الكشف على العربيه فالتوكيل

[Amr81]

السلام عليكم
أنا بكلم على التوكيل عشان أسأل عن كشف شامل على العربيه إلي ناوي اشتريها إن شاء الله قالولي أقرب معاد فاضي 23/4 افتكر دة هبل يعني إسبوعين تقريباً
مش عارف أعمل أيه دلوئتي استني كل دة وممكن تكون العربية اتباعت ولا في مكان تاني يكون ثقة و يعمل نفس الكشف بتاع التوكيل
شكراً

[mi22do]

ادي لصاحبها عربون و هو ينتظرك,غير كدة هو هيبعها لاي حد تاني هيخلص

[alnmr79]

طب لو العربية طلعت فيها حاجة هينفع يرجع العربون؟؟؟؟؟اكيد هيروح عليه.
حضرتك الاول هات ميكانيكى يكشفلك على الدواخل وحالة الماتور والفتيس والاوبشن كلوا.طلعت تمام روح مركز محترم واعمل اسكان (كشف كمبيوتر)واكشف تانى كشف شامل للاطمانان.تمام.خد الراجل واطلع مشوار طوالى وحاول تقفل امبير علشان تطمن على الفتيس.تمام خد الراجل وروح التوكيل وبرخصة العربية شوف ملف الصيانات عند التوكيل.كدة اضمن واسرع حل(ساعتين زمن)بس طبعا تطمن الراجل ان العربية لو سليمة هتخلص فيها علطول علشان ميحسش انك غير جاد.ومبروك مقدما.

[sheko_2000eg]

طب لو العربية طلعت فيها حاجة هينفع يرجع العربون؟؟؟؟؟اكيد هيروح عليه.
حضرتك الاول هات ميكانيكى يكشفلك على الدواخل وحالة الماتور والفتيس والاوبشن كلوا.طلعت تمام روح مركز محترم واعمل اسكان (كشف كمبيوتر)واكشف تانى كشف شامل للاطمانان.تمام.خد الراجل واطلع مشوار طوالى وحاول تقفل امبير علشان تطمن على الفتيس.تمام خد الراجل وروح التوكيل وبرخصة العربية شوف ملف الصيانات عند التوكيل.كدة اضمن واسرع حل(ساعتين زمن)بس طبعا تطمن الراجل ان العربية لو سليمة هتخلص فيها علطول علشان ميحسش انك غير جاد.ومبروك مقدما.

بص هو ده حل كويس
بس بعد كل ده بردو ياخد عربون و الباقي لما تكشف في التوكيل

[Amr81]

شكراً يا رجاله على الردود
هو أنا مش فاهم أوي يعني أنا أدي الراجل عربون كبير مثلن و أكشف على العربية في مكان محترم و بعد كدا أخدها
ولما اكشف عليها اديلو الباقي
طب هو أيه إلي غصبو على كدا و بعدين أيه إلي ضامنو اني مبوظش حاجة فالعربية بعد ماخذها
و لو سبتها عندو بعد مديته العربون أيه إلي يضمني هو هيعمل أيه و أيه إلي يضمن كل الكلام دة ؟

[farahat]

المقصود تدفع عربون صغير ، ذي ما بيسموه "ربط كلام " ، وتكتب عقد إبتدائي أو ورقة بالعربون ، وهتسيب العربية معاه وفي المعاد المحدد حتروح تكشف ، ولو تمام هتدفع تمن العربية وتستلمها لو فيها مشكلة بتاخد عربونك وتقطع العقد وخلاص على كدة . وممكن تكتب شرط جزائي في العقد الإبتدائي إن لو هو باعها ونت دفع عربون بيدفع الشرط دة أو لو إنت رجعت في البيعة قبل المعاد إلي اتفقتم عليه بتدفع الشرط دة .

بالنسبة للكشف، حضرتك سألت على المواعيد في القطامية وأبو رواش ومفيش معاد قبل إسبوعين ؟ وهل سألت في البافارية بس ولا سألت أبو غالي كمان ؟.

حتى لو مش حتروح التوكيل أو هتأجله ، لازم مكان متخصص bmw عشان يكشف عليها حتى لو كشف مبدئي ، مكانيكي عادي مش هيقدر يحكم على الموتور ولا الفتيس ولا الكماليات إلي فيها . و الأماكن المتخصصة في bmw فيه أكتر من مكان ، الافضل تبدأ بالتوكيل وبعدين حازم الشربيني وبعدين منصور وفيه كذا واحد تاني في الحرفيين .

[Amr81]

المقصود تدفع عربون صغير ، ذي ما بيسموه "ربط كلام " ، وتكتب عقد إبتدائي أو ورقة بالعربون ، وهتسيب العربية معاه وفي المعاد المحدد حتروح تكشف ، ولو تمام هتدفع تمن العربية وتستلمها لو فيها مشكلة بتاخد عربونك وتقطع العقد وخلاص على كدة . وممكن تكتب شرط جزائي في العقد الإبتدائي إن لو هو باعها ونت دفع عربون بيدفع الشرط دة أو لو إنت رجعت في البيعة قبل المعاد إلي اتفقتم عليه بتدفع الشرط دة .

بالنسبة للكشف، حضرتك سألت على المواعيد في القطامية وأبو رواش ومفيش معاد قبل إسبوعين ؟ وهل سألت في البافارية بس ولا سألت أبو غالي كمان ؟.

حتى لو مش حتروح التوكيل أو هتأجله ، لازم مكان متخصص bmw عشان يكشف عليها حتى لو كشف مبدئي ، مكانيكي عادي مش هيقدر يحكم على الموتور ولا الفتيس ولا الكماليات إلي فيها . و الأماكن المتخصصة في bmw فيه أكتر من مكان ، الافضل تبدأ بالتوكيل وبعدين حازم الشربيني وبعدين منصور وفيه كذا واحد تاني في الحرفيين .

أيوه ياباشا سألت عن الفرعين
ومعرفش موضوع أبو غالى ده هكلمهم بكره

بس هل هو يغنى عن التوكيل؟

[Silvermask]

متاااااااااااااابع بشدة

[Amr81]

يارجاله حد يفدنى هل لو كشفت عند ابوغالى ده يغنى عن كشف التوكيل ﻷنه مركز معتمد وأكيد عنده اﻷجهزه بتاعت التوكيل

[minicooper20]

اوعىىىىىىىىىىىىىىىىىىىى تاخد عربيه قبل متشوف الملف بيتاع الصيانه كامله
و لا مكينيكى و كهؤبائى و لا الجو ده هنا الغلطه بفوره
اديلو 5 الف جنيه
و قولو اول ما التوكيل يبقا فاضى نكشف و نتكل على الله
و يا ريت تقولو ميمشيش بالعربيه الفتره جى كتير يعنى الضرورى اوى
و اكتبو فى العقد انو لو بعها يديك العربون
و لو الكشف طلع عيب غير القالك عليه تاخد الفلوس
اوعى تكشف بره و لا حتى عنج شيخ الصنايعيه