316 i

[dandana_2000]

السلام عليكم
انا معايا عربية 316 موديل 2007 , عندى مشكلة فى التكييف انه مش بيشتغل غير و العربية ماشية لما العربية تقف او اشارة او انى اكون راكن بشتري حاجه و حد فى العربية التكييف بيفصل و المراوح هى اللى بتشتغل بس , بس لما العربية بتكون ماشية بيشتغل كويس , اعمل انا ايه بقي فى المشكلة ديه ؟؟

[sheko_2000eg]

يا باشا ده عيب في الكهرباء
شوف كهربائي محترم - هيعملهماك

[KHALED AYMAN]

عندى فيكترا كان فيها المشكله دى ..طلعت نقص فريون ! لان اما العربيه بتقف التبريد بيكون اصعب شويه ..مع نقص الفريون كان التبريد بيروح فى داهيه

[dandana_2000]

متشكر اوى يا جماعة على انكم بتحاولوا معايا فى حل مشكلة التكييف ديه بس موضوع الفريون انا رحت قيسته و كان ناقص و زودته و خلاص بس برضه بتعمل كدا , الاستاذ sheko_2000eg حضرتك بتقولى كهربا يعنى اروح للكهربائي اقوله يكشف على ايه او ايه اللى يتعمل , اقصد ايه اللى فى الكهرباء يكون هو اللى عامل كدا مع ان كل حاجه فى العربية كويسة من نيحية الكهرباء ؟

[rompo10]

عشان ماتكفش نفسك كتير دخل العربيه علي كمبيوتر بس والله واعلم كبس الكمبوروسور ضعيف

[sheko_2000eg]

متشكر اوى يا جماعة على انكم بتحاولوا معايا فى حل مشكلة التكييف ديه بس موضوع الفريون انا رحت قيسته و كان ناقص و زودته و خلاص بس برضه بتعمل كدا , الاستاذ sheko_2000eg حضرتك بتقولى كهربا يعنى اروح للكهربائي اقوله يكشف على ايه او ايه اللى يتعمل , اقصد ايه اللى فى الكهرباء يكون هو اللى عامل كدا مع ان كل حاجه فى العربية كويسة من نيحية الكهرباء ؟

روح للكهربائي قوله الكمبروسور بيفصل لما الدنمو بياخد كهرباء قليلة , خليه يشوف الدايرة بتاعت التكييف و يراجع الفيوزات

[elmohandes1]

متابع..

ياريت تقولنا المشكلة إتحلت ولا لسه

[Ayman999]

ايه الاخبار

[dandana_2000]

السلام عليكم
معلش يا جماعة انا اتاخرت فى الرد و اقولكم حل المشكلة بس علشان كنت كل ده بحاول احلها
رحت للراجل بتاع التكييف و حلينا الكمبيريسور على اساس انه هو اللى بايظ و انه مشكلته انه بيشتغل شوية و يريح شوية فلما انا بجري بيشتغل و لما بكون واقف مش بيقدر يشتغل لوحده .... رحت علشان اجيب بقي اخوه فملقتش زيه و رحت كذا مكان المهم اخر واحد قال لى هاته اشوف لك ماله و لو كدا اصلحه ليك دخل الوشرة و شوية قالى الكمبيريسور شغال مليون المية .... خلى الراجل اللى بيعمل لك العربية يتاكد من ال 6 بلف و راح مديني واحد بتاع العربية الاصلي علشان مش حينفع تركب غير بتاعها مش اى موديل تانى و رحت للراجل و خلع القديم و كان بيخروش و ركب ده و ركب الكمبريسور و الحمد لله التكييف بقي شغال 100 100 و حتى لو زودت قوة التكييف شوية بلاقي العربية بتشبر من جوا ..... و عامة الراجل قالى ان معظم العربيات ديه الكمبريسور صعب يبوظ فخلى بالكم من الاشتغالات .

[rompo10]

الحمد الله انها طلعت بسيطه

[elmohandes1]

طيب الحمدلله انها طلعت بسيطه - بكام بقى جبت ال non return valve؟
على فكرة بس لو كنت غستنيت شويه كان الكومبريسور باظ علشان الnon return valve بيحمى الكومبريسور من ال negative pressure
ده على قد معلوماتى البسيطة

[dandana_2000]

جبته ب 700 جنيه و الراجل اللى ركبه ضرب الـ 300 فقفل لى الباكو.

[sheko_2000eg]

الحمد لله ان المشكلة اتحلت
و مبروك عليك التكييف يا باشا
و صدقني انا دفعت 3000 ج عشان اشغل التكييف عندي
فا متزعلش علي ال1000ج فدا رحتك