316 اتلغيت يارجالة

[Hussein_Ramdan]

يوم ما اقرر اجيب بى ام زيرو
اتصل عشان اعرف اشترى مننين يقولى خلاص ياباشا مبقاش فى 316
دلوقتى 320 ونتا طالع
كتنا نيلة فى حظنا المنيل
بس تفتكرو هينزل اية فى الفئة بتاعيت ال316 عشان هى فئة واسعة معتقدش بى ام هتسبها

[minicooper20]

دى كانت مسوئه سمعه بى ام كويس انهم لاغوها
و يا باشا ال بى ام تتركب من 320 و انتا طالع

[Hussein_Ramdan]

دى كانت مسوئه سمعه بى ام كويس انهم لاغوها
و يا باشا ال بى ام تتركب من 320 و انتا طالع

لية

[mody3on]

عشان موتور ضعيف ومفيش كماليات ولا اي حاجة
البي ام ممكن تتركب من 318 على الاقل , بس عشان تتزنجف صح مش اقل من 320

[Amr_Moh]

ممنوع كتابه اللغه العربيه باحرف اجنبيه
مشرف عام 1

[fahd_628]

دة تقريبا لل e90 فقط علشان قرب ينتهى انتاجها و ال f10 نازلة

مش معنى كدة انها اتلغت من العالم :)

الكلام دة فى مصر بس :)

[sheko_2000eg]

هتنزل في f10
و فعلا ال 316 متتركبش الصراحة

[Ayman999]

انا مستني الفئة التالتة الجديدة اخر السنة دي...خي مش هاتنزل 316؟؟؟؟
طيب ما كده تمن اقل عربية فئة تالتة هايعدي 300 الف

[Mzeid]

دة تقريبا لل e90 فقط علشان قرب ينتهى انتاجها و ال f10 نازلة

مش معنى كدة انها اتلغت من العالم :)

الكلام دة فى مصر بس :)

هتنزل في f10
و فعلا ال 316 متتركبش الصراحة

ال f10 دي اللي هي الفئة الخامسة

الفئة الثالثة f30

[ARefaatM]

دى كانت مسوئه سمعه بى ام كويس انهم لاغوها
و يا باشا ال بى ام تتركب من 320 و انتا طالع

like

[S O P H O S]

بس هي لسه علي المواقع موجودة
ياتري فالمعارض مش موجودة يعني ؟

[farahat]

يا جماعة هي ما إتلغتش ، هي بالعربي "خلصت ومش هنجيب تاني ، استنى المحصول الجديد :) "، دة إلي يقصده التوكيل .
التوكيل زي أي تاجر ، بيجيب شحنة من كل موديل ، عدد معين مثلاً من ال-316i ويبيع فيها لحد ما تخلص وبعدين يجيب تاني ،
في حالة ال-316 التوكيل كان بيجيب 40-50 عربية كل فترة وبيتباعو في حوالي 6 شهور أو أكتر ، دلوقتي الشكل القديم بيخلص ، و هو يدوب خلص المخزون إلي عنده وباعه ، والشكل الجديد نازل على أخر السنة في مصر ، لو جاب شحنه جديدة ما يضمنش تتباع كلها وبالتالي هتفضل عنده عربيات محدش بيشتريها ، يبقى أحسن ليه يوقف لحد ما ينزل الشكل الجديد ، وساعتها المشترين دول فيه منهم إلي هيستنى ويشتري الجديد أو لو مستعجل ومعاه فلوس هيشتري ال-318i أو ال-320i الموجود منه مخزون حالي ، وبالتالي التوكيل كسن برضه مش هيخسر حاجة .

[Batman372]

بعد التحيه ،
يعنى ايه 316 مسوئه سمعه بى-ام او افشل سياره و الكلام الخطأ من ده ؟؟؟ اين الدليل على ذلك ؟؟؟ هو اى كلام و خلاص ؟؟ !!
للعلم فقط ال 316 من انجح فئات بى-ام مبيعا فى كل العالم !!!
كذلك بها كل عناصر الامان كتجهيز اساسى غير موجود فى كثير من السيارارت من فئه الاليجانس !!!
و لو الكلام على الموتور ف 115 حصان مش ضعيف ولا تعبان كما يقال !!!
و لو الكلام على انها غاليه ب 240 الف - فذلك لانها ببساطه بى ام !! the ultimate driving machine !!

- و منضحاكش على بعض اى واحد لو يقدر، يتمنى امتلاك هذه السياره الرائعه :)

اخيرا يا ريت اى نقاش يكون مبنى على الواقعيه و الحقائق و عدم التحيز ...

و بالنسبه لصاحب الموضوع >>> ابحث عن كسر الزيرو و وفرلك 20/30 الف جم لان نزول الشكل الجديد F30 حيوقع سوق ال E90 بصفه عامه - و من الخطا جدا شراء E90 زيرو الان .
تحياتى ...

[farahat]

بعد التحيه ،
يعنى ايه 316 مسوئه سمعه بى-ام او افشل سياره و الكلام الخطأ من ده ؟؟؟ اين الدليل على ذلك ؟؟؟ هو اى كلام و خلاص ؟؟ !!
للعلم فقط ال 316 من انجح فئات بى-ام مبيعا فى كل العالم !!!
كذلك بها كل عناصر الامان كتجهيز اساسى غير موجود فى كثير من السيارارت من فئه الاليجانس !!!
و لو الكلام على الموتور ف 115 حصان مش ضعيف ولا تعبان كما يقال !!!
و لو الكلام على انها غاليه ب 240 الف - فذلك لانها ببساطه بى ام !! the ultimate driving machine !!

- و منضحاكش على بعض اى واحد لو يقدر، يتمنى امتلاك هذه السياره الرائعه :)

اخيرا يا ريت اى نقاش يكون مبنى على الواقعيه و الحقائق و عدم التحيز ...

و بالنسبه لصاحب الموضوع >>> ابحث عن كسر الزيرو و وفرلك 20/30 الف جم لان نزول الشكل الجديد F30 حيوقع سوق ال E90 بصفه عامه - و من الخطا جدا شراء E90 زيرو الان .
تحياتى ...

كلام سليم جداً ، ونصيحة لصاحب الموضوع أحييك عليها .

نقطة بسيطة س وهي نقطة إن ال-316i من انجح الفئات في العالم ، الأدق إن الفئة التالتة هي إلي من انجح فئات BMW في العالم ، لكن ال-316i (يعني الفئة التالتة إلي فيها موتور 1600 ) مش ناجحة ولا حاجة ، ولا تعتبر من سيارات العالم ، لأنها بتتباع فقط في عدد محدود من الدول في العالم (ما يكملوش 10 دول ! ) ، وهي الدول إلي فيها ضرايب السيارات بتتحسب بسعة الموتور.

[Hussein_Ramdan]

شكرا ياشباب على النقاش الجميل دة وفعلا انا بدور على حاجة كسر