مشكلة في السربنتنا الداخلية e90 2008

[mohmk]

السلام عليكم , أنا لسة جديد على bmw , الحمد لله اشتريت 320 2008, من حد معرفة ضامنها ,
بس هي فهيا المشكلة اللي ظهرت كتير فالموديل ده أن الفريون بيسرب بسبب مشكلة في السربنتنا الداخلية , صاحب العربية الأصلي كان مسافر مدة ولما رجع كانت طلعت بره الضمان ومردوش يغيروهله وعملوله مقايسة بحوالي 8000 جنيه ( سربنتنا داخلية جديدة وفك تابلوه وشحن ) بس هو معملهاش وشحن فريون بس وقعدت معاه الصيف كله تمام و وسربت بعد كده.
أنا لما جيت اشتري العربية عمل عليها كشف كامل فالتوكيل , بس قالولي مبدئيا نغير الماسورة اللي بين السربنتنا الخارجية والداخلية بـحوالي 1800 جنيه وبعد كده نكشف ونشوف موضوع السربنتنا الداخلية اخبارها إيه يمكن تكون سليمة ومنحتجش نعمل فيها حاجة !!
كده الموضوع كتير وممكن مثلا تنحس واغير الاتنين يعني 10000 جنيه !

أنا سمعت أن الساربنتنا الداخلية ده بتتباع بره التوكل حاجتين , الالماني 2700 أو اتحاد اروبي بـ1000 جنيه ..وهل في حد متمكن يعملهالي بـنضافة بره التوكل اصل الموضوع مش بسيط ده فيها فك تابلوه والق!
طيب رايكم إيه يا جماعة؟؟

[Amr_Moh]

واحد صاحبي غيرها في التوكيل خارج الضمان ببلاش (goodwill)

[farahat]

واحد صاحبي غيرها في التوكيل خارج الضمان ببلاش (goodwill)

ال-goodwill بيكون في فترة 12 شهر بعد إنتهاء الضمان ، وفي بعد الاحيان بيكون 6 شهور فقط ، و بما إن العربية موديل 2008 يعني أكيد فات أكتر من كدة على إنتهاء الضمان

[Amr_Moh]

هي كانت حارج الضمان بحوالي ٦ شور فعلاً (٢٠٠٩) وكان بردو سائل علإستراد كانت في حدود ٢٠٠٠-٢٥٠٠ فالمنحرفين بالفك والتركيب والشحن على ما أتذكر

[mailo]

معلش هو أنا مليش فالموضوع ده بس يعني إيه هنغير الماسورة ونجرب

هم مش المفروض يكونوا بيعرفوا يحددوا العيب فين

سؤال تاني بقى يعني إيه goodwill دي

[farahat]

معلش اعذرني في التشبيه إلي هستخدمه دة ..

دلوقتي لو حضرتك عندك في المطبخ السيراميك بتاع الحيطة بيطقطق ، لو جبت سباك خبرة هيقولك دي مواسير المية بتسرب داخل الحيط ، لكن مش هيقدر يحدد الخرم فين بالضبط ، وأول حاجة هيقوله نغير الوصلات إلي داخلة على الخلاطات ونشوف لو إتحلت ولتسريب راح يبقى تمام ، لو ما إتحلتش يبقى هنشيل كل المواسير من داخل الحيط ونغيرها .

دي نفس الفكرة ، مواسير التكيف ماشية داخل أماكن مش سهل رؤيتها ولا الكشف عليها ، وفي نفس الوقت الخرام إلي بتكون فيها بتكون أرفع من انها تتشاف بالعين (عشان كدة بيستعملوا صابون في الكشف عليها )، وبالتالي هما بيجربو السهل والأرخص تغييره الاول ، ولو ما إتحلتش بيضطر يغير الجزاء الكبير إلي هو السربنتينة .

ال-Goodwill معناها النية الحسنة ، يعني التوكيل بيظهر حسن النية تجاه العملاء بتوعه ، خصوصاً لو كان عميل منتظم في الصيانة وبيحافظ على العربية ، هما كمان بيحفظو عليها وبيقدموا ذي نوع من مد للضمان فترة من 6 شهور إلى سنة ، ودة بدون ما يكون فيه ورق أو ضمان رسمي يقول كدة ، دة نوع من المجاملة للعميل الملتزم وكل التوكيلات بتعمل كدة.

