صيانة ال-60000 ل e90 320 بتكلف كام

[Amr81]

السلام عليكم
أنا قارف أعضاء الب bmw من كتر أسئلتي اليومين دول :) بس معلش إستحملوني عشان بدور على عربية و كدا
دلوئتي أنا قدامي وحدة 2008 حالتها كويسة بس محتاجة صيانة 60000 لأنها عملة 59000 فعايز أعرف هتكلف كام عشان أحاول أنزلها من تمن العربية
شكرا

[farahat]

صيانة 60 ألف مفيهاش حاجة مختلفة ، الحاجة إلي بتتغير كل 60 ألف هي البوجيهات ، ودي من التوكيل مش هتزيد عن 500-600 جنيه ، غير كدة الحاجات العادية ، زيت وفلتر ومراجعة التيل والطنابير والسوائل .

على أسوأ الفروض لو هي فيها تيل وطنابير ضايعين يبقى تعمل حسابك في 5 الآف زيادة يتخصموا لأن دة سعرهم في التوكيل .

[Amr81]

أنا كنت قريت هنا فى المنتدى إنها بتكلف فى حدود 5000 !
أمال إيه الصيانه اللى بتكلف المبلغ ده؟