E30 vs E36

[M.Ayman]

السلام عليكم ورحمة الله وبركاته

انا كنت سمعت ان فى حد مبيحبش او مبيعترفش بالدبانه حاجه زى كده فى موضوع كنت بقرأه فى القسم هنا و كمان كنت بسأل مره على موتور مش فاكره للاسف كنت بسأل يسقط فى الدبانه و عرفت انه مينزلش فيها و بينزل فى ال e30 و كام موديل كده كمان برضه من هنا قولت لا احنا لازم نعمل بقى مقارنه شامله بين ال e36 و ال e30 من حيث الاتى

1- الثبات
2- الابعاد و الحجم و الوزن -ده بقى ليه علاقه بالغرز و التسارع بشكل عام
3-تأثير نفس الموتور على العربيه وده اظن بيعتمد بشكل اساسى على الوزن برضه
4-الشكل -هو اه اذواق بس فى ساعات عربيات بتبقى ملفته و محببه للقاعده العظمى من الاذواق-
5-اسعار قطع الغيار و توافرها للعربيه
6-الراحه و الفخامه العامه -لصاحب العربيه بقى يعنى لما تركبها تحس انك مبسوط و تحس بفخامة العربيه -
7- اخيرا لو فيها مميزات او عيوب او مشاكل بتحصل بشكل متكرر فى عربيه منهم ياريت تقولولنا عليها ياجماعه


لو فى اى نقط ممكن تضيفوها ياريت علشان نخلى الموضوع و المقارنه شامله كل كبيره و صغيره لو شايفين ان فى موديل احسن من الاتنين ياريت تقولولنا عليه و ساعتها حطوه فى المقارنه برضه ..... وياريت طبعا تحطوا رأيكم فى التصويت و طبعا برضه لو اللى بيختار من ملاكها هيبقى احسن كتير ولو مش من ملاكها ارجوكوا يبقى متأكد من كلامه و الف الف شكر لاحلى بيمرز فى مصر

[M.Ayman]

ياريت ياجماعه تدخلوا تقولولنا سبب اختياركم للموديل يعنى مثلا انا اختار ال e36 علشان هى احسن فى النقط الفلانيه من ال e30 بس ال e30 احسن فى النقط الفلانيه و فى المجمل ال e36 احسن مثلا ..... علشان نفيد بعض يعنى :) و شكرا على حسن تعاونكم معنا

[M.Ayman]

[justify]مثلا انا ارشح ال e36 للافضليه لانها
1-الثبات للاسف معرفش لانى مركبتش اى بى ام لا 30 ولا 36 :))))))
2-الوزن انا مش خبير بس اظن ال الدبانه اتقل يعنى المفروض ثبات اكتر خصوصا ان ابعادها اكبر برضه من الe30 مما يزيد الثبات اكتر ولو كلامى مش صح ياريت تصححولى .
3-اظن ان نفس الموتور فى دبانه و 30 ال 30 تطلع علشان اخف فى الوزن
4- كهجوميه رياضيه اظن ال e30 تكسب
5-اسعار قطع غيار الدبانه كنت لقيتها حلوه قوى بس ال 30 معنديش فكره
6-الفخامه اظن الدبانه تكسب
7-معنديش فكره[/justify]

[sheko_2000eg]

ا

1- الثبات
E30
2- الابعاد و الحجم و الوزن -ده بقى ليه علاقه بالغرز و التسارع بشكل عام
E30
3-تأثير نفس الموتور على العربيه وده اظن بيعتمد بشكل اساسى على الوزن برضه
E30
4-الشكل -هو اه اذواق بس فى ساعات عربيات بتبقى ملفته و محببه للقاعده العظمى من الاذواق-
E30
5-اسعار قطع الغيار و توافرها للعربيه
E30
6-الراحه و الفخامه العامه -لصاحب العربيه بقى يعنى لما تركبها تحس انك مبسوط و تحس بفخامة العربيه -
E36

[M.Ayman]

اولا الف شكر على المشاركه و بدايه المقارنه معايا
ثانيا حضرتك متأكد من الكلام ده يا استاذ شريف اقصد موضوع ان الابعاد و الوزن بيدى ثبات اعلى المفروض للدبانه بس بيأثر سلبى على قوة الموتور على البودى ,,,,, مش عارف ازاى ال e30 احسن فى الاختيارين دول خصوصا انهم عكس بعض يعنى يا ثبات اعلى يا اداء اعلى على نفس الموتور و الشكل فعلا ال E30 بحسها رياضيه هجوميه اكتر ,,,, بس الفخامه و الراحه الدبانه بتتميز بايه عن قرينتها ؟!!
و اخيرا بالنسبه لقطع الغيار كسعر و انتشار ال e30 تكسب بفارق كبير و لا صغير يعنى قطع غيارها ارخص قد ايه و ووجودها اكتر بنسبه كبيره ولا صغيره