[medododo]

اشحن التكيف كل صيف وريح دماغك ذي ما كان صاحب العربية بيعمل

[ahmedsadek82]

السلام عليكم , أنا لسة جديد على bmw , الحمد لله اشتريت 320 2008, من حد معرفة ضامنها ,
بس هي فهيا المشكلة اللي ظهرت كتير فالموديل ده أن الفريون بيسرب بسبب مشكلة في السربنتنا الداخلية , صاحب العربية الأصلي كان مسافر مدة ولما رجع كانت طلعت بره الضمان ومردوش يغيروهله وعملوله مقايسة بحوالي 8000 جنيه ( سربنتنا داخلية جديدة وفك تابلوه وشحن ) بس هو معملهاش وشحن فريون بس وقعدت معاه الصيف كله تمام و وسربت بعد كده.
أنا لما جيت اشتري العربية عمل عليها كشف كامل فالتوكيل , بس قالولي مبدئيا نغير الماسورة اللي بين السربنتنا الخارجية والداخلية بـحوالي 1800 جنيه وبعد كده نكشف ونشوف موضوع السربنتنا الداخلية اخبارها إيه يمكن تكون سليمة ومنحتجش نعمل فيها حاجة !!
كده الموضوع كتير وممكن مثلا تنحس واغير الاتنين يعني 10000 جنيه !

أنا سمعت أن الساربنتنا الداخلية ده بتتباع بره التوكل حاجتين , الالماني 2700 أو اتحاد اروبي بـ1000 جنيه ..وهل في حد متمكن يعملهالي بـنضافة بره التوكل اصل الموضوع مش بسيط ده فيها فك تابلوه والق!
طيب رايكم إيه يا جماعة؟؟

انا لسة مغير السربنتينة الداخلية و الexpansion valve , بس عملوا كشف دقيق على كل دورة التكييف قبل ميقولو اغيرهم و التكلفة اكلية 7000 , انصحك تعملها في التوكيل انظف لأنها شغلانة مش سهلة و بيبيتوا العربية

[sheko_2000eg]

موضوع زي ده تعمله في التوكيل احسن

[Ahmedhussein007]

لو التابلوه اتفك بره وحاجه واحده بس ركبت غلط او مركبتش كويس هاتسمع اصوااااااات تكرهك فالعربيه لو مش هاتغير فالتوكيل ممكن تشحن كل صيف وتريح دماغك وده حل سهل وبسيط ومش مكلف

[novo]

اشحن التكيف كل صيف وريح دماغك ذي ما كان صاحب العربية بيعمل

+1


الشحن ب200جم

لو العربية قعدت معاك 10 سنوات بيقى التكلفة 2000جم

أكيد الشحن أفضل ملييييون مره

[mohmk]

جزاكم الله كل خير على الردود المفيدة ده :)

شكلي كده هاعمل بنصحتكو وامشيها شحن

طيب بالنسبة للشحن أنا سمعت من أول 75 جنيه لحد 200 جنيه زي المشاركة اللي فاتت مابتقول..
هوا ده فرق من مكان لمكان ولا في فرق في انواع الشحن
وياريت لو حد يعرف حد بيشحن بسعر كويس نحية اكتوبر أو الشيخ زايد يدلني عليه..

وشكرا مقدما :)

[hanyathlon]

حتشحنها مرة و الثانية بعد كده الخروم حتكبر و حتشحن كل أسبوع و بعد كده حتجيب كباس علشان لما كل مره تحشحنه الفريون بيقل فبالتالى بتهلك الكباس



نصيحه أخوية ........أعمل زى .... أشحن مره واحده بسو بعد كده غيرها


أنا عملتها فى مركز تكييف أسمه ديافيا متخصص تكييف فقط ..... عملوهالى زى الفل


المصنعية بالشحن و الكشف و كله 1000 جم , أشتريها موجوده بره 2500 جم أصلى

و لو جبت التالندى زى الفل ب 1300 جم و بتعيش أكتر

[hanyathlon]

و لو حتحشن لازم يفضل حد بشحن بالكومبيوتر أفضل علشان تأخد الكمية الصحيحة ..... بلاش البلدى أبو أنبوبه علشــان بتبقى مش مظبوطة


الكمية المظبوطة مكتبوبة أسفل الكبوت تقريبا على ما أفتكر 590 يقوم بأدخلها على الكمبيوتر

[hanyathlon]

تشغيل التكييف فترات طويلة بفريون فليل يهلك الكباس و يقلل عمره