مقبل على شراء بى ام دبليو e90 320i

[mstool]

صباح الفل لكل رجالة البى ام دبليو
انا بفكر اشترى حاجة ب 180 الف ووجدت واحدة e90 320i عند المنيب (بتاع بى ام مستعمل) عاملة 90 الف كيلو حالة زيرو من برة و جوة فابريكا محتاجة تغيير كاوتش او اخرة يعنى 8 الاف كيلو هو بيقول كمان 10 الاف و عايزة صيانة دورية لانها كانت معمولة من 17 الف ولا حاجة حسسنى انها متاخرة و انا كنت بعمل للتويوتا كل 20 الف و كنت فاكر انى بعملها بدرى ههههههه
ممكن يخلصها على 180 اعتقد او حاجة اعلى بشوية هو قال 190 فى الاول فانا عايز اعرف اية النظام علشان هروح ارفعها فى التوكيل و الرفع يكلف 1000 جنية ولا حاجة فهتقهر لو ضاعوا على الارض فهل السعر دة حلو و مناسب هيا موديل 2008 سورى عشان نسيت معاها رخصة شهرين او تلاتة على ما اعتقد مفيهاش عيب واحد من جوة العربية على الاقل طبعا كلوا عارف البى ام دبليو الجديد احسن من اى عربية يابانى زيرو مثلا هل السعر مناسب للعداد ولا اتكلم فية ولا مخدهاش اكتر من كام رجاء النصيحة

[ahmedsadek82]

صباح الفل لكل رجالة البى ام دبليو
انا بفكر اشترى حاجة ب 180 الف ووجدت واحدة e90 320i عند المنيب (بتاع بى ام مستعمل) عاملة 90 الف كيلو حالة زيرو من برة و جوة فابريكا محتاجة تغيير كاوتش او اخرة يعنى 8 الاف كيلو هو بيقول كمان 10 الاف و عايزة صيانة دورية لانها كانت معمولة من 17 الف ولا حاجة حسسنى انها متاخرة و انا كنت بعمل للتويوتا كل 20 الف و كنت فاكر انى بعملها بدرى ههههههه
ممكن يخلصها على 180 اعتقد او حاجة اعلى بشوية هو قال 190 فى الاول فانا عايز اعرف اية النظام علشان هروح ارفعها فى التوكيل و الرفع يكلف 1000 جنية ولا حاجة فهتقهر لو ضاعوا على الارض فهل السعر دة حلو و مناسب هيا موديل 2008 سورى عشان نسيت معاها رخصة شهرين او تلاتة على ما اعتقد مفيهاش عيب واحد من جوة العربية على الاقل طبعا كلوا عارف البى ام دبليو الجديد احسن من اى عربية يابانى زيرو مثلا هل السعر مناسب للعداد ولا اتكلم فية ولا مخدهاش اكتر من كام رجاء النصيحة

اهلا بيك يا باشا , بالنسبة للسعر معقول لو مافيهاش حاجة في كشف التوكيل , ممكن تحاول ب185 , ركز في كشف التوكيل قوي عشان العربية حاجتها غالية , و 90الف كيلو في شوارعنا ممكن تكون محتاجة صسانة في العفشة: مساعدين مثلا (حسب استعمال اللي قبلك طبعا), الصيانة في العربية ليها برنامج عبقري كده بيقولك معاد الصيانة بعد كام كيلو و مش ثابت بيتغير حسب اسلوب القيادة , يعني مش كل 10000 حتروح صيانة , ممكن اكتر شوية , ربنا يوفقك. العربية قمة في القيادة و التكنولوجي لا تقارن غير بمسيدس من اول c 250 .

[sheko_2000eg]

سعر مناسب لو 180
اهم حاجة تكشف في التوكيل
لو لقيت نفسك هتدفع عليه اكتر من 10000 ج في الصيانة
يباه بلاش

[mi22do]

السعر المناسب 185 الف - مزنش انه هيوافق اقل من ذلك

[Batman372]

المنيب بيزود مكسب فى اى عربيه مش اقل من 10/15 الف.

[Mohab.Nabil]

طيب هو منيب معرض مضمون يا جماعة من حيث عدم اللعب فى الورق و العربيات و لا لا ؟

[MohamedGafar]

أكشف على العفشة ! مهم جدا توديها التوكيل. السعر ده حينزل لوحده بعد ماتوديها التوكيل............!

تحياتي.

[someonedb]

مين قال انك هترمي 1000 جنيه ؟؟
فكر فى القيمة مقابل التكلفة قبل متفكر فى التوفير
قيمة ال 1000 جنيه مقابل 185000 تعنى لاشيء
لكن قيمة 185000 مقابل ال 1000 تعنى راحة بالك وشراء على نور
خليهم فى التوكيل يعملوا تقرير حالة حتى لو كلف اكتر من كده وهو بيكلف 1400 مش الف
فى تقرير الحالة تقدر تتفاوض مع المعرض عينى عينك يعنى اما يقبل عرضك بناءا على كل بند وحالته
او يدار مدخلك شر وحفظت نفسك من الدخول فى متاهة لان اللى هتوفره من العربية هتصرفه تاني عليها
بالتوفيق ومش محتاج اقولك يعنى ايه بي ام ويعنى ايه متعة القيادة الحقيقية