[ahmedsadek82]

بص...هو كباس التكييف فى العربية دي سيئ فعلا...أعرف ناس غيرته بكباس ياباني عند واحد فى شبرا وشغال زي الفل!

عموما كباسات تكييف البي إم مش قوية زي الياباني والكورى - خاصة الفئة الثالتة، وللاسف كل سنة تحس ان حرارة الجو بقت بتزيد فى الصيف فلازم كفاءة الكباس تكون قوية فعلا!

أنا شخصيا بأفكر فى موضوع الكباس الياباني ده ، لأن مش منطقي إن أجيب كباسها الأصلي (من بره يعمل حوالي 7000 جنيه) وما يبقاش كفاءته قوية زي الكباس الياباني الأرخص سعرا! الفرق هو إن حيركب قاعدة حديد للكباس الياباني فقط!

تقبل تحياتي.

تصحيح للمعلومة يا اخ محمد .. مين قال لحضرتك ان كباس الE90 مش ياباني ؟ , الE90 من 2006 ال 2011 نزلت بنوعين كباسات "ياباني 100%" الاول DENSO و الثاني CALSONIC KANSEI و ممكن تتأكد بنفسك لو فكيت الكباس عشان تغيره او تشوف على النت ...بس مش معنى انه كباس ياباني انه ميبوظش , عيوب الصناعة واردة في كل حتة ,

[maskeen]

ههههههههههههههههههههههههههههههه
لا مش هو
بس انا قبلتو وقعدنا معا بعض وبعديها تانى يوم بقولو تعالا نخلص قالى لا اصل مش عارف اية
هو فعلا شكلو كدة غريب انتيكا من بتوع زمان عمل معاك اية

انت قابلت مين؟ هانى ده؟!!
هو كان هايلبسنى عربيه ملعوب ف عدادها من سنتين.
كنت هاتخلص مع مين وفى ايه؟ انت لخبطتنى يا لورد

[Hussein_Ramdan]

ايوة هو بتاع المهندسين

[waleed_sat]

شكراً على التحذير

والحمد لله أن ربنا سترها معاك

[MASERATI]

السلام عليكم و رحمة الله و بركاته

أنا عمرى ما كان عندى بى ام و ربنا ييسرللى الأحوال و أجيبها و أنت كمان ربنا يكرمك و ييسرلك الأحوال و تجيب الBMW 750 il.

بس السؤال هو, أنك روحت تشترى العربية و لقيت فيها كذا و كذا و كذا و لحااااااااااااااااد الفتيس بايظ, تقوم بااااااااااااااااااااارضه تدفع ال162000 جنيه و تاخدها, يعنى عربية فتيسها بايظ و مافيهاش تكييف, هتقولى فيها تكييف بس بايظ, هقولك, مش الكباس عاوز يتغير, يبقى زى أى عربية نازلة من المصنع مافيهاش تكييف و تركبلها كباس, تبقى مكيفة, تفرق ايه العربية دى بأه عنالعربية بتاعتنا البيجو ال505 مو 1980 المانوال اللى من غير باور و لا تكييف ؟؟؟؟, السؤال التانى بأه, أومال لو حالتها حلوة فعلا, هتدفع فيها كام !!!!!

[Land_Cruiser]

و الله الواحد بيشوف العجب فى البلد دى. مفيش حد بيبيع عربيه الا اما يكتب عليها فابريكه و حاله نادره و لما تروح اخر الدنيا تتفرج تلاقى الكلام ده مش مظبوط خالص و العربيه حاله نادره فعلا بس فى البهدله و. تلاقيه كان بيقول عن اللى ماشيه ١٠٠ الف كيلو دى كمان كسر زيرو