رجاااااااااااااااااء خاص من كل الاعضاء المشاركه فى التصويت و التعليق على النقاط دى و رأيكم فيها عايزين المقارنه تبقى اقرب الى الصواب علشان تبقى مرجع لاى حد عايز ان شاء الله يدخل سكة البى ام

مستنيكم ايها البيمرز الكرام
والله الموفق و المستعان

[sheko_2000eg]

1- الثبات
E30 احسن بنسبة 20%
2- الابعاد و الحجم و الوزن -ده بقى ليه علاقه بالغرز و التسارع بشكل عام
E30 اخف في الوزن عن ال E36 لكن
تصميمها و ابعدها ملموم و ده بيديها قوة في الاداء و سرعة اكتر من ال 36
3-تأثير نفس الموتور على العربيه وده اظن بيعتمد بشكل اساسى على الوزن برضه
E30 نفس ماتور E36
E30 اسرع بنسبة 20%
4-الشكل -هو اه اذواق بس فى ساعات عربيات بتبقى ملفته و محببه للقاعده العظمى من الاذواق-
E30
5-اسعار قطع الغيار و توافرها للعربيه
E30 ارخص بنسبة 15%
6-الراحه و الفخامه العامه -لصاحب العربيه بقى يعنى لما تركبها تحس انك مبسوط و تحس بفخامة العربيه -
36 بنسبة 30 %

[mody100]

أنا بحب E30 اكتر من E36 طبعا هى ازواق بس انا افضل E30
والاتنين بيركب لهم مواتير بس e30 اسرع طبعا عشان اخف فى الوزن بالنسبة للغرز و الكلام ده e30 عشان حجمها ملموم كدة

[M.Ayman]

أنا بحب E30 اكتر من E36 طبعا هى ازواق بس انا افضل E30
والاتنين بيركب لهم مواتير بس e30 اسرع طبعا عشان اخف فى الوزن بالنسبة للغرز و الكلام ده e30 عشان حجمها ملموم كدة

شكرا ياباشا على مشاركتك , و ياريت ناس اكتر تتفاعل معانا يا جماعه

[fammourad]

e36 is better
its more comfortable

[mody100]

e36 is better
its more comfortable

مختلفناش ان الراحة و الفخامة اكيد طبعا موجودة فى e36 اكتر من e30
بس هو فى شوية نقط تانية فى صالح e30

[M.Ayman]

مختلفناش ان الراحة و الفخامة اكيد طبعا موجودة فى e36 اكتر من e30
بس هو فى شوية نقط تانية فى صالح e30

ايوووووووووووووووووه ابتدينا كده بقى الكلام

ممكن تفصلنا ايه نقاط الافضليه فى ال 30 عن الدبانه ,,,, هو ده اللى بيفيد الناس و بيقنعهم

[fahd_628]

1- الثبات
محدش يقدر يقول ثبات ال E30 افضل !!!
طبعا ثبات ال E36 افضل و دة بشهادة ال Reviews و المواقع العالمية ! يقال ان ال E36 افضل بكثير ! على السرعات العالية على طريق مستقيم و فى المنحنيات !
2- الابعاد و الحجم و الوزن -ده بقى ليه علاقه بالغرز و التسارع بشكل عام
E30 اصغر و اخف

3-تأثير نفس الموتور على العربيه وده اظن بيعتمد بشكل اساسى على الوزن برضه
لو نفس الموتور فى العربيتين ال E30 اسرع
4-الشكل -هو اه اذواق بس فى ساعات عربيات بتبقى ملفته و محببه للقاعده العظمى من الاذواق-
لو العربيتين 4 ابواب فا هنا ممكن يحصل اختلاف ناس حتفضل ال E30 و ناس حتفضل ال E36
عموما ال E30 شكلها رياضى اكثر فى رأى
و لكن لو العربيتين 2 باب فا بالنسبالى شكل ال E36 افضل
5-اسعار قطع الغيار و توافرها للعربيه
معنديش فكرة بالنسبة لل E30
6-الراحه و الفخامه العامه -لصاحب العربيه بقى يعنى لما تركبها تحس انك مبسوط و تحس بفخامة العربيه -
E36
7- اخيرا لو فيها مميزات او عيوب او مشاكل بتحصل بشكل متكرر فى عربيه منهم ياريت تقولولنا عليها ياجماعه

