الكرونه - Auto Lock

[Michael_Lanos]

هاي يا شباب

انا اخوكم مايكل من منتدي الدايو بس جاي اسالكم على حاجه لابن عمي
هو معاه BMW 325 Model 1994 وكان بيسالنى انه عاوز يعرف ال كرونه ال Auto Lock دي بتنزل فى موديلات ايه وهل ينفع تركب على عربيته ولا لاء ........

شكرا

[hanyhosney]

بتنزل في اي موديل دبانه زي ال معاه بس لازم يجيب كارونا لوك بنفسرقم الكارونا العاديه ال عندو يعني لو عندو3.93
عاديه لازم يجيب كارونه لووك بنفس الرقم عشان متاثرش في اداء العربيه
واي استفسار
احنا معاك

[fahd_628]

السلام عليكم

ايوة يا باشا ينفع تركب عندة

اسمها كورونا لوك مش اوتو لوك لأنها مفيهاش حاجة اوتوماتيك خالص

المهم بالنسبة للأرقام خلية ياخد بالة علشان لو 3.91 مثلا حتلاقى اخر سرعة العربية 190 و العربية بتفصل على الخامس

لكن لو 2,96 مثلا حتلاقى الأولانى حيبقى روحة طويلة ممكن يجيب معاك 70 مثلا

كل واحد لية مميزاتة و عيوبة

احسن حاجة الوسط يعنى 3.23 مثلا

[mailo]

ممكن تفاصيل عن الموضوع ده يا فهد باشا

[fahd_628]

حاضر بس انا مسافر دلوقتى

اول ما ارجع ان شاء الله حجيبلك تفاصيل اكتر

[Michael_Lanos]

السلام عليكم

ايوة يا باشا ينفع تركب عندة

اسمها كورونا لوك مش اوتو لوك لأنها مفيهاش حاجة اوتوماتيك خالص

المهم بالنسبة للأرقام خلية ياخد بالة علشان لو 3.91 مثلا حتلاقى اخر سرعة العربية 190 و العربية بتفصل على الخامس

لكن لو 2,96 مثلا حتلاقى الأولانى حيبقى روحة طويلة ممكن يجيب معاك 70 مثلا

كل واحد لية مميزاتة و عيوبة

احسن حاجة الوسط يعنى 3.23 مثلا

طيب ايه الفرق بين ال لوك والعاديه
ولما سألته قالى ان سامع ان موديلات جديده فيها الاوتو لوك وتقدر تشغلها عادي و لوك ....

هل حد عنده فكره ......

[fahd_628]

طيب ايه الفرق بين ال لوك والعاديه
ولما سألته قالى ان سامع ان موديلات جديده فيها الاوتو لوك وتقدر تشغلها عادي و لوك ....

هل حد عنده فكره ......

اللوك هنا فى مصر بيستعملوها فى الدريفتات و هية بتخلى العربية تخمس

لكن لو الكورونة مش لوك حتلاقى لو بتلف شمال و دايس بنزين جامد ( مع محرك قوى ) حتلاقى العجلة الشمال قاعدة تفرك و اليمين بتلف عادى و العربية مش بتدريفت

و مفيش حاجة زى ما قلتلك اسمها اوتولوك

الكورونة اللوك دية بتبقى حاجة Mechanical متقدرش تتحكم فيها

[faroukzen]

رد

هو ازاى الاولانى يجيب لغايه 70 وده ايه علاقته بالكرونه مش الى بيخلى عداد الربى ام يوصل لارقام عاليه هو الموتور مالهوش دعوه بالكرونه يعنى فى موتور 5 اربى ام وموتور 3 اربى ام مهما كانت الكرونه الموتور 3 اربى ام مايجبشى لغايه 5 صح ولا انا فى شى غلط عندى

[fahd_628]

ازاى يا باشا الكرونة ليها دخل اساسى جدا جدا جدا فى سرعة العربية على الغيار

و طبعا عداد ال rpm بيقرأ عدد لفات الموتور و ملوش اى دعوة بالسرعة :)

هوة انا قلت غير كدة :) ؟؟؟؟؟؟؟؟

انا بقول لو كرونة 3.91 مثلا حتجيب فى الغيار الأول على 6500 rpm سرعة 40 كم/س ( مثلا )
بعكس كورونة 2.96 مثلا حتجيب على الغيار الأول على 6500 rpm برضة سرعة 70 كم/س (و دة مثال برضة)

[mailo]

تمام يا فهد باشا

بس إزاي بقى

فيه فيديو يشرح

[TheBuccaneer]

طيب ايه الفرق بين ال لوك والعاديه
ولما سألته قالى ان سامع ان موديلات جديده فيها الاوتو لوك وتقدر تشغلها عادي و لوك ....

هل حد عنده فكره ......

بالنسبه لأيه الفرق بين الكرونه اللوك و الكرونه العاديه. الفرق إن العجلتين الخلفيتين فى الكرونه اللوك بيتحركوا مع بعض و بنفس السرعه بينما الكرونه العاديه مثلما قال لك فهد بالضبط. و شىء تانى لما تحب تعرف هل السياره بها كرونه لوك ولا عاديه ارفع السياره من الخلف تماما بحيث يكون العجلتين الخلفيتين فوق الأرض و لف أحدى العجلتين بيدك لو ال 2 لفوا مع بعض تعرف إن الكرونه اللى موجوده لوك و لو فقط العجلة التى تحركها بيدك هى التى تتحرك دون الأخرى تعرف إن الكورنه اللى موجوده ده كرونه عاديه.

موضوع إنه فيه كرونه تعمل بحسب الغرض ممكن الله ورسوله اعلم لكن ليس لدينا بها علم و أنا بقول ممكن لأنه لا يوجد شىء بعيد فى صناعة السيارات و التكنولوجيا إنما أنا عن نفسى لم اسمع بكرونه أوتو-لوك