[M.Ayman]

والله ياباشا انا كان ده رايى ,,,, و ان شاء الله مستنيين المزيد من التوضيحات من الجانبين

[mody100]

بص ياباشا e30 شكل رياضى احلى
تانيا وزن اخف من الدبانة كدة حايبقى التسارع اعلى و فى نفس الوقت ثبات برضو
كدة كدة الاتنين ممكن تسقط لهم مواتير مع عفشة رياضية
ثالثا e30 عربية اصغر من الدبانة معنى الكلام ده انها برضو فى الركنة مش حاتبقى مقرفة و الزحمة كمان و فى نفس الوقت تسارع و ثبات
طبعا الكلام ده من وجه نظرى انا و طبعا ازواق عشان كدة بقولك انا لية بحب e30 اكتر من e36
مش بعيب فى e36 بالعكس انا بحب كل عربيات البى ام
و تقبل مرورى ........

[DrJomaro]

السلام عليكم ورحمة الله وبركاته

انا كنت سمعت ان فى حد مبيحبش او مبيعترفش بالدبانه حاجه زى كده فى موضوع كنت بقرأه فى القسم هنا و كمان كنت بسأل مره على موتور مش فاكره للاسف كنت بسأل يسقط فى الدبانه و عرفت انه مينزلش فيها و بينزل فى ال e30 و كام موديل كده كمان برضه من هنا قولت لا احنا لازم نعمل بقى مقارنه شامله بين ال e36 و ال e30 من حيث الاتى

1- الثبات
2- الابعاد و الحجم و الوزن -ده بقى ليه علاقه بالغرز و التسارع بشكل عام
3-تأثير نفس الموتور على العربيه وده اظن بيعتمد بشكل اساسى على الوزن برضه
4-الشكل -هو اه اذواق بس فى ساعات عربيات بتبقى ملفته و محببه للقاعده العظمى من الاذواق-
5-اسعار قطع الغيار و توافرها للعربيه
6-الراحه و الفخامه العامه -لصاحب العربيه بقى يعنى لما تركبها تحس انك مبسوط و تحس بفخامة العربيه -
7- اخيرا لو فيها مميزات او عيوب او مشاكل بتحصل بشكل متكرر فى عربيه منهم ياريت تقولولنا عليها ياجماعه


لو فى اى نقط ممكن تضيفوها ياريت علشان نخلى الموضوع و المقارنه شامله كل كبيره و صغيره لو شايفين ان فى موديل احسن من الاتنين ياريت تقولولنا عليه و ساعتها حطوه فى المقارنه برضه ..... وياريت طبعا تحطوا رأيكم فى التصويت و طبعا برضه لو اللى بيختار من ملاكها هيبقى احسن كتير ولو مش من ملاكها ارجوكوا يبقى متأكد من كلامه و الف الف شكر لاحلى بيمرز فى مصر

أعتقد أن المقارنة نتائجها هتختلف حسب استخدامك للعربية, يعني لو استخدام يومي عادي مثلا ولا الأولوية للجري ولا drift ...
أنا سقت الاتنين و بحب الاتنين
Stock
ُE36 أريح في القيادة اليومية،أحدث، مواتير أقوى, Interior أحدث, تصميم العفشة ورا أعقد,ًwheel base أعرض لها after market tuning parts أكتر
و طبعا لأنها أحدث ف نقدر نقول ان قطع الغيار بالذات في الرفايع اغلى,الصالون ممكن الأذواق تختلف عليه وان كان المواد المستخدمه في ًصالون ال E30أقيم
بطاحت العفشة الخلفية بتشرخ (علشان كدا في ال M3 البطاحو مقواة)
ُE30
تقدر تقول انها أبسط في كل حاجة, صيانة عفشة ....الخ
أقل راحة
احساس أو اتصال السواق اكتر بالطريق علشان كده تاس كتير بتقول امتع

أنا سوقت الاتنين و لجريت و لعبت بيهم ,
ُe30 محتاجة حساسية اكتر,تتعلم منها اكتر, متعبة
ُE36تقدر تلمها أسهل ,بس ضهرها بيروووووووووووووووووووح أكتر :-)

أما لو الكلام على track or Drift car فالموضوع فيه كلام كتير
و في الأخر دي أذواق :